Video: Ferapontyevka kırmızı zonada

Geçän afta Covid-19 hastalıın durumuna görä Moldova 31-ci erä Evropanın 40 devletin arasında çıktı.  Orta hastalanmak uuru bütün devlettä 308 olay 100 bin yaşayana – bu büük sayı, ne respublikayı kırmızı zonaya geçirer. Her gün bizim devletimizdä 2000 olaydan zeedä sayıya koyulȇr. Durum koronaviruslan gün-gündän zorlanȇr. Nesoy durum Gagauziyada, Komradın Saalıı korumak merkezin başı İvan Hasta annadȇr.

Gagauziyada koronaviruslan durum biraz taa islää, bakınca devletin durumuna. Büünkü günä kırmızı zonada sade Ferapontyevka küüyü bulunȇr.  Eşil zonaya Gaydarı, Kırlannar, Köseli girerlär.  Kalan yaşamak erleri sarı hem turuncu  zonasında. Kırmızı zonaya girmää yakın Valkaneş kasabası hem Avdarma küüyü.  Korkunçluk kodları çekiler koronaviruslan hastaların sayısı 100 bin yaşayana.  Avtonomiyada bir gecä — gündüz zamanında orta 50 kişiyadan kovid 19 –lan hastalanȇr.

İVAN HASTA, Komradın saalıı korumak merkezin başı: «Pazertesi günü  regionda 62 hasta belli edildi. Dün 36 olay. Durum kötüleşer».

Regionda en az hasta Çadır-Lunga kasabasında belli ediler. Biraz taa prost durum Komratta, Valkaneşttä dä hastaların sayısı büüyer.

 «Valkaneş dolayanında 171.8, en küçük sayı Çadır-Lungada — 73 olay 100 bin yaşayana hem Komratta 142.7», — söledi Hasta.

İvan Hasta belli eder, ani aftanın bitkisinädän covid durumu var nicä kötüleşsin. Aşılamak uurunda Gagauziya geeri kalȇr, söleer saalıı korumak merkezin başı İvan Hasta.

 «Büünkü günä regionun sade yakın 17%-di aşılandı, bu küçük sayı. Geçän afta 700 ilk dozaylan aşılandı, ikinciylän 90».

Ölüm koronavirus beterinä regionda geçän afta belli büüdüydü.

 «Geçän afta 11 ölüm vardı, onnardan altısı Çadır-Lungada, beşi – Komratta», — haberledi İvan Hasta.

Avtonomiyanın, kär bütün devletin dä covid merkezlerindä, er hastalara deyni yok. İvan Hasta sayȇr, ani tek çıkış bu durumdan-aşılanmak.

 «Çaarȇrım hepsi vatandaşları aşılanmaa da yapmamaa problema ne kendi saalıına, ne da cümneyä».

Şindiki vakıda Gagauziyanın üç dolayı turuncu zonada bulunȇrlar.




Источник grt.md
259

İlgili statyalar

Video: Komrat  hem  5 küü  kırmızı zonada

Gagauziyada ȇpidimiologiya durumu  kötülener. O baalı onunnan, ani  yaşayannarın taa  çoyu  aşılanmadı, nışannadılar Komrat Cümnä saalık korumak  merkezindä. Gagauziyada  17 proţent  insan sade  aşılandı. Hepsi  yaşayannara nasaat ederlär profilaktika kurallarına uysunnar deyni korunmaa COVID-19 virusundan. Gün — gündän  COVID-19 virusunnan baalı  durum  kötülener, haberledi  Komrat Cümnä saalıık  korumak  merkezin  başı  İvan Hasta. O söledi, ani Gagauziyanın   6  küüyü  hem bir kasaba  kırmızı  zonada. «Komratta — 298, Avdarmada — 255, Baş küüyündä — 450, Çok — Maydanda — 358 te bu küülär hem  kasaba  kırmızı  zonada», — dedi Hasta.  İvan Hastanın laflarına  görä, hasta  insannarın sayısı zeedelener, çoyu onnarın arasında prost halda. Onnar  diil  aşılı. Aşılanmış insannar da hastalanȇr, ama  hastalıı onnar taa kolay atladȇrlar hem taa siirek bolniţaya düşerlär.…

