Aleksandr STOYANIGLUnun payvantlarını biraz bollattılar
Harman ayın (avgust) 25-dä Kişinev Apeläțiya Palatası karar aldı gagauz olan hem bir kabaatsız işindän alınan Moldovanın Baş prokurorun Aleksandr STOYANOGLUnun payvantlarını biraz bollatmaa.
Bu karara görä Aleksandr STOYANOGLUya pasportu geeri çevirildi hem kolaylık verildi gazetacılarlan hem başka prokurorlarlan buluşmaa hem da toplantılara katılmaa. Bundan kaarä Aleksandr STOYANOGLU raat var nicä Moldovadan çıkıp girsin.
Nicä açıkladı kendisi Aleksandr STOYANOGLU, o hep taa sud kontrolü altında kalêr da, çaarıldıynan, lääzım prokuraturaya ya da suda gelsin.
Moldovanın gagauz olan Baş prokurorunu Aleksandr STOYANOGLU Moldova Moldovanın informaţiya Slujbasının SİSı (eski KGB) tarafından, bir kabaatsız, 2021-ci yılın Canavar ayın (oktärbi) 5-dä avşamneyin saat 18:00 için açıklanmış pres-konferențiyanın önündä tutuklandı.
Источник anasozu.com 27.08.2022