Sevinmeliktä da, belada da Türkiyemiz yanımızda!

Sevinmeliktä da, belada da Türkiyemiz yanımızda!

Kırım ayın (dekabri) 9-da Çadır kasabasında verildi anaktarlar eni kvartiralardan, 15 ayleyä, angıları bu yıl, Kirez ayın (iyün) 13-14 gecesi, Çadırda olan seldän evlerini kaybettilär. Bu kvartiraları eni evdä düzdü Türkiye Respublikası, Moldovada TİKA koordinatorluk ofisin yolunnan.

Sevinmeliktä da, belada da Türkiyemiz yanımızda!

Evin açılmasını hem insannara anaktarları verilmesi sırasında pay aldılar Türkiye Kişinev Büükelçisi Hulusi KILIÇ, Moldovada TİKA ofisin koordinatoru Canan ALPASLAN, Gagauziya Başkanı İrina VLAH, Çadır primarı Anatoliy TOPAL, Çadır rayonun başı Valentin KARA, Çadır kasabasının sovetnikleri hem cümne insannarı.

Sevinmeliktä da, belada da Türkiyemiz yanımızda!

Kendi nasaatında Gagauziya öndercisi hem Cadır kasabanın primarı şükür ettilär Türkiye Respublikasına hem Türkiye halkına, Türkiye Respublikasının Prezidentına Recep Tayyip ERDOĞANa annamak için hem vakıdında yapılan bu yardım için.

Sevinmeliktä da, belada da Türkiyemiz yanımızda!

Hepsi aylelerin adından, ani o günü kvartiralardan anaktarları kablettilär, kendi şükür sözünü, yaşları gözlerindä, söledi Nataliya KIVIRCIK: “Bizim ömürümüzdä büün bir sebepli gün – biz eni kvartiralardan anaktarları kablettik. Bän gördüm kvartiramı. O büünkü starndartlara yugun bir yuva. Saa olsun Türkiye, ani brakmadı bizi yalnız bu belaya karşı!”

Sevinmeliktä da, belada da Türkiyemiz yanımızda!

Kendi tarafından Türkiye Kişinev Büükelçisi Hulusi KILIÇ açıkladı, ani “Türkiye her zaman gagauzlara yardıma hazır. Zerä sizin problemalarınız bizim da problemalarımız”.

Moldovada TİKA ofisin koordinatoru Canan ALPASLAN söledi, ani evin yapılmasında omuz-omuza çalıştılar TİKA, Çadır kasabasının hem Gagauziyanın öndercileri. Canabisi urguları onu, ani “pek islää, ani insannar kvartiralarına geçeceklär ayazlar taa urmadaan”.

Çadırın Karl Marks sokaan № 17/1 adresindä bulunan bu ev 5 ayın içindä düzüldü. Onun 1-ci katında 1 odalı kvartiralar, 2-ci hem 3-cü katında sa 2 hem 3 odalı kvartiralar bulunêrlar. Hepsi kvartiralarda bütün santehnika kurulu, kufnelerdä mebel erleştirili hem onnarda var gaz, elektrika, su, avtonom yısıtma sistemaları (1-ci katta elektrikaylan, 2-3 katta gazlan).

Büünkü gündä, hep Türkiyenin yardımınnan, Çadırın Stratan deresi bokluklardan paklanêr, zerä bu derenin tıkalı olması getirdi ona, ani 2016-cı yılın Kirez ayın (iyün) 13-14 gecesi Çadırda sel oldu.

Not. Biz da, “Ana Sözü” gazetası olarak, kendi okuycularımızın adından şükür ederiz Türkiye Respublikasına,Türkiye Respublikasının Prezidentına Recep Tayyip ERDOĞANa, Türkiye Kişinev Büükelçisi Hulusi KILIÇa, Moldovada TİKA ofisin koordinatoru Canan ALPASLANa o iş için, ani bütün candan yardımnan bulundular belaya düşän çadırlıların yanında. Saa olun, ani taa bir kerä gösterdiniz, ani sevinmeliktä da, belada da Türkiyemiz yanımızda!

Todur ZANET

Источник anasozu.com

İlgili statyalar

Komrat Recep Tayyip ERDOĞAN adına ihtärlar evin 15-ci yıldönümü

Küçük ayın (fevral) 9-da Komrat Recep Tayyip ERDOĞAN adına ihtärlar Evi kendisinin 15-ci yıldönümünü kutladı. İhtärlar Evin yıldönümünü bakmaa deyni burayı geldilär hem bu Evdä işleyän personalı hem burada bulunan ihtärları kutladılar Komradın primarı Sergey ANASTASOV, TİKA programaların Kişinev kordinatorluk Ofisin kordinatoru Canan ALPASLAN, TİKA kordinator  yardımcısı Osman USTA, Gagauziya İspolkom Predsedatelin yardımcısı Olesä TANASOGLU, Halk Toluşu başın yardımcısı Aleksandr TARNAVSKİY, Komrat Devlet Universitetın ekonomika fakultetın dekanı Konstantin TAUŞANCI, kimi Gagauziya ekonomika agentları. İhtärlar Evin direktoru Vasiliy SEMENÜK kendi sözündä şükür etti TİKA programaların Kişinev kordinatorluk Ofisin kordinatoru Canan ALPASLAN “o büük yardımnar için hem çalışmalar için, ani Türkiye tarafından yapılêr bu…

