«Yaşamaa hem faydalı insana olmaa». Gagauziyanın şannı jurnalisti Mariya Parfönova için
Ses, angısını Gagauziyada may herbiri biler, jurnalist angısı bütün yaşamasını radioya verdi. O jurnalist duumadı, ama gösterdi, ani var nasıl becerekli uzman olmaa.
Büün Mariya Parfönovanın günü bundan çekeder. İşlemää radioda o başladı 1987-ci yıldan. O vakıtlarda düşmää radioya zordu, ama Mariya da pek istemäzdı. Taa okulda üürenärkänä o pek aktivdı, becerekliydi hem analitika uurunda düşünärdi. Hepsi bu taabeetlär yardımcı ona oldular açan o 20 yıl radionun baş işindä çalışardı. Umutlanardı kriminalıst olmaa, ama düşünmekleri aslıya çıkmadı.
Hepsi diişti ondan sora, nicä Mariyanın kaynası Lüdmila Parfönova, anılmış jurnalıst Gagauziyada hem Moldovada, yolladı onu Kişnova orada baksınnar, var mı nicä o diktor olsun.
Ozaman radioda redaktor işlärdi anılmış jurnalist Nina Goloborodko, da o teklif etti Mariya korespondent işindä kendisini denesin. Da Mariya Parfönova geçti ayırmayı.
İlk denemeklär gagauz dilindä programaları yapmaa taa sovet vakıdında vardılar, aklına getirer Mariya Parfönova. Şindi hepsi stabil. Ama diil çoktan kişilär, angıları gelärdilär işlemää radioya da işidärdilär ani lääzım gagauz dilindä bunu yapmaa gidärdilär. Ama şindi var gençlär, angılar isteerlär ana dilindä işlemää Problema kaler ii kazanç parasının sayısı.
Kendisi Mariya Parfönova üürenmedi jurnalistika fakultetindä, ama karşı konmadı, açan orayı onun eşi üürenmää girdi, angısı çok yıl radioda çalıştı.
“Bu yaşamakta bän hepsini plannȇrım karyeramdan kaarä. Kalan lääzımnı saatta geler hem oler”, — söler Mariya Parfönova.
2000-ci yılda avtonomiya öndercilii verdi izin Mariya Parfönova açsın Gagauziyanın radiosunu teleradiokompaniyanın içindä. Da o bunu yapabildi. Buldu hem topladı kolegaları, angıları kendi işinnän gösterdilär, ani becererlär işlemää.
Bün Mariya Dmitrievna söler, ani şükür Allaha o zeetlär için, angılar onun kuvetlerini hem ruhunu kaavilettilär hem yardım ettilär bulmaa haliz dostları. Onun koruyucusu — onun aylesi: kocası, iki oolu, gelinneri hem unukası.
35 yılın içindä nekadar Mariya Parfönova jurnalist işleer diil bir keret ödüllendi kendi çalışması için. O Gagauziyanın şannı jurnalisti, Komrat kasabasının şannı yaşayanı, M. Çakir adına ordenınnan ödüllendi. Ama en paalı o, ani 2009-cu yıla Mariya Dmitrievna katıldı dünnäarası festivalınä, angısında pay aldı 167 devlettän en ii jurnalistlär. Mariya Parfönova dünneyin altı en ii jurnalistlerin biri oldu.
“Allaa verer insana bir yaşamayı”, — söler Mariya, “da onun profesional becermeklär ona deyni diil ölä önemni, nekadar faydali insana olmaa hem iilik onnara yapmaa”, — nışannadı o.
Источник grt.md
