Video: Çok – Maydan küüyün liţeyindä temeldän düzerlär imää yapmak odalarını
Çok-Maydan küüyün liţeyindä kurȇrlar ii koşulları üürenicilerä hem üüredicilerä deyni. Üürenmäk kurumunda düzerlär imää yapmak odalarını, hep ölä liţeyda lääzım diiştirmää örtüyü. Bu iş için smeta yapıldı. Nekadar para lääzım bu neetlerä, üürendi Zinaida Kanţır.
Çok-Maydan küüyün F. Yanioglo adına liţeyindä taa okulun açılmasından imää yapmak odaları eniledilmedilär. Orası bulunardı kötü halda, kontrol edän kurumnar da diil bir keret bunu esaba aldırdardılar. Buna görä küüyün primariyası bitki -bitkiya dooruttu bu işlerä para. Nicä nışannadı okulun başı Valentina Ştiroy, düzmäk işleri ilerlerlär, düzücülär döktülär eri, geçirerlär eni elektrik baalantısını hem kaldırdılar duvarları. Kuhnä avadannıklarını bir-iki yıl geeri enilettilär, haberledi okulun başı.
Düzmäk işlerinä küüyün büdjetından verildi 300 bin leydän zeedä. Primariyanın uzmanı Anatoliy Zadır nışannadı, ani düzmäk işlerindän sora aşçılar ii koşullarda işleyeceklär.
Üürenmäk kurumun zaametçileri hem analar-bobalar sevinerlär, ani kuvetlär esaba aldılar bu çoktankı problemayı da verdilär para onun çözülmesinä.
Kuhnä odalarında düzmäk işlerini bitirmää neetlenerlär kasım ayın ortasınadan.
Источник grt.md 15.10.2021