“Turkish Airlines” adı “Turkiye Hava Yolları” olêr

“Turkish Airlines” adı “Turkiye Hava Yolları” olêr

Türkiye Respublikasının Prezidentı Recep Tayyip ERDOĞAN açıkladı, ani Türkiyenin halklararsı “Turkey” adının yazmasından “Türkiye” adına geçilmesinin kabledilmesindän sora, “Turkish Airlines” adı da artık tükçä yazılacek – “Turkiye Hava Yolları”

Prezident Recep Tayyip ERDOĞAN bildirdi, ani Türkiyenin “Türk Hava Yolları” aviakompaniyasının eraplannarının güüdesindeki marka adını “Turkiye Hava Yolları” olarak yazmasına diiştirmeyä emir verer.

Turkiye Hava Yolları kompaniyası 1933-cü yılın Hederlez ayın (may) 29-da, devlet aviakompaniyası olarak kuruldu. 1956-cü yılın Küçük ayın ayın (may) 20-dä da Türk Hava Yolları aviakompaniyası oldu.




Источник anasozu.com
158

İlgili statyalar

Prezident Recep Tayyip ERDOĞAN Gagavuz Yeri Başkankasını kabul etti

Türkiye Respublikasının ofițial saytı bildirer, ani Orak ayın (iyül) 27-dä Türkiye Respublikası Prezidentı Recep Tayyip ERDOĞAN Gagauziya Başkankasını İrina VLAHı kabul etti, ama detalli bir açıklama yok: https://www.tccb.gov.tr/haberler/410/138865/cumhurbaskani-erdogan-gagavuz-ozerk-yeri-baskani-vlah-i-kabul-etti. Gagauziya Başkankası İrina VLAHa görä, bu buluşmada politika hem cümne-ekonomika soruşları incelenmiş. Başkanka şükür etmiş Türkiye Respublikası Prezidentı Recep Tayyip ERDOĞANa o infrastruktura proektları için, ani Türkiye Pravitelstvosu Gagauziyada yapêr hem teklif etmiş Paalı Prezident Recep Tayyip ERDOĞAN buyursun da gelsin Gagauziyaya Komrat kasabasında Türkiye tarafından yapılan Sport kompleksın ofițial açılışına. Источник anasozu.com

Recep Tayyip ERDOĞAN Maya SANDUylan telefon görüşmesi yaptı

Türkiye Respublikasının Prezidenturası (Cumhurbaşkanlığı) açıkladı, ani Türkiye Respublikasının Prezidentı Recep Tayyip ERDOĞAN Moldova Prezidentı Maya SANDUylan bir telefon görüşmesi yaptı. Görüşmedä, Rusiyanın Ukrayınaya saldırması sebepinnän yaşanan son gelişmelärlän insannık yardımı hem evokuațiya soruşları lafedildi. Источник anasozu.com

Büün Türkiye Respublikasının 99-cu yıldönümünü

Büün tamamnanêr 99 yıl, nicä 1923-cü yılın Canavar ayın (oktäbri) 29-da dünneyä bildirildi, ani Türkiye Respublikası kuruldu. Bu oldu ondan sora, açan koydu türk halkının Büük öndercisi Mustafa Kemal ATATÜRK hazırladı Türkiye Konstituțiyasına bu uurda diişiklii hem teklif etti Türkiye Parlamentı (Türkiye Büük Millet Meclisi) kabletsin hem temelä koysun onu. Bu iş ta aslışa çıktı 1923-cü yılın Canavar ayın (oktäbri) 29-da. Ozamandan beeri, bu diişikliklän, Türkiye Devletinin öndercilik sisteması Respublika olmasına döndü. Türkiye Respublikasının 99-cu yıldönümünü kutlu hem mutlu olsun! Yaşasın Türkiye Respublikası! Источник anasozu.com

Türkiye Respublikasının 98-ci yıldönümünü kutluca olsun

Canavar ayın (oktäbri) 29-da Türkiye Respublikasının kurulmasının 98-ci yıldönümü tamamnandı. Türkiye Respublikasının kurulması dünneyä bildirildi 1923-cü yılın Canavar ayın (oktäbri) 29-da, ondan sora, nicä Türkiye Parlamentı (Türkiye Büük Millet Meclisi) kabletti hem temelä koydu türk halkının Büük öndercisinin Mustafa Kemal ATATÜRKün tarafından hazırlanan Türkiye Konstituțiyasına bu uurda diişiklii. Bu diişikliklän Türkiye Devletinin öndercilik sisteması Respublika olmasına döndü. Türkiye Kişinev Büükelçisi Gürol SÖKMENSÜER “29 Ekim Cumhuriyet Bayramı”nan ilgili olarak insannara bir video mesaj yolladı: https://www.facebook.com/kisinevbe/videos/304812924814281. Türkiye Respublikasının 98-ci yıldönümünü kutluca olsun hem Türkiye Respublikası yaşasın! Источник anasozu.com

TİKA Koordinatoru Selda ÖZDENOĞLU “Recep Tayyip ERDOĞAN üüredicilik kompleksı”n düzelmesini inceledi

Küçük ayın (fevral) 15-dä TİKA Kişinev programaların Koordinatoru Selda ÖZDENOĞLU inceledi Komratta “Türkiye Prezidentı Recep Tayyip ERDOĞAN üüredicilik kompleksı”n düzelmesinin işlerini. Koordinator Selda ÖZDENOĞLU hem onunnan bilä burayı gelän Gagauziya Başkanı erindä buluştular kompleksı düzän firmanın zaametçilerinnän hem inceledilär işlerin örümesini. Gagauziyada gagauz dilini genişlettirmää hem uşaklarımıza üüredicilik uurunda üüsek izmetlär vermäk için, 2015-ci yılda TİKA tarafından başlanan “Türkiye Prezidentı Recep Tayyip ERDOĞAN üüredicilik kompleksı”n büün aslısına büük adımnarlan örüyer. Şindi yapılêr kompleksın ilk etapı (ana bina, sport kompleksı hem teknik uurunda yapılar) hem onnar yılın sonunda lääzım başarılsın. “Türkiye Prezidentı Recep Tayyip ERDOĞAN üüredicilik kompleksı” başarıldıynan burada 500-dän zeedä…