Video: Komratta dolaylayan yolun 86proţendi hazır
Moldovanın üülen tarafında iki yolun düzmesi: М3 millet trasasını Porumbey-Çimişliya payında hem Komradın dolaylayan yolunu ONUR türk kompaniyası 86% yaptı. Yolların enilenmäk hem düzmak işlerin durumunnan büünkü günä tanıştı Gagauziyanın Başkanı İrina Vlah. O geldi ONUR kompaniyasının ofisına, angısı Komrat dolayın Bucak küüyün yanında bulunȇr.
16 km asfalt yolunu Gagauziyada «Onur» düzücülük kompaniyası yaptı. Komradın dolay yolun uzunnuu 18,4 кm. Asfaltı koymaa taa 2 kilometralık yolda kalȇr, ahberledi proektin menedjeri Bülent Tatar. İşlär ilerleyecek hava minus 5 gradusadan düşene kadar, söledi o.
Yolların düzmesindä kullanılȇr material, angısı «Оnur» kompaniyası kendi erindä yapȇr, kullanıp dual gazı. Ama ona görä, ani Moldovaya bitki vakıtlar gaz taa az geler, kompaniya başka yakacakların kullanmasının kolaylıklarını aarȇȇr.
Komradı dolaylayan yolda 167 tehnika işleer. Yolları enletmäk hem düzmäk proektin paası 29 mln. evro tutȇr. Devletin yol infrastrukturasını 2022-ci yılın iyün ayında kararlȇȇrlar bitirmää.
Источник grt.md 28.10.2021