Yassı-Kişinöv operaţiyası büük rolü oynadı asker-politika durumunda Üülen-Günduusu Evropanın cenk olaylarında.

Orak ayın 23-dä Komratta 1944yılın Yassı-Kişinöv operaţiyasının süresindä kasabanın koruyucularını. Bu günnän baalı Tretyakova hem Osvobojdenie sokaklarında  anmak taşlarında cenk kahramannarına çiçek koyuldu.

Yassı-Kişinöv operaţiyası 1944 yılın orak ayın 20-29-dan geçirildi. O sayılȇr Büük Vatan cengin en başarlı operaţiyası. Önemniinä görä Stalingrad hem Kursk düüşlerinnän yaraşȇr. Yassı-Kişinöv operaţiyasının yardımınnan Benderı, Belgorod-Dnestrovsk, Komrat, Kişinöv hem başka kasabaları hem küüleri faşistlerdän kurtardılar.

Gagauziyanın anılmış jurnalisti Ana Jekova  çok yıl  aaraştırȇr Büük Vatan cengin olaylarını. O yılların kahramannarını aklında tutmaa gelän evlad boyların önemni davaası. Kahramannarın birisi Nikolay Tretyakov, angısının adı  Komradın bir maalesinä verildi.  1944 yılda orak ayın 22-dä Komrat kasabasını kurtararkan Т-34 tankında bulunarak ilklerin sırasında kasabaya girdi. Bu olay için Sovet Birliin Kahramanı adını kabletti.

Kişi, angısı kendisinindä duydu ne o cengin zihirleri hem acıları, Galina Andrienko. Büünkü günnär Galina Komrat merkez mezarlıında Büük Vatan cengin bilmeyän askercilerinin mezarlarını tertipleer. Onu brakmȇȇr umut, ani bekim birkimsey onun vatanında Sevastopolda geçinmiş hısımnarın mezarlarını da tertipleer.

GALİNA ANDRİENKO Komrat muniţipiyasının yaşayanı, Büük Vatan cengin veteranın kızı : — «Bobam geçindi, 17 yaşında daykam raat bakamardı ona, nesoy ţaţim, asker-doktoru, aar yaralandıydı.Dayanamadı, aldattı ki 19 yaşında da dokumentlerini kaybetti. Onu aldılar cengä, Sevastopolü kurtarmaa».

Yassı-Kişinöv operaţiyası büük rolü oynadı asker-politika durumunda Üülen-Günduusu Evropanın cenk olaylarında.




Источник grt.md
234

İlgili statyalar

Gagauziyada Büük Vatan cengin pay alannarın mezarlarını tertiplemäk akţiyası geçer

Gençlik hem sport bakannıı «Var anmak, angısı kenarsız» akţiyasını geçirer. Bu akţiyaya görä lääzım tertiplemää Büük Vatan Cengin  veterannarın mezarlarını. Bundan sora plannanȇr kurmaa bazayı deyni toplamaa mezarlar sayısını hem onnarda gömülü cenk pay alannarı için bilgileri. «Gençlik hem sport bakannıı geçirer bu akţiyayı ki insannar tutsunnar aklılarında cengin kahramannarını. Bu akţiyaya katıldılar avtonomiyanın hepsi kasabaları hem küüleri”, — haberledi Gençlik hem sport bakannıın baş uzmanı Lübov Sakalı. Bundan kaare Gençlik hem sport bakannıı isteer kurmaa maasuz  bilgi bazasını. «Biz  açıklayacez informaţiyayı bu veteranar için, neredän onnar, hem ne taa bulacez onnar için», — söledi Lübov Sakalı. Bu akţiyada pay…

Komratlı Galina Andrienko kocasının mezarına yanaşık sovet askerlerin adsız mezarlarını tertipleer

