Gagauzia RadioTelevizionu kabletti yeni tehnikayı. Bu iş aslıya çıktı o üzerä, ani GRT kablettı grant olarak finans yardımını USAID programasının tarafından. Yeni video camera, 2 kompiuter hem taa başka tertiplär da, angıları laazımnı radio hem televizion yayınnarına deyni. Nica açıkladı GRT kompaniyanın geçici müdürü Galina Maresieva, bu proektın giriştirmesı verer kolaylık yeniletmaa diil sade tehnika tarafını, ama yakıştı zeedeletmää programnarı hem üüseltmää onnarın kalıtelerini nicä radioda, ölä dä televizionda. Geçan yılın bitkisindä GRT kompamiyası pay aldi proekt yarışmasında, angısını bildirdiydi USAID programası. Proekt baktırardı hazırlamaa hem yayınnatmaa bir sıra programa hem reportaj, neredä açıklanȇr yeniliklär, angılarını bizim çiftçi adamnar kullanȇrlar da hazır paylaşsınnar bilgilerinnän bu uurda. Yarışmakta pay almaa deyni 25 mass mediya kompaniyaları verdilär kendi bildirimnerini, ama finans…