Video: COVİD-19 ULAŞMAKLARI  ZEEDELENER

Covid-19  ulaşmakların zeedelenmesinin beterinä, Moldovaın Hatalı  olaylar  komisiyası devletin kasabalar hem küülär için hatalı «Eşil», «Sarı», «Turuncu» hem «Kırmızı» kodlarını kabletti, bakarak hastalık sayısının uuruna 100 bin kişiya. Gagauzianın cümne saalıı korumak merkezin son  haberinä görä, «kırmızı  kod» Karbaliyada hem Kongazçik küülerdä  hem  Valkaneş kasabasında koyulu.   Birkaç  aftaların süresindä  zor  ȇpidimiologiya  durumu avtonomiyada belli oldu. Kalabalık  oluşlar dışarda  zap edildilär. Sport  oluşlarına hem  sport  zallalarına  yakışȇr gelmää sade negativ testlan, aşılanmak sertifikatınnan yada  dokumentlärlän, angılarında  yazılı, ani  kişidä  covid hastalıına karşı imunitet kuruldu. Hep  bu  kurallar geçer  restorannarda, barlarda hem kafelerdä. Uzmannar  nasaat ederlär insannar esaba  alsınnar  hepsi  kuralları  hem unutmasınnar  onnarı  kullanmaa. «Bir aftanın süresindä Komrat  rayonunda  98 olay sayıya  koyuldu. Çadır…

COVİD-19 dalgası kaavileşer: Komratta hem Çadırda covid – bölümnerini genişlederlär

Komradın hem Çadır-Lunganın bolniţalarında covid — bölümneri dolu hastalarlan. Şindiki vakıtta 73 kişi ilaçlanȇr. Onnarın çoyu orta hem ar formada hastalar. Hastaların sayısı gün-gündän zeedelener. Şındiki vakıtta Gagauziya turuncu zonada bulunȇr.   Hastalara, angılarında koronavirus infekţiyası belli edildi, Komradın dolay bolniţasında krivatların sayısını zeedeledilär. Covid bölümündä 54 krivat erleştirili. NİNA RAYLÄN, Komrat dolay bolniţasının başı: «Büünkü günä bizdä 46 paţient. Onnardan 24-dü uşak, 22 da büük insan. Peydalandı orta aarlıında hastalar hem ar hastalar, 4 büük insan. Bir kişi öldü». Pandemiyanın eni dalgası uşaklarda taa çok belli ediler hem başka-başka türlü, söledi Komrat dolay bolniţasının başı Nina Raylän. NİNA RAYLÄN,…

16 09 21 KORONAVİRUS HASTALIINNAN UULAŞMAKLAR ZEEDELENERLÄR

Moldovada koronavirus hastalıınnan uulaşan yaşayannarın sayısı 278 bin kişiyä yaklaşȇr. Bitki 24 saadın süresindä uulaştılar binndän zeedä insan. Gagauziyada durumu açıkladı Gagauziyanın Saalık kooruması Baş bakannıın baş Svetlana Duleva. Bitki 24 saadın süresindä MD-dä belli edildi 1 152 olay koronavirus hastalıın uulaşmasınınnan. Onnardan 935 ainsan diildi vakțınalı. Gagauziyada 24 saatta 42 olay belli oldu, sade 1 onnarın arasından vakţinalıydı. «42 kişi dün belli ettik. 16 Komrat dolayından, 19 Çadır dolayından  hem 7 Valkaneş dolayından. Gagauziyada kovid merkezlerindä 100 erdä, büün 113 kişi bulunȇrlar. 30% hastalıı zoor geçirerlär», — açıkladı Svetlana Duleva. Saalık bakannnıın başı nışannadı, ani hepsi hastaların sayısından vakţina…

COVİD-19 geri döner: Dünnä saalık kurumu haberledi hastaların büümesi için. Gagauziyada durum nesoy?

SARS—CoV-2 virusu bireri kaybelmedi. Koronaviruslan da hastaların sayısı zeedelendi. Dünnä saalık kurumu haberledi, ani 110 devlettä COVID-19 hastaları başladı zeedelenmää. Bu baalı  BA.4 hem BA.5 omikron ştamın yayılmasınnan, nışannadı kurumun başı Tedros Adan Gebreysus. Gagauziyada bununnan baalı durum diil okadar zoor, ama hep okadar lääzım kuşkulu olmaa. SARS-CoV-2 virusu diil ani heptän kaybelsin, nicä buna çoyu insan umutlanardı, ama hastaların sayısı respublikada ilerler. Şindiki zaman Gagauziyanın bolniţalarında koronaviruslan hastaları yok. Avtonomiyada kovid-merkezleri, angıları Komratta hem Çadırda açıktı, taa çiçek ayında kapandıydılar, büünkü gün dä çalışmȇrlar. Er belli ediler kimi olaylar baalı koronavirus hastalıınnan, o kişileri Kişinöv muniţipiyanın bolniţalarına yollȇrlar. Çadır-Lunga…