Video: GAGAUZİYADA İLERLER ÜZÜMÜN TOPLAMASI

Gagauziyada üzümün toplamak proţesin ikinci ȇtapı başladı, toplȇȇrlar tehnik çeşitlerini, onnarı yollȇȇrlar  şarap kurumnarına.  Taa çoyu kurumnarında var kendi  baaları.   Bizim televizion gruppamız bulundu  Kirsovo küüyün kırlarında.

Bu yıl Kirsovo küüyün kurumunda üzümneri taa geç çekettilär toplamaa. Bu çiftçilik kurumnarında masa hem tehnik çeşitlerini büüderlär. Nicä nışannadılar uzmannar, bu yıl paa pek küçük. Bu üzerä “Arkadiya”  üzümü  aşırıya satılmadı, onu erli şarap kurumnarına verdilär,  ki şarap yapsınnar. Bu yıl geçmiş yıla görä üzüm bereketi taa üsek, ama  rekordları geçmeyecek, çünkü 2020 yılın kuraklıı belli etti kendisini çotuklarda.

Yaamurların beterinä baaları taa sık bu yıl hastalıklardan lääzımdı korumaa. Vakıtçasına yapılmış hepsi korunmak işleri verdilär kolaylık kabletmää ii bereket, söleerlär çorbacılıın uzmannarı. Onnar umutlanȇrlar, ani  hava koşullarına görä bereket gelän yıla da ii olacȇk.  Pandallar büük hem şeker da  ölçülerä görä var.

Yıl zordu, ama koyduk kuvedimizi,  yaadı yaamurlar, serptik vakıtçasına.  Kultivaţıya  yapıldı. Şindi berekedi toplȇȇrız. Yıl zordu, ama  hepsini yapȇrız ki vakıtçasına onu toplamaa. Bakarak geçän yıla bu yıl  bereket taa ii.

Kurumda var hepsi lääzımnı tehnika tedarıkları, ki işleri yapmaa vakıtçasına hem hava  tutarkana toplamaa bereketi. Ama  toplamak vakıdı  uzunnayacȇk, çünkü etişmeer  insan  kırda işlemää deyni.  Taa çok büük yaşta insannar çalışȇrlar. Kurumun mehanizatoru söledi, ani kırda  iş koşulları ii, ama  gençlär yok.

Pek az genç insan işleer  kırda, bizim kollektivdan insannar  büük yaşta.  Kazanç parası bekim büün ii,  ama zor işlemää kırda. Hepsi aarȇrlar taa  kolay iş.

Çalışȇrlar kırda insannar  Kirsova küündän hem bir brigada Baurçudan. Onnar nışannadılar, ani çoktan  işleerlär kırda, pensiyadaykan bu ii kazanç. İşlemää zor, ama  meraklı, açan bereket dä sevindirer hem kazanç parasını vakıtçasına vererlär.

En zor iş  kırda, hepsi biler. Büünkü günä toplȇȇrız Rekaţeteli çeşitini.  Üzüm bu yıl ii.  Çok ot var,  işleniler neredä  zor, neredä kolay.

“Şükür Allaha, ani bölä bereket var.

Çiftçi bakannıın uzmannarın haberlerinä görä Gagauziyada üzümün orta  bereketi kurȇr  yakın 8 ton ektardan. Paa politikası bu yıl tehnik çeşitlerinä beş leydän yukarı.  Regionda dikili 5bin 380 ektar baa.




Источник grt.md
579

İlgili statyalar

15 09 21 MEYVALARI HEM ÜZÜMNERİ TOPLAMAK VAKIDI ÇEKETTİ

Moldovada başladılar toplamaa meyvaları hem üzümneri. Bu yıl uzmannarın laflarına görä, bereket taa üüsek bakarak geçän kuraklık sezonuna. Bereket çok, ama satmaa yok nereye. Büün Komrat kasabasının  bir çiftçi çorbacılıında çekettilär toplamaa erikleri hem masa çeşitindä üzümneri. Paa politikası bu yıl pek sevindirmeer çiftçileri, neçinki  kabledilmiş paralar kapȇȇrlar sade şindiki harcamakları.  Brakmaa bereketi kırda laf yok, söledi kurumun başı, çünkü fidannarı lääzım hazırlama gelän yıla. Sölemää eksport için aşırıya yada satmaa devlet panayirinda sıra gelmeer, zerä satın alan yok. Bunun beterinä bütün erik bereketi, bakmadaan ii kaliteya hem formasına, satılȇr erideki işletmelerä. Bakmadaan buna, çiftçi çorbacılıın başı söler, ani yoknicä…

