Video: İnfrastruktura proektleri Çok-Maydan küüyündä
Bitki yılların içindä avtonomiyanın küüykerindä giriştirilerlär türlü infrastruktura proektleri, angıları doorudulu ki kurmaa ii koşulları yaşayannara deyni. Önemli onnrdan yolların düzülmesi, angıları yapılmadılar çok yıl, hem sokakların aydınnatması. Aktiv bu işlär yapılȇrlar Çok-maydan küüyündä dä.
Çok-Maydanda “Küülerin aydınnatması” programası yapılı may 100 proţendä, sade küüyün en kenarkı sokaklarında taa yok şafk. İki ay geeri adınnattılar iki ara sokaa, neredä karannıkta yaşayannar zorlanardılar geçmää çukurları. Bu işlär için avtonomiyanın bücetindän verildi 180 bin leydän zeedä. Lääzım nışannamaa, ani bir — iki yıl geeri küüdä diiştirdilär lampaları taa ekoom variantına — led- lampalara, nışannadı küüyün primariyanın uzmanı Anatoliy Zadır.
Şafkın geçirmesinnän bilä küüdä düzerlär yolları da, neredä şebönkaylan, neredä döşener asfalt, hem koyulȇr plitka trotuarlara. Şındı geçiriler tender düzmää deyni bir — iki sokaa. Bu işlerä veriler 380 bin ley yol fondundan hem 500 bin avtonomiyanın bücetindän, nışannadı küüyün başı. Bu yıl enilettilär yolu maalelerdä, neredä çoktan yapılmadı düzmäk işleri.
Nicä nışannadılar erdeki kuvetlär, bakmadaan ona, ani pandemiyanın beterinä bücet iisildi hem transferlär kesildi “Küülerin aydınnatması” programasına görä, şafk küüdä yanȇr saat onadan avşamneen. Önemli proektlär kapanmayacȇklar, da finansların gelmesinnän ilerleneceklär.
Источник grt.md 18.10.2021