Yalovenı kasabasında “Düz -ava” ansamblisinin konţerti geçti

Yalovenı kasabasında seftä “Düz ava” oyun hem türkü ansablinin konţerti geçti. Tanıştırmaa deyni devletin yaşayannarını gagauz kulturasınınnan,  planda bölä konţertleri Moldovanın taa 5 kasabasında geçirmää.

“Düz ava” oyun hem türkü ansablisinin konţerti Yalovenı kasabasında seftä  geçti.  Konţerdä gelennerin taa çoyu açıkladılar, ani öncä yoktur gördüülär “Düz ava” ansamblisinin konţertlerini.

Konţert geçirildi neetlän tanıştırmaa  devletin yaşayannarını gagauz kulturasınınnan, oyunarınnnan, türkülerinnän. Sţenadan öttülär hem gösterildilär gagauz, moldovan , bolgar türkülerinı hem oyunnarını.

Konţert yapıldı Gagauz Avtonom Bölgesinın maasuz hak statusu kabledilmesinin 28-ci yıldönümü akţiyasının çevresindä.

Yılın sonunadan “Düz ava” oyun hem türkü ansablisi konţertlärlän bulunacek Belţı, Faleştı, Orgeev, Edineţ hem Kaul kasabalarında.

T.Kazaku, N.Jelezova, V.Tabaçuk, A.Topal.




Источник grt.md
232

İlgili statyalar

«Düz-Ava» ansamblisi Orgeev kasabasında konţert verdi

“Düz-Ava” ansambisi sevindirer siiredicileri Moldovanın türlü kasabalarında. Bu sıra artistlar verdilär konţert Orgeevda. “Düz-Ava” ansamblisinin konţerdı Orgeev kasabasında geçti “Gagauziyayı tanı kultura tarafından” proektä görä. O adalı Gagauz Eri özel statusu için kanonu kabledilmesinin 28-ci yıldönümünä. Gagauz, moldovan hem bulgar oyunnarı hem türküleri öttülär konţerttä. Artistlär baaşladılar insannara en sıcak duyguları. “Pek meraklı konţert”. “Bän sevinerim, ani bizdä oldu kolaylık görmää bu artistlerin konţerdını”. “ Pek sevineriz, ani onnar birleştirerlär insannarı hem tanışȇrız sizin kulturanızlan”. “Pek önemli ki insannar bilsinnär hem kendi kulturasını, hem başka”. Gagayziyanın Başkanı İrina Vlah nışannadı, ani bölä konţertlär birleştirerlär insannarı. “Önemli, ani bu konţert birleştirer.…

Geçindi «Düz Ava» türkü hem oyun ansamblisinin horeografı Konstantin Germek

Konstantin Afanasiyeviç Germek geçindi aprelin 2-dä. Bu yıl o olaceydı 70 yaşında. Konstantin Afanasiyeviçin zaameti Gagauziyanın professional oyun uuruna paasız. O çok işledi deyni ilerletmää bu bölümü. Onnan yaradılmış oyunnar Gagauziyanın istoriyasına yazılaceklar. «Düz Ava» ansamblisinnän işläärkana Konstantin Germek koydu 10 halk oyunu. Onnar haliz halk muzikanın, giimnerin hem oyunnarın spektaklileri oldular, üüsek professional uurunda gösterilän hem dünnedä unikal olarak. Onarın arasında “Kız oyunu”, “Baada”, gagauz adet oyunu “Düün”, «Köstek oyunu», adam oyunu «Çöbannar», «Molduvan süitası», «Valkaneş kadıncası», üç bölümlü «Gagauz süitası», «Dostluk oyunu», «Bulgar süitası». “Konstantin Afanasiyeviçin professionallıınnan hem paasız zaametinnän büün «Düz Ava» gagauz türkü hem oyun ansamblisi…

Türkiyedä Türk dünnäsı günneri Festivali geçti

Kirez ayın (iyün) 3-5 günnerindä Türkiyenin Kastomonu kasabasında Türk dünnäsı günneri Festivali geçti, neredä Türk dünnäsıının 20 devletndtän hem başka memleketlerdän türk insannarı bir araya geldilär. Gagauzları bu gözäl sırada temsil ettilär Gagauziya kultura Upravleniyanın başı Marina SEMENOVA, Semön POMETKO adına “Düz Ava” türkü hem oyun ansamblinin oyuncu grupası, Ukraynadan gagauz türkücüykası Nataliya DENİZ hem Kongaz küüyün “Gagauz sofrası” etno-turistik kompleksın başı Anna STATOVA. Kasabanın konțert erlerindä “Düz Ava” türkü hem oyun ansamblinin oyuncu grupası gösterdi gagauz halk oyunnarını, türkücüyka Nataliya DENİZ çaldı kendisinin hem gagauz halk türkülerini, “Gagauz sofrası” etno-turist kompleksın zaametçileri dä tanıştırdılar Festivalin ev saabilerini hem musaafirlerini…

Geçindi gagauz türkü hem oyun ansamblisinin “Kadınca” incazanaat uurunda başı Avram Kösä

Avram Petroviçin geçinmesi için bildirildi bugün, aprelin 1-dä. Acı haberi paylaştı Komrattakı Kultura Evin kollektivi Facebook-ta. Avram Kösä 70 yaşındaydı, onun yaşaması koptu aar hastalıın beterinä. Kultura Evin kollektivi açıkladı acısını Avram Petroviçin geçinmesi için. “Avram Petroviç Kösä – büük bukvaylan Adamdı, açık pak hem yımışak cannı, oyun incä zanaatı uurunda maȇstro, angısı bütün yaşamasını gagauz kulturasının ilerlemesi için izmet etti. Açıklȇȇrız acızgannıımızı Avram Petroviçin senselelerinä hem yakınnarına. O diveç kalacek aklımızda!”, — sölener Komrattakı Kultura Evi kollektivin yazısında. Avram Petroviç Kösä gagauz türkü hem oyun ansamblisinin “Kadınca” incazanaat uurunda başıydı. O gençerin arasında becerikli yaradardı sevgiyi halk oyunnarına, başarılı…

Konstantin GERMEK geçindi

2022-ci yılın Çiçek ayın (aprel) 2-dä geçindi S “Düz Ava” gagauz türkü hem oyun ansamblisinin horeografı hem baletmeysterı Konstantin Afanasieviç GERMEK. Konstantin GERMEK çok yıllar işledi Semön POMETKO adına “Düz Ava” gagauz türkü hem oyun ansamblisindä hem o ansamblinin üüselmesi için çok zaamet etti. Ansamblinin horeografı hem baletmeysterı olarak Canabisi koydu sțenaya gagauzların istoriyasında horeografiya tarafından en gözäl oyunnarı: “Çobannar”, “Dostluk oyunu”, “Düün”, “Kız oyunu”, “Köstek oyunu”, üç bölümnü “Gagauz süitası”, “Bulgar süitası”, “Moldovan süitası”, “Valkaneş kadıncası”. Bu oyunnarın horeografiyası hem onnar için yapılan kostüm şedevraları, halizdän oldular dünnää uurunda eşi olmayan büük yaratmalar. Konstantin GERMEK zaametlerinnän Semön POMETKO adına…