17 08 21 SEMİÇKA BEREKETİN TOPLAMASI

Moldovada hem Gagauziyada çekettilär ekinnerin ikinci gruppasının bereketini  toplamaa. Bizim korrespondent bulundu avtonomiyanın bir çiftçi çorbacılıında da üürendi, nicä gider semiçkanın toplaması, hem nesoy bereketi beklerlär. Bu yıl  Kongazçik küüyün çiftçi çorbacılıı topladı zengin berekedi ekinnerin ilk  gruppasından. Bütündän toplanıldı 14 bin ton. Büünkü gündä iş ilerleer semiçkanın toplmamasında. Sıra gelecek toplamaa bu kulturayı 400 ektardan. Paalar  bu yıl bodaylara hem semiçkaya, nicä sölerlär çiftçilär, taa  üüsek  nekadar geçän kuraklık yılında. Bereketin bir payını satacêklar kırdan, ki  kazanmış  paraylan tuumnarı almaa, petrol malalrını, hem hazırlamaa meraları,  söledi çiftçi çorbacılıın başı Nikolay Komur. Çorbacılık başladı ödeşmää topraan sayıplarınnan da. Üçüncü gün…

Gagauziyada baalarları başladılar boozmaa. Nekadar sorumnu kır işi avtonomiyada.

Gagauziyada çekettilär toplamaa üzümneri kırdan.  Bu yıl hava koşulları verdi kolaylık çeketmää bu işleri taa ileri.  Regionda bütündän dikili  yakın 5,5 bin ektar baa, angılarından  3,700 tehnik çeşitindä hem 706  masa çaşitindä. Bizim televizion gruppamız üürendi  nesoy bereket bu yıl toplanȇr hem var mı problemalar bu uurda.  230 ektar baa Semön Novakın çiftçi kurumunda  işleniler. Sezonda  insannar bir gündä  dördär ektaradan toplȇȇrlar. Şindi   Aligotı üzümünü  toplȇrlar, öncä  Şardanȇyı. Agronomun Vitaliy Petrovun laflarına görä kuraklıın beterinä,  az iş yapıldı baalarlarda, ama o belli etti kendisini tenedä. VİTALİY PETROV  Komrat muniţıpiyasının  çiftçi kurumun agronomu : -» Kalitesi bu yıl taa yufka, zerä …

Video:  ALMALARIN TOPLAMASI BAŞLADI

 Moldovanın çiftçi  çorbacılıklarında almalar  toplamaa başladılar. Büük kurumnar savaşaceklar  berkedin ilk partiyaları Rusiya devletinä yollamaa.  Bir kila ama 6-7 ley eder. O baalı   almanın çeşitlerinnän. Nicä söleerlär fermerlar nekadar gözäl alma okadar taa paalı. Bitki  dört-beş yılın içindä  alma başçaların sayısı iiseler. Bu vakıdın içindä  bu sayı azaldı  3-4 bin ektara, 2021 yılda bu sayı olacek yakın  52 bin ektara. Ama berekettä bu belli olmeyacek sölerlär ekspertlär.  Bizim televizion gruppamız bulundu  Ferapontyevka küüyün alma başçasında . Ferapontievka  çiftçi çorbacılıında büüderlär dört çeşit  alma  40 ektarda.  Bu yıl kurumun başın lafalrına görä  alma bereketi ii, meyvalar büük hem gözäl. Ama soruş…

Gagauziyanın başkanı çiftçilärlän buluşup kırlarda bereket için prognozları üürendi

Yakınnarda büük çiftçi kurumnarı bereketin ilk gruppasını toplamaa başaraceklar. Bu yıl ekinnän ekili 34 bin ektardan zeedä, orta bereket kurȇr 23-25 ţentner. Nicä giderlär işlär kırda, üürendi bizim korrespondent. Bu yılın kuraklıı belli etti kendisini berekettä nicä ilk gruppada, ölä da ikincidä. Erlem aaraştırıp geçän yıllan, bereket bir — iki keredä iisik, ama taa ii 2020 yıla bakarak. Nicä söledi Komrat kasabasının çiftçi çorbacılıın başı  Semön Novak, bakmadaan zorluklara hem kuraklık yıla,  insan ekmeksiz kalmayacek, kvotçiklärlän da ödeşeceklär. Ama şindi koyȇrlar  hepsi kuvedini ki toplamaa bereketi ambarlara. Şindän sora başarȇrlar toplamaa ekini taa bir çorbacılıkta Kiriet — Lunga küüyüdä, neredä…