Ukrainadan Gagauziyaya gelän insannar Türkiyedän kablettilär yardım

Ukraina devletindän her gün Moldovaya binnärnän insan geler. Bizim televizion grupamız lafeeti bu insannarın kimisininnän, açan onnar sınırı geçip Moldovaya girdilär. Onnar derlär, ani vatanını brakmaa zorda kaldılar uşakların gelecää için. Yaşlarlan gözlerindä üzlärlan insan Ukraina — Moldova sınırlarını hergün geçerlär. “Bilmeeriz ne yapacȇz, yaşayacȇz yakındakılarımız için. Duva edecez onnar için. Ko Allaa korusun onnarı. Gideriz sade uşaklarımız için”. “Hiç bir zaman düşünmedim, ani gelecek vakıt, da lääzım olacȇk gidelim devletimizdän. Bilmeerim nereyi gitmää. İnsannar burada bizi karşılȇrlar, sora sa nereyi ötää dooru-bilmeerim. İsteerim dilemää herkezinizä usluluk”. “Pek zor etiştik, büük korkuylan. Pek korkȇrız, durgudun cengi-bizim uşaklarımız ölerlär”. Ukrainadan gelän…

 “BASIBÜYÜK” halklar arası yardım kuruluşu uzattı yardım elini Kongaz küüyünün merkezinä, neredä büün kablederlär Ukrainadan gelän insannarı. Kızçaaz Maşa bir yaşında, Ukrainada gidän cenk için o, elbetki, aklısında bişey tutmayacek, ama büün o şansora annȇȇr, ani bulunȇr evdän uzakta. Maşacık anasınınnan, batüsununnan hem babusununnan Vatanından kaçmak zorunda kaldı. Büün onnar yaşȇȇrlar Kongaz küüyünün merkezindä, neredä erleştirerlär Ukrainadan gelenneri. ALEKSANDRA, Ukraina vatandaşı: “Biz pek sevineriz, ani bizi burada kablettilär, arkaladılar hem yardım ettilär. Biz biraz  raatlandık. Aslıdan sölediynän beklemäzdik bukadar sıcaklık”. ALİNA, Ukraina vatandaşı: “Biz braktık hepsini, bän oturdum kocamın maşınasına da, alıp uşakları kucaama hem anamı, çıktım Ukrainadan en yakın…

Ukrainada asker olayların başlamasının beterinä binnärlän insan komuşu devletindän geler Moldovaya. Nicä bütün respublikada, ölä Gagauziyada da cenktän kaçannar kablederär hertürlü yardımı. Gagauziyanın yaşayannarı kalmadılar bir tarafta da karşıladılar Ukrainadan  gelenneri yardımnarlan. Avtonomiyada bu insannar için  birkaç maasuz merkezdä yardım veriler. Onnarın birisi Komratta bulunȇr. ALEKSANDR KARAÇLI Komrat kasabasının primar yardımcısı: “Kasabanın kultura evindä biz kurduk bir merkez, neredä biz informaţiya vereriz. Telefon kompaniyaları verdilär bizä sım — kartaları, angıların yardımınnan gelennär var nicä telefon açsınnar Ukrainada kalmış senselelerinä”. Bu merkezdän kaarä, kasabanın primariyasında bu insannar için toplanılȇr hertürlü yardım. OLGA PATUTİNA Komrat primariyasının cümnä bülümün öndercisi: “Gelerlär 9, 10…

Sıradakı gumanitar yardımı imek mallarınnan geldi Ukarina yaşayannarına. Yardımı «Mavi Hilar vakfi» Halklararası gumanitar fondu Almaniyanın yardımcı fondunnan verdilär. Paketları insan Komradın primariyasında kabletti. Еkaterina Kiev bölgesinin Ukrainka kasabasından kocasınnan hem üç uşaklan Moldovaya zor hem uzun yol yaptılar. Komratta bülüsunda durgundular. Екаterina hiç düşünmediydi, ani onun aylesinä hem halkına butakım zor vakıtlar geleceklär. ЕКАТЕRİNA, Kiev bölgesinin Ukrainka kasabasının yaşayanı: «Var insannar, kimin yanında bişeyi yok. Onnar dokumentsiz, rubasız, uşaklarlan. Bu halizdän korkunçlu, açan bilmeersin ne yarın olacek. İnsan bizi burada nicä kableder e, benim gözlerimi çok işlerä açtı. İnsan da kär, açan işider, ani biz Ukrainadan, yaklaşıp para vererlär,…

Komratta açıldı merkez, neredä Ukrainadan kaçan insannara yardım ederlär. Bu yardımı vererlär, nicä sıradalı insannar, ölä dä cümnä toplumnarı. Onnarın aralarında Türkiyenin «Maavi Yarımay» kurumu. O Ukrainadan kaçan insannara döşek tedarıklarını hem imäk mallarını verdi. «Maavi Yarımay» Türkiyanın kurumundan yardım pay edilecek Gagauziyanın her erinä, neredä Ukrainadan kaçan insannar durgundular. Ukrainadan kaçan insannar annattılar, neçin kendi Vatanından gittmää zoora kaldılar. Svetlana Yanak  birkaç günün içindä Moldovaya etişti. O annattı, ani Komradın merkez panayırında bir ayläylän tanıştı, angısı kayıl oldu kendi evindä bu insannarı kabletmää. SVETLANA YANAK, Ukrainadan kaçan: «Pek çok fukaarä insan var . Tä neredä, bän işlärdim, çok uşak…