Gagauzlara taa bir kara yımırta. Bu kerä Moldova delegațiyasından ESPAda

Moldova Parlamentın Predsedateli İgor GROSU hem Gagauziya Halk Topluşu Başı Dimitriy KONSTANTİNOV Küçük ayın (fevral) 14-dä aralarında bir telefon dialogu kurdular. Nicä açıklandı, Moldova Parlamentın Spikerı İgor GROSU, Gagauziya Halk Topluşu Spikerına Dimitriy KONSTANTİNOVa, işlerindä hem çalışmalarında başarılı olsun diledi. İki spiker annaştılar, ani Gagauziya (Gagauz Yeri) avtonomiyasının yaşamasını Moldova Respublikasının Konstituțiyasına görä kurmaa hem 1994-cü yılda kabledilän “Gagauziya (Gagauz Yeri) özel hak statusu için” Zakonuna görä Moldova zakonnarını erleştirmää deyni Moldova hem Gagauziya arasında kurulan parlamentlar arası çalışmak grupası çerçevesindä dialogu enidän başlatmaa. Taa ileri bu grupa hep kara yımırta yımırtladı, bak: http://anasozu.com/komisiya-angi-yimirtayi-yimirtlayacek-biyazi-mi-karayi-mi/ http://anasozu.com/parlament-komisiyasi-calismak-grupasi-kara-yimirtayi-yimirtladi/ http://anasozu.com/parlament-komisiyasi-bir-kara-yimirta-yimirtlayip-gagauzlara-taa-bir-kera-gulmaa-aldi/ http://anasozu.com/gagauzlara-taa-bir-kara-yimirta-bu-kera-moldova-delegatiyasindan-espada/ http://anasozu.com/kara-yimirtalar-biyaza-donecek-mi-sanmeeriz/ Источник anasozu.com

Cümnenin gözlerini boyamaa deyni zaman-zaman Moldova Parlamentında toplanêr ölä denilän Moldova hem Gagauziya arasında parlamentlar arası çalışmak grupası, angısının taa bir toplantısı oldu Kişinevda 2023-cü yılın Kırım ayın (dekabri) 5-dä: https://halktoplushu.md/archives/14517. Taa baştan urgulêrız, ani, ne dä bizä türlü mancalar dadında annatmaa savaşsalar, bu toplantı da kof çıktı, zerä yok nicä dolu çıksın iş, angısı taa baştan ölü şeydän duuma. Hem buda diil kabaatlı Moldovanın büünkü kuvetleri (oku PAS partiyası) , ama kabaatlı hepsi kim bu kofluu yarattı, kim Moldova hem Gagauziya arasında parlamentlar arası çalışmak grupasının kurulmasından beeri (taa 2014-cü yıldan) Moldovada kuvettä bulundular: demokratlar da, komunistlär dä, soțialistlär…

Canavar ayın (oktäbri) 25-dä genä toplandı Moldova hem Gagauziya arasında kurulan parlament grupası (ileri – komisiyaydı!) da inceledi Gagauziyaylan ilgili normativ aktları paketını. Normativ aktları paketın içindä vardı “Moldova Parlamentın Reglamentına Gagauziyalan ilgili diiştirmeklär yapmak” Zakon proektı hem “Gagauziyalan ilgili olarak Moldovanın normativ aktları” Zakonuna hem kimi erindeki notmativ aktlara diiştirmeklär yapmak. Bu buluşmak oldu finländiyalı “CMİ – Martti Antisaarı Barış Fondu” (CMI – Martti Antisaarı Pease Foundation) aracılıınnana, ani Şvețiyadan para alıp, artık üç yıl bizdä “Gagauziya avtonomiyasının uurunda instituționallı hem diişmäz dialogta yardım”nı yapêr. Başlayıp 2015-ci yıldan beeri, nicä kuruldu bu Moldova hem Gagauziya arasında parlament grupası, o…

Baba Marta ayın 22-dä, iki yıldan sora, Kişinevda genä toplandı “Moldova hem Gagauziya arasında kurulan parlamentlar arası çalışmak grupası (komisiyası)”, angısının neeti 1994-cü yılda adanılmış “bir ayın içindä Moldovanın Zakonnarını “Gagauziya (Gagauz Yeri) özel hak statusu için” Zakona görä doorutmaa hem uygulamaa. Toplantı Moldova Parlamentı Başı İgor GROSU başkannıında yapıldı. Orada Moldova Parlamentın hem Gagauziya Halk Topluşu deputatları, Gagauziya Başkanı, Türkiye Kişinev Büükelçisi Gürol SÖKMENSÜER, başka kordiplomatik temsilcileri pay aldılar. “Moldova hem Gagauziya arasında kurulan parlamentlar arası çalışmak grupası (komisiyası)” türlü adlar altında taa 2014-cü yıldan beeri hep toplanêr, ama, “neçin sä”, büünkü günädän hep kara yımırtalar yımırtladı. 2020-ci yılın…