Yaradıcı kolektivlerä odalar etişmeerlär
Kongazın Kultura evindä yaradıcı uşak kolektivlerinä vokallan hem oyunnarlan zanaatlanmaa deyni çalışmak odaları etişmeerlär. Bu problema yıllarca çözülmeer. Yaradıcı kolektivlerin pay alannarına sıra geler sıralıkça zanaatlanmaa.
Kongazın Kultura evindä erleştirili kurumnar, angıları küüyün yaradıcı kolektivlerin odalarını tutȇrlar. Bu beterä uşakların bölükleri bir-bir ardına hep odalarda zanaatlanȇrlar hem maasuz sıralamaya görä, ne uygun diildir kolektivlerin çalışannarına. Bundan kaarä, yaradıcılaa katılmaa çok isteyän uşak var№ ama odaların etişmemezlii beterinä, Kultura Evi uşakları kabledämeer.
АNDREY PALİK Kultura Evin direktorun bir vakıda işini götürän : — «İki biblioteka: uşaklar hem büüklär için, muzıka okulun filialı, yaradıcılık okulun filialı, miliţiya buradaţ çalışannarımıza er etişmeer».
Erideki primariya hazır boşaltmaa bu odaları, ama bu uura lääzım para. Var olan problemayalan iş vizitin sırasında Gagauziyanın Başkanı İrina Vlah küüyün başınnan Mihail Esirlan buluşup — tanıştı.
МİHAİL ESİR Kongaz küüyün primarı : — «Biz lääzım boşaldalın odaları da kolektivlerä er verelim. Var taa çok istayän uşaklar, ama onnarı kaplayamȇȇrız. yaradıcılık hem muzıka filiallarını var nicä genişledelim, ama odalar yok».
İRİNA VLAH Gagauziyanın Başkanı : — «Кim kararı lääzım kabletsin bu odaların boşaltmasında?».
МİHAİL ESİR Kongaz küüyün primarı : — «Başka çıkışları var nicä bulalım, ama finaslamak etişmeer».
Kongazın Kultura Evin yapısında büünkü günä 11 yaradıcı kolektiv zanaatlanȇr.
АNDREY PALİK Kultura Evin direktorun bir vakıda işini götürän : — «Bizdä var iki vokal kolektivi, bir teatru çevresi, 3 ȇstrada kolektivi, millet oyun kolektivleri — 3, iki da balnıy oyunnarında kolektiv».
Yaradıcı klubun hem vokal ansamblilerin öndercisi Gennadiy Frangu vokal derslerini 10 yaşından uşaklara götürer, hepsi onnar 4 kolektiv var. Üüredici ayda iki sıra terbiedennerinä dinnenmäk avşamnarını geçirer.
GENNADİY FRANGU yaradıcı klubun hem vokal ansamblilerin öndercisi : -«4 grupam var. Bän onnarı muzıka tertiplerindä üürederim oynasıınar».
Oyun hem muzıka kolektivlerini erideki primariya finaslȇȇr.Geçän yıl bu uura 260 bin ley verildi. Erideki kuvetlär hem Kultura Evin öndercilii umutlanȇrlar, ani regionun kuvetleri yardım edeceklär bulmaa paraları problemanın çözülmesinä.
Источник grt.md
