Türkiyedä er tepremesindän zarar görennerä yardım toplanêr

Türkiye Kişinev Büükelçilii Türkiyedä er tepremesindän zarar görennerä deyni kış giyimneri hem iyecek malların yardımı için kendi bildirisini açıkladı gibi, Moldovadan hem Gagauziyadan acızgan cannardan orayı yardım gelmää başladı. Biz da, “Ana Sözü” gazetası olarak, Türkiyedä er tepremesindän zarar görennerä deyni Türkiye Kişinev Büükelçiliinä cumaa hem cumaertesindä, iki reyslan, yardımımızı getirdik. Yardımnarımız içindä adamnan karı kurtkaları hem paltolar, kış rubaları, kombenizonnar, cat eni yorgannar hem odeyalalar, bir çadır, konservalar, uşak mamaları, pirinç, bulgur, oloy, pamperslar hem gigiyena malları. Nicä deniler: bizdän az, ama Alşlahtan çok olsun. Источник anasozu.com

Gagauziyanın Başkankası İrina VLAH bildirdi, ani Türkiyedä er tepremesindän zarar görennerä yardım için Gagauziyada maasuz banka esabı açıldı. Açılan esaba Gagauziya İspolkomun hem Gagauziya Halşk Topluşun zaametçileri birär çalışma gününä gelän paralarını koyaceklar. Başkanka İrina VLAH teklif etti Gagauziyanın hepsi ii neetli insannarı hem biznesmennarı bu yardıma olduu kadar katılsınnar. Bu paralarlan alınacek ilk lääzımnı mallar, ani yollanaceklar Türkiyedä er tepremesindän zarar görennerä. Türkiyedä er tepremesindän zarar görennerä yardım için Gagauziya İspolkomun maasuz banka esabın rekvizitları: Полное наименование бюджетной организации: Comitetul Executiv al Gagauziei р/с банка – 226609 Код IBAN: MD24TRPDAG144114С14494AE ф/к – 1007601000252 Министерство финансов – Государственное  казначейство TREZMD2X…

Küçük ayın (fevral) 13 sabaası bildirildi, ani er tepremelerindän, sade Türkiyedä, ölü sayısı 30 bini geçti. Siriyada da da 3 bindän zeedä ölü sayısı belertiler. Küçük ayın (fevral) 6-da Tükiyedä biri-biri ardı olan iki er tepremeleri o zonada bulunan küüleri hem kasabaları erlän bir yaptı. Bütün dünneydä başlandı yardım toplanmaa, ani yardım etmää deyni o burlada diri kalan, ama zarar görän insannara. Bu yardımnar Moldovada hem gagauziyada da toplanêrlar da Türkiye Kişinev Büükelçiliinä getirilerlär. Oradan da, Türkiye Kişinev Büükelçilii hem TİKA personalı yardımınnan paketlenerlär dä TİRlan Türkiyeyä yollanaceklar. Türkiye Kişinev Büükelçilii bildirer, ani, aarlık olarak Türkiynin o bölgedeki insannara kış…

Moldova içişleri ministerlii açıkladı, ani Moldova pravitelstvosu tarafından Baba Marta ayın 15-dä alınan karara görä, Türkiyedä biri-biri ardına olan er tepremesindän zarar görän Türk halkına 8 milion leylik gumanitar yardımı yollanıldı. Çiçek ayın 8-dä yola çıkan hem 317 93 metra kub mal alan altı TİRda Türkiyeyä yollandı gigiena hem medițina malları, yorgannar, yastıklar, santehnika malları hem başka lääzımnı işlär, angılarını Türkiyedä er tepremesindän zarar görän bölgeyä götüreceklär. Источник anasozu.com