Türkiye Respublikasının 99-cu yıldönümünä baaşlanmış reçepțiya
Canavar ayın (oktäbri) 29-da tamamnandı 99 yıl, nicä 1923-cü yılın Canavar ayın (oktäbri) 29-da Türkiye Parlamentı (Türkiye Büük Millet Meclisi) kabletti türk halkının Büük öndercisinin Mustafa Kemal ATATÜRKün hazırladı Türkiye Konstituțiyasına diişiklii, angısına görä Türkiye Respublika oldu.
Bu yıldönümünnän ilgili olarak, Canavar ayın (oktäbri) 31-dä Türkiye Kişinev Büükelçisi Uygar Mustafa SERTEL, eşinnän barabar, ofițial reçepţiya verdi.
Reçepţiyada pay aldılar Moldova Parlamentın spikerını İgor GROSU, Gagauziya Başkankası İrina VLAH hem Gagauziya Halk Topluşu Başı Dimitriy KONSTANTİNOV, Moldova Parlamentın hem Gagauziya Halk Topluşun deputatları, Türkiye Gagauziya Komrat Başkonsulu Hasan AKDOĞAN, TİKA Kişinev programaların Koordinatoru Selda ÖZDENOĞLU, Moldovada yabancı devletlerin Büükelçileri, Moldovada diplomatiya misiyaların temsilcileri, devlet, politikacılar, kulrura insannarı h. t. b.
Recepțiyanın başında saygıylan seslendi Türkiye hem Moldova Gimnaları. Sora Türkiye Kişinev Büükelçisi Uygar Mustafa SERTEL, reçepțiyeyä gelän hepsi musaafirleri selemneyip, kutlama sözünü yaptı hem okudu maasuz bu günnä baalı Türkiye Respublikası Prezidentının Recep Tayyip ERDOĞANın Türkiye Respublikasının 99-cu yılın kurulmasınnan ilgili kutlama mesajını.
Ardından Moldova Parlamentın spikerını İgor GROSU da bir kutlama nasaatı okudu.
Türkiye Respublikasının 99-cu yıldönümünä baaşlanmış reçepţiyanın kultura programasında çaldı telli instumentlär ansamblisi hem musaafirlerin kolaylıı oldu Türk imeklerindän, tatlılarından hem şerbetindän buyurmaa.
Источник anasozu.com 01.11.2022