Video: Kıpçakta üürenicilär yardım ederlär kolhoza üzümü toplamaa

Kıpçak küüyün «Pobeda» kolhozunda hayvancılık ilerleer. Buna görä küüyün  insannarında hem dolayında yaşayannarın var  kolaylıı pak dikä olsun masalarında. Hayvancılık Moldovanın üülen tarafında çiftçilerin arasında önemli payı alêr. Kıpçak küüyün «Pobedа» kolhozunda baacılık hem kır ţehlerindän kaarä var malların ţehı da, angısına girer inek, koyun hem domuz  fermaları. Domuz fermasında işleer 3 kişi. Kolhozda vaar 275 domuz. Kıpçak küüyün domuz fermasının başı Pötr Tabunsçik annadêr, ani iş diil kolaylardan, ama kendi işini adamnar bilerlar. «İşimiz bizim belli, çoçuklar, artık var nica sölemää, pensiyää çikaceklar bir-iki yıldan sora. İşlerini bilerlar, sabaalen kalkêrlar 5-tä çekeder işleri paklamaktan, incä demää kırnaklamaa doyurȇrlar», —…

Kıpçak küüyün primariyası küüyün yaşta bulunan insannarın sovedınnän barabar,  küüyün pensionerlarına yaptılar Sokol lagerindä dinnenmäk smenasını. Onnarda var kolaylık ii dinnenmä, kuvetlenmä. Temayı ilerleder, bizim korrespondentimiz. Sokol lagerindä dinnenärkänä,  ihtär   insannar    pay aldılar meraklı  programmada  onnarın   yaşlarına   görä.  Yapıldı  yarışmak, viktorina ,   her  avşam   geçärdi  diskoteka,  neradä ötardi   ilerki  türkülär . Ihtär  insannar   sevinerlär,  ani  onnarı  unutmȇrlar ,  yardım   ederlär  onnara. — «Pek  islä,  şükür   Allaha,    ani  bän  burayı   düştüm , lääzımdı  başka yıllarda  geliim.  Pek  islä  doyurerlar   bizi,  saa olsun  hepsi   kim  yardım   etti  bu  işi  yapmaa, Allaa  versin   hepsinä  saalık». — «Bölä  bir  kolaylık   yapêrlar  bu  insannara , …

Çiftçilär başladılar ilkyaz kır işlerini. Kıpçak küüyündä «Pobeda» kolhozu başladı ekmää ilkyaz ekinnerini. «Pobeda» kolhozunda başladılar ekmää semeçkayı. Taa lääzım ekilsin 300 ektar papşoy hem 25 ektar sorgo. «Bizdä ekili 540 ektar booday, 41 ektar arpa, 46 ektar keten. Şindi semeçka 840 ektar lääzım ekelim, papşoy 300 ektar hem 25 ektar sorgo. İki  gün geeri başladık ekmää, bu yıl tehnikayı düzdük, aldık eni seyalka», — annattı üçünçü  brigadanın  başı İvan  Arnaut. Bu yıl çiftçilär birkaç kat taa çok harcanaceklar, deyni tamannamaa hepsi işleri. «Solärka paalı, ama var, durmêȇrız. Hepsicii gider kolhozun kanonnarına görä. Nica bizä braktılar bobalarımız – dädularımız, nicä…

Kıpçak küüyündä voleybol turnirı yapıldı sport veteranın İvan Kopuşçunun adına. Sportçu ilk, kim başladı voleybol  turnirlarını Gagauziyada geçirmää. Bu sport yarışmalarında takımnar Avdarma, Kayrakliya hem Kopçak  küülerindän pay aldılar. Voleybol Kıpçak küüyündä en ilerleyan sport soylarından biriydi. Voleybol küüdä başladılar oynamaa  1950-ci  yıllardan. Sport veteranı İvan Kopuşçu  ozamannar voleybol takımında oynardı. Onun laflarına görä sport yardım eder  herbir  iştä. «Ne lääzım voleybol oynamaa deyni: top, setka hem iki direk. 1951-ci -52-ci  yıllarda okula taa gezärdim hem  voleybolu  sevärdim. Kıpçak  hem  Kayrakliyä takımnarın ilk buluşması 1955-ci  yılda oldu. Biz ozaman ensedik», — annatı voleybol veteranı. Kıpçakta var  düşünmeklär, nicä  sport  infrastrukturasını…