Video: TIR-ların şoferları kutladılar avtomobilist gününü
Çoyu zanaatçılarda var kendi yortuları. Maşinaları kullanıcıların günü kuruldu nicä professinal yortusu, ama yılların süresindä onu nışannȇȇrlar hepsi insannar, kimin var maşınaları. Nışannȇȇrlar onu hepsi, ama diil herbiri hodullanȇr bu işlän. Maşinaların götürücülerin arasında elita olarak sayılȇr TIR maşınların şoferları. Onnar yaşamasının taa büük payını yolda geçirerlär.
Professional yortusunu TIR şoferları nışannȇȇrlar dostlarlan, kollegalarlan hem yakın insannarlan. Herbiri çok yıl verdi en sevgili işinä, çok zoorluk da gördülär. Onnarda var ne annatmaa kendi işi için. TIR şoferlrın arasında var aylelär, angılarında bobadan uşaklara zanaat geçer. Bununnan hodullanȇr olayın kurucusu Georgiy Tihoglo.
TIR şoferin herbir reysı başlȇȇr ondan, ani maşınayı lääzım kontrol etmää . Georgiy biler, ani onun maşınası lääzım hazır olsun en zoor hem uzun yola.
Andrey Komur TIR şoferi işleer şindän sora 30 yıl. İşi sever, ama nışannȇȇr, ani diil hepsindä var saalık çalışmaa bu uurda.
TIR şoförları kutladılar hepsini yortulan. Şoferların yortusu nışannanȇr 45 yılın süresindä. Bu yortu adalı insannara, angıları bizim yaşamasını taa uygun yapȇrlar.
Источник grt.md 02.11.2021