Yunus EMRE peet okuması konkursu geçti

Türk dilinin hem kulturasının Büük izmetçisinin, bütün dünneyä anılmış olan poetın Yunus EMREnin ölmesinin 700-ci yıldönümünnän ilgili olarak, 2021-ci yıl UNESKO tarafından bu yıldönümün kutlaması yılı açıklanmıştı. Poet Yunus EMRE Türk literaturasının istoriyasında var hem kalacek en parlak hem en seçkin adlarından birisi, angısı halkının anmalarında silinmez bir iz braktı. Yunus EMREnin yaşaması uurunda pek çok bilgi yok. Salt biliner, ani o XIII-cü asirdä Türkiyenin Eskişehir kasabasında duumuş. O büük bir poettı hem erdän-erä gezän bir dervişti. Onun peetleri pek derin saklı annamaları açıklêêr.  Yunus EMREnin taa bir önemnii var – o tükçe poeziyanın temelini kurdu hem  halkın dilinnän becerdi…

Komrat ATATÜRK bibliotekasının 25-ci yıldönümünän ilgili olarak, Kirez ayın (iyün) 16-da Komrat Kultura evindä oldu bir sıra, neredä bu kuruluşun yortusu bakıldı. O günü,  ATATÜRK bibliotekasını hem onun zaametçilerini kutlama deyni, buraya geldilär TİKA Kişinev programaların Koordinatoru Selda ÖZDENOĞLU, Türkiye Gagauziya Komrat Başkonsulu Hasan AKDOĞAN, Gagauziya İspolkomun azaları, gagauz yazıcıları, resimcileri, bilim insannarı, Komrat Devlet Universitetın türkologiya fakultetın üüredicileri hem studentları, jurnalistlär. Maasuz bu gün için hazırlandı foto hem resim sergileri, plazmalardan konuylan ilgili videolar gösterildi. Kutlama yortunun başında Gagauziya Başkankasının duhovoy orkestrası sțenadan Gagauziyanın, Moldovanın hem Türkiyenin gimnalarını çaldı. ATATÜRK bibliotekasının 1998-ci yılın Kirez ayın (iyün) 26-da kuralmasından büünkü…

“Gagauziya: geçmişin opıtı, büünkü kolaylıklar, gelecään strategiyası” halklararası simpoziumundan sora, Türkiyedän Evropa Sovetin Parlament Asambleyası (PACE) Başkan yardımcısı Büükelçi Ahmet YILDIZ Komrat ATATÜRK bibliotekasına buyurdular. ATATÜRK bibliotekasında Büükelçi Ahmet YILDIZ hem Canabisinnän bilä burayı gelän Türkiye Kişinev Büükelçisi Uygar Mustafa SERTEL, Türkiye Gagauziya Komrat Başkonsulu Hasan AKDOĞAN, TİKA Kişinev programaların Koordinatoru Selda ÖZDENOĞLU türk vatandaşlarınnan buluştular. Büükelçi Ahmet YILDIZ ATATÜRK bibliotekasının çalışmalarınnan hem kiyat istediklerinnän tanışmadan sora, burada bulunan TİKAya baalı olan “Yunus Emre” institutun üüredicilerindän Gagauziyada çalışmaları hakkında bilgilär edendi. Buluşmanın sonunda, “ATATÜRK” biliotekasının direktoru Vasilisa TANASOGLU baaşladı Canabisinä gagauz yazıcısının Todur ZANETin “Seçmä yaratmalar” kiyadını, angısını avtor kendisi…

2021-ci yılın Ceviz ayın (sentabri) 12-dä Komrat ATATÜRK bibliotekasının başçasında, açık havada, oldu uşak resimneri “Gélin resim yapalım” konkursu, nereyi katıldılar 8-17 yaş arasında bulunan uşaklar hem gençlär. Konkursun baş temasıydı “Ana tarafın adetleri”. Konkursta pay aldılar Komrat Dimitriy SAVASTİN resimcilik şkolasının üürencileri hem kendi başına gelän başka uşaklar da, angılarında vardı resimcilik uurunda beceriklik hem angıları artık bilardilär ne olacek burada, neçin deyni onnarın çoyu geçän yıllarda bulundular bu hazırlamaklarda. Konkursun çerçevesindä oldu buluşmak anılmış resimciylän Sergey SAVASTİNnän, angısı paylaştı uşaklarlan resimciliktä kendi bilgilerinnän hem fikirlerinnän hem genç resimcilerä master-klas Verdi. “Ana tarafın adetleri” konkursuna katılan uşaklar, üç saat…

Türkiye çiftçilik hem daacılık ministerliin ministru yardımcısı Fatih METİNin başkannıında Gagauziyada bulundu bir büük delegațiya, angısı tanıştıtarafımızın çiftçilik, kultura hem turizma durumunnan. Türkiyedän delegațiya buluştu Gagauziya İspolkomu predsedatelin yardımcısınnan hem İspolkom azalarınnan, angıları annattılar Gagauziyada çiftçiliin durumu için hem o zararlar için, ani klimat beterinä burada olêr. Sora ministru yardımcısı Fatih METİN hem bütün delegațiya tanıştılar Komrat ATATÜRK bibliotekasınnan hem burada buluştular Türkiyenin “Yunus Emre” institutun üüredicilerinnän, ani Gagauziyada işleerlär. Ministru yardımcısı Fatih METİN bibliotekanın musaafirlär tefterindä yazısını braktı. Источник anasozu.com