Büük Vatan Cengi milionnarlan insanın yaşamasını aldı. Onun kurbannarı taa çok genç insandı. Askerlerin mezarları çok var devlettä. Onnardan kimilerin üztündä ne ad var, ne duuma hem ölüm günneri.  Gagauz erindä da bölä var. Komrat mezarlıında iki adsız mezarı tertipleer kasabanın yaşayankası Galina Andrienko. Galina Andrienko eşini — deniz flotun ofiţerını Vladislav Andrienkoyu 2008 — dä gömdü. Kocasının mezarını sıradakı keret dolaştıynan karı ona yanaşık iki mezarı kırmızı yıldızlarlan tepelerindä esaba aldı. Canı acıdı da aldı kararı elleri-ayakları tutarkana onnarı da tertiplemää. Otları keser, çiçek koyȇr, sulȇr, ki bütün yaz açsınnar. Da bölä artık 13 yıl. Galina Andrienko bilmer bu…

Valkaneştä Büük vatan çengindä ölmüş askerleri anmak taşının dolayını eşilletilär

Valkaneşttä geçti eşilletmäk akţiyası. Ona katıldılar kasabanın liţey hem gimnaziyanın üürenicileri. Toplanıp onnar fidan hem gümä koydular Büük vatan çengindä ölmüş askerleri anmak taşının dolayında. Bu yılın büük ayında Valkaneş dolayın “Rus cümmnesi” kurumu danıştı iniţiativaylan katılmaa  ”Anmak için fidan başçası”  adlan. Onun nieti dikmää 27  million fidan, ki anmaa Büük cenktä hepsi ölmüş insannarı. “Rus cümnesi” krumun başı Vadim Şinik annattı, ani  anmak taşının  dolayında tertiplemäk işleri — diil bir olay Enseyiş gününä karşı. Anmaa deyni Büük cengin  pay alannarını üürenicilär koydular memorialın dolayında fidannarı hem gümeleri. Eşilletmäk akţiyasına katıldı Valkaneş kasabasının primariyası da. Primar Viktor Petrioglu nışannadı, ani…

Başküüyüdä andılar Afgan cengindä geçinmiş Mihail Tanasogloyu

Büük ayın 15-ndä Pandjer operaţiyasının süresindä Afgan cengin veteranı Mihail Tatanosoglo geçindi. Ona verdilär kahramanlıı için orden. Başküü (Kirsovo) kultura evindä Mihail Tanasogloyu andılar insannar, kim onu bilärdi, hem te onnar, kim sayȇr, ani bölä kahramannar herzaman lääzım yaşasınnar insannarın akıllarında. Afgan cengin veteranı Mihail Tanasoglo duudu Küçük (fevral) ayın 28 – ndä 1959 yılda Kirsovo küüyündä. Başardı orta okulu, sora Sızran üüsek asker uçilişesini. Afganistanda asker etti Mİ-24  uçan komandirı olarak. «Yazık, ani o erken geçindi. Pek islää  bir  kişiydi. Boşa sölämerlär, ani  Allah en ii insannarı alȇr. Biz orada 18 yaşında çoçuklardık, en paalı ne vardı, orada braktık.…

Çeşmeküüyüdä şannı açtılar Afgan cengin askerlerinä anmak taşını

İdeya açmaa Afgan cengin askerlerinä anmak taşını Çeşmeküüyüdä peydalandı Afgan cengin veterannarında. Onnar isteerlär, ki asker ortaklarını anması yaşasın insannarın üreklerindä  da hiç unudulmasın. Valkaneş dolayın Afgan cengin veterannarın birlii  çoktan koydu neetinä  açmaa Afgan cengin askerlerinä anmak taşını Çeşmeküüyüdä, nışannadı birliin başı  Georgiy Pavlioglo. Dokuz ayın içindä  uydu açmaa iki anmak taşını Valkaneş dolayında Afgan cengin askerlerinä, nışannadı o. Onnarın sayısına girer Çeşmeküüyün monumentı da. «Valkaneş kasabasında var bir ölü Sergey Rudenko. Çeşmeküüyüdä büün açtık anmak taşını, angısını adadık Belikçi İvan Georgieviçä, angısı dönmmedi geeri evä Afganistandan, kaybeldi. Büünkü günä bilinmeer hiç bişey onun için», — açıkladı Georgiy Pavlioglo.…