Viktor Petrov: “Biz isteeriz kanonnarımıza saygı göstersinnär”
Gagauziya Halk Topluşu deputatları düşünerlär, ani Moldovanın merkez kuvetleri kendi açıklamalarınnan savaşȇrlar Avtonomiyayı yok etmää.
Regional kuveterin bakışlarına görä, bitki vakıt Gagauziyanın tarafına açıklanan bakışlar doorudulu durumun destabilizaţiyasına. “Dialog v studii” programasında Gagauziya Halk Topluşunun deputatı Viktor Petrov nışannadı, ani merkez plannȇȇr Avtonomiyayı yok etmää.
«Bizim evimiz büün burada — Moldova devleti, hem biz isteeriz yaşamaa burada serbest 1994-cü yılda kabledilmiş kanona görä. Biz isteeriz, ani bu kanon işlesin. Hepsi bu fikirleri Kişinövdan bän sayȇrım Avtonomiyayı yok etmäk planı olarak», — söledi Viktor Petrov..
Deputat nışannadı, ani o Halk Topluşundan kimi kollegalarınnan danıştılar Moldovanın strategiya partnörlarına, ki onnar esaba alsınnar bu olayları.
«Biz buluşmakları bekleeriz. Biz taa birkaç buluşmak geçirecez. Biz buluştuk Amerika büük elçisinnän. Umutlanȇrız, ani bizi annayaceklar», — söledi Viktor Petrov.
Bu soruşa görä deputatlar hepsi bir fikirdä, nışannadı Viktor Petrov.
Aklınıza getireriz, ani diil çoktan Moldova Parlamenti deputatı Oazu Nantoy açıkladı bakışını ona, ani Moldova kuvetleri Gagauziyanın maasuz hak statusu kanonunda lääzım belli etsinnär Komradın kuvedini.
Источник grt.md 13.01.2023