Eni paa diil, ani tuzluca, ama kär pek yakıcı!

Kasımın 30-da Moldovanın Energetikada Uygulama Milli Agenstvosu (AUMA) (Agenţia Naţională pentru Reglementare în Energetică) şafklar için, paaları üüseldip, eni tariflär kurdu: Premier Energy için – 5,91 luy kVt/saat (24 % kalktı), FEE Nord için – 5,60 ley kVt/saat (16,4 % kalktı). Pravitelstvo adêêr, ani kimi vatandaşlara deyni bu paa kalkmasından zararları geeri çevirmää, ama… gelän aydan. Bunun için açıklama yaptı Moldovanın İş hem cümne koruma ministerliin ministrusu Marçel SPATAR. Источник anasozu.com

Moldovanın Energetikada Uygulama Milli Agenstvosu (AUMA) (Agenţia Naţională pentru Reglementare în Energetică – ANRE) kabletti AB “Moldovagaz” kuruluşun teklifini, ani Moldovada, insannara deyni, gaz paalarını indirmää. AUMAnın bu kararı kuvedä geçtiynän, evdä kullanan gazın bir metra kubu için insannar 18,07 ley ödeyeceklär. AB “Moldovagaz” sa istediidi paa 19,93 ley olsun. Kendi tarafından AB “Moldovagaz” kuruluşun başı Vadim ÇEBAN bildirdi, ani “AUMAnın kararı vermeyecek kolayını hepsi harçlarını kapamaa. Bu üzerä dä gaz daadan kuruluşlar yılı zararlan başaraceklar”. Eridir urgulamaa, ani, açan dünnää gaz için ucuz paa ödärdi, Energetikada Uygulama Milli Agenstvosu (AUMA) vatandaşlara deyni bıldır kurduydu korkunç üüsek bir paa –…

Çiçek ayın (aprel) 12-dä açıklandı, ani Moldovanın Energetikada Uygulama Milli Agenstvosu (AUMA) (Agenţia Naţională pentru Reglementare în Energetică) kararına görä, şafklar için paaları bir damna indirip, onnara eni elektrika tariflerini kurdu. Nicä bildirdi AUMA Moldovada insannara deyni şafklar için eni elektrika tariflerini bölä olacek: Premier Energy için (Moldovanın poyraz tarafına deyni) – 2,99 ley kVt/saat, FEE Nord için (Moldovanın merkez hem üülen taraflarına deyni) – 3,58 ley kVt/saat. Bu paalar kevedä geçeceklär AUMA kararının “Monitorul oficial” jurnalında tiparlanmasından sora. Источник anasozu.com

Başlayıp 2023-cü yılın Orak ayından (iyül) Moldovada yol kurallarına uymayan şöförlara deyni eni cezalar koyulêr. Hızlılıı 10-20 km/s geçtiniz mi – 600-900 ley ştraf hem 3 bal ceza, 20-40 km/s için – 900-1200 ley ştraf hem 4 bal ceza, 40-60 km/s geçtiniz mi – 1500-1800 ley ştraf hem 5 bal ceza. Hızlılıı 60-80 km/s geçtiniz mi – 2250-2500 ley ştraf, 6 bal ceza hem 60-70 günä pravaları kaybedersiniz. 80 km/s hem taa zeedä – 3750-5000 ley ştraf, 7 bal ceza hem 90-105 günä pravaları kaybedersiniz. Источник anasozu.com