TİKA burada proekttan zeedä iş yaptı

(TİKA başardı Çadırda Stratan deresinin paklamasını hem tertiplemesini) 2016-cı yılın Kirez ayın 13-14 gecesi bakırdan dökülän yaamurlar hem fırtına Gagauziyanın Çadır kasabasına büük belalar getirdi. Ozaman su hem batak sellerindän insannarın evlerinä hem kasabanın yollarına büük zararlar oldu. Bu zararların çoyunun sebepi da Çadırdakı Stratan deresi oldu. Zararların sonuçlarını yok etmää deyni, ozaman Türkiye Respublikası büük yardımnara girdi. İlkin 15 kvartiralık bir ev tertipledi hem kvartiralardan anaktarları 15 zarar görän ayleyä verdi. Hep ozaman, TİKA yolunnan, Çadırdakı Stratan deresinin paklamasını hem tertiplemesini yapmaa başladı. Çadırın primarı Anatoliy TOPAL açıkladı, ani “Stratan deresinin paklaması hem tertiplemesi başarıldı. TİKA burada proekttan zeedä…

TİKA yardımınnan Çadırın 7-ci uşak başçası enidän açıldı

Geçennerdä Çadırın 7-ci “Yuvuşka” (“Süütçäz”) uşak başçası enidän kapularını açtı. O kapalıydı o üzerä, ani imäk hazırlamak bölümü pek kötü duruma gelmişti. Da şindi burayı gidän 150 uşak için TİKA yardımınnan uşak başçasının kufnesini hem yıkamak bölümü enilendi. “Yuvuşka” (“Süütçäz”) uşak başçası açıldı 1968-ci yılda. Ozamandan beeri burada capital remont olmadı. Onun yapıları dökülmää başladı, örtüsü – akmaa, kufnesi çöktü. Onuştan devletin sanitar strukturaları o uşak başçasını kapadı. Da ozaman Çadır primarı Anatoliy TOPAL danıştı TİKAya tekliflän, ani Çadırın 7-ci uşak başçasının kufnesini hem yıkamak bölümünü eniletmesindä yardımcı olsunnar. Bu teklif TİKA tarafından incelendi hem kabledildi. İlktän neettä vardı sade…

Türkiyenin 2016-cı yılın 15 Temmuz şehitlerinä Gagauziyada saygı

2021-ci yılın Orak ayın (iyül) 16-da Gagauziyanın Çadır kasabasında, Türkiye Respublikasının “Demokratiya hem Milli Birlik Günü” çerçevesindä, oldu bir sıra, neredä saygıylan andılar 2016-cı yılın 15 Temmuz (Orak ayın (iyül) 15-şi) gecesi FETÖ tarafından Türkiyedä devlet devrimi denemesinä karşı koyan 251 şehiti hem yaralannan insannarı. Saygı sırası geçti Çadır kasabasının primariyasının kararınnan hem Türkiye Türk İşbirlii hem Koordinaţiya Agenstvosu Başkannıın (TİKA) yardımınnan kurulan “İzmit kardaşlık parkında”, neredä bulunêr şehitleri anmak nışan taşı.   Sıra başladı susma saygısı duruşundan, nedän sora burada pay alan Türkiye Kişinev Büükelçisi Gürol SÖKMENSÜER, Gagauziyanın Başkanı İrina VLAH, TİKA Kişinev programaların Koordinatoru Selda ÖZDENOĞLU, Türkiye Respublikasının…

Kusurlu uşaklara TİKA taa bir yardım yaptı

Taraklı rayonun Tvardiţa kasabasında Ceviz ayın 6-da açıldı reabilitaţiya merkezi, angısını Türkiye Respublikası TİKA yolunnan eniletti. Merkezin ofiţial açılışında pay aldılar Moldova Türkiye Kişinev Büükelçisi Hulusi KILIÇ hem TİKA Moldova Programaların Koordinatoru Canan ALPASLAN. Canabilerini burada tuz-ekmeklän karşladılar kasabanın primarı hem reabilitaţiya merkezin zaametçileri. Kasabanın halk oyun ansamblisi üüsek musaafirlerä bulgar oyunnarını gösterdi, bildirer gagauzinfo.md saytı. TİKAnın yardımınnan Reabilitaţiya merkezin bütün eniletmä işleri iki ayın içindä yapıldı. Bu vakıtta binanın örtüsü diiştirildi, duvarlar suandı hem boyandı, eni mebel hem kinetoterapiyaylan masaj tertipleri alındı. Bu Reabilitaţiya merkezi kurulu o uşaklar için, kimä, kusurlukları beterinä, zor hepsicii gibi cümne ömürünü götürmää. Источник…


İnsannarın cuvapları: