Video: ALMALARIN TOPLAMASI BAŞLADI
Moldovanın çiftçi çorbacılıklarında almalar toplamaa başladılar. Büük kurumnar savaşaceklar berkedin ilk partiyaları Rusiya devletinä yollamaa. Bir kila ama 6-7 ley eder. O baalı almanın çeşitlerinnän. Nicä söleerlär fermerlar nekadar gözäl alma okadar taa paalı. Bitki dört-beş yılın içindä alma başçaların sayısı iiseler. Bu vakıdın içindä bu sayı azaldı 3-4 bin ektara, 2021 yılda bu sayı olacek yakın 52 bin ektara. Ama berekettä bu belli olmeyacek sölerlär ekspertlär. Bizim televizion gruppamız bulundu Ferapontyevka küüyün alma başçasında .
Ferapontievka çiftçi çorbacılıında büüderlär dört çeşit alma 40 ektarda. Bu yıl kurumun başın lafalrına görä alma bereketi ii, meyvalar büük hem gözäl. Ama soruş satmaa deyni berekedi kalȇr açık – aşırı devletlerä ȇksport pek küçük yada hiç yok, içindeki panayırda da pek satılmȇȇr. Çiftçilär söleerlär, ani koyup çok para, katlamȇȇrlar harcamakları. Onun için toplanılmış bereketi vererlär erli kurumnara almadan konţentrat yapmaa deyni. Almaların orta paası kurȇr 1 leydän yukarı. Ta bir önemli fakt petrol malların paayın üüselmesi. Bu da zoorladȇr çiftçi çorbacıların ekonomika durumunu. Kurumda çalışȇrlar Ferapontievka küüyündän insannar, angıları urguladılar , ani kırda diil zor işlemää hem da kazanç erindä. Brigadalrda işleerlär diil sade büük yaşta insannar, ama gençlär dä.
Uzmannar söleerlär, ani bu ilkyazın hem yazın ilk payında yaamurlar verdilär kolaylık bu yıl toplamaa 500 bin ton alma bereketini. Geçän yıl kuraklıın beterinä almalar ufaktı. Onun için buyılkı bereket sevindirer. Moldova büüder türlü çeşittä alamaları, ama ȇkspertlär söleerlär, ani onnarı pek almȇȇrlar aşırıda, bakarak Ukrainaya yada Serbiyaya. Ama Çiftçilik bakanıın başı sayȇr ,ani büüdülän bizdä çeşitlär var nicä gitsinnär ȇksporta.
Taa bir çiftçi kurumun temsilcisi urguladı, ani bu yıl alma bereketi ii, ama satmak panayırları yok.
Moldovada 52 bin ektar alma başçası, bir yılda toplanȇr yakın 500 bin ton alma bereketi.
Источник grt.md
