Türkiye Devletin hem Gagauziyanın annaşmakları ilerleerlär
Gagauziyaya büün ofiţial vizitinnän geldi Türkiye Büyük Millet Meclisi başkanı Mustafa Şentop. O buluştu avtonomiyanın kuvetlerinnän. Buluşmada laf gidärdi soruşlar için, angıları baalı barabar annaşmaklarınnna.
Türkiye Büyük Millet Meclisi başkanını karşıladılar bakannık komitetin hem HT binanın önündä Gagauziyanın Başkanı İrina Vlah hem GHT başı D Konstantinov. Saygılı musaafiri karşıladilar gagauz adetlerinä görä. Kaarşılamayı taa şıralı yaptı Düz Ava ansamblisi gagauz halk oyunnarınnan.
Dil, kultira hem adetlär bu en önemli işlär halkın ilerlemesindä. Nışannadı Türkiye Büyük Millet Meclisi başkanı Mustafa Şentop. Bu uurda Türkiya destekleer gagauziyayı. Bundan kaare lääzım üürenmää devlet dilini dä çizgildi Büyük Millet Meclisi başkanı Mustafa Şentop. Türkiya yardım eder Gagauziyaya üç dilin barabar üürenmesi programasının ilerlemesindä nışannadı GBİV.
Vizitin süresindä Türkiye Büyük Millet Meclisi başkanı Mustafa Şentop buluştu bakannık komitetin azalarınnan hem halk topluşun deputatlarınnan. GHT başı DK nışannadı ani Türkiyanın yardımı pek önemli ki insannarın yaşaması taa kaliteli olsun.
Mass media çalışannarında vardı kolaylık koymaa kendi soruşlarını saygılı musaafirä. Türkiye Büyük Millet Meclisi başkanı Mustafa Şentop çızgıledi ani Moldovanın baamsızlıı iTürkiya devletinä pek önemli.
Bu yıl Moldova nışannadı kendi baamsızlıın 31 ci yıldönümünü. Lääzım ileri dooru da yapmaa hepsini ki devlet ilerlesin nışannadı GBİV.
GHT öndercisi DK çızgiledi ani lääzım birliktä olmaa da ozaman var nicä olacek zorlukları ensemää.
Moldova hem Türkiya devletleri barabar annaşmaların sirasında TİKA agentstvosunun yardımınan giriştirildi 400 proket angıların bütünnä sayısı kurȇr 400 mln evro.
Источник grt.md
