TİKAnın 30 yıl yardımnarı için şükür ettilär

TİKAnın 30 yıl yardımnarı için şükür ettilär

Kırım ayın (dekabri) 7-dä Türk İşbirlii hem Koordinaţiya Agenstvosunun (TİKA) Başkannıında aarlandı Gagauziyanın Kıpçak küüyün primarı hem küü Sovetinin delegațiyası, angısı TİKA Başkan Yardımcısına Dr. Mahmut ÇEVİK tarafından kabledildi.

Nicä açıkladı Dr. Mahmut ÇEVİK, buluşmada Gagauziyadan delegațiya şükür etti TİKAya 30 yılın içindä kendilerinä yapılan o cümne, ekonomika hem kultura uurunda yardımnar için. Kıpçak küüyün primarı Oleg GARİZAN, delegațiyanın adından, baaşladı TİKAya bir kartina.

TİKAnın 30 yıl yardımnarı için şükür ettilär




Источник anasozu.com
566

İlgili statyalar

TİKA Başkan Yardımcısı Dr. Mahmut ÇEVİK: Ukrayna hem Moldova gagauzlarına yapılan proektları konuştuk

Canavar ayn (oktäbri) 20-dä Türk İşbirlii hem Koordinaţiya Agenstvosunun (TİKA) Başkan Yardımcısı Dr. Mahmut ÇEVİK kendi ofisindä kabul etti Ukrayna Gagauzlar Birliin başkanını Vasiliy KELİOGLUyu hem Türkiye Ankara “Gagauzlar” dernään başkanı İrina ÜSÜMBEYLİyi. Nicä bildirdi TİKA Başkan Yardımcısı Dr. Mahmut ÇEVİK, buluşmak zamanında Ukrayna hem Moldova gagauzlarına cümne, kultura hem başka uurlarda Türk İşbirlii hem Koordinaţiya Agenstvosunun (TİKA) tarafından yapılacek hem yapılması lääzım olan proektların kolaylıkları konuşuldu. Kendi tarafından Vasiliy KELİOGLU hem İrina ÜSÜMBEYLİ şükür ettilär TİKAya hem TİKA Başkan Yardımcısına Dr. Mahmut ÇEVİKä gagauzlara yapılan yardımnar hem aslıya çıkarılan proektlar için. Источник anasozu.com

TİKA Başkan Yardımcısı Dr. Mahmut ÇEVİK Gagauziyanın primarlarını aarladı

Bu günnerdä, başta Kıpçak  küüyün primara Oleg GARİZAN olarak, Gagauziyanın primarlar Birliinä girän Aydar, Caltay, Baurçu, Dizgincä, Tomay, Kiriyet, Çeşmeküüyü hem Karbalı küülerin primarlarından oluşan delgațiya Türkiyedä bulunêr. Vizit zamanında bu delgațiyada olan primarlar Türk İşbirlii hem Koordinaţiya Agenstvosunun (TİKA) Başkan Yardımcısı Dr. Mahmut ÇEVİK tarafından kabledildi hem aarlandı. Buluşmada Türkiye hem Gagauziya arasında ilişkilär konuşuldu hem da birliklän bütünnük içindä Gagauziyanın kultura hem cümne uurunda kalkınmaya uygun soruşlar lafedildi. Источник anasozu.com

TİKA Başkan Yardımcısı Dr. Mahmut ÇEVİKlän gagauzlar lafedildi

Kırım ayın (dekabri) 2-dä Türk İşbirlii hem Koordinaţiya Agenstvosunun (TİKA) Başkan Yardımcısı Dr. Mahmut ÇEVİK buluştu Gagauz Milli Gimnasının avtorunnan hem “Ana Sözü” gazetasının baş redaktorunnan Todur ZANETlän. Buluşmada gagauz halkının Moldovada hem dünnääda eri lafedildi hem onun kulturasınnan ekonomikasının geçmişteki, büünkü hem gelecektä durumu konuşuldu. Ayrıca Todur ZANET kendisinin hem gagauzların adından şükür etti TİKA Başkan Yardımcısına Dr. Mahmut ÇEVİKä hem TİKAya o proektlar için hem gagauz halkına yapılan büük yardımnar için. Buluşmanın sonunda Todur ZANET baaşladı Dr. Mahmut ÇEVİKä kendisinin Türkiyedä basılan kiyatlarını. Источник anasozu.com

Dr. Mahmut ÇEVİK Krım Türkleri Fondun Başkanı Tuncer KALKAYlan görüştü

Büük ayın (yanvar) 5-dä TİKA Başkan Yardımcısı Dr. Mahmut ÇEVİK görüştü Ankaradakı Krım türkleri kultura hem yardımnaşma Fondun Başkanı Tuncer KALKAYlan. Görüşmä oldu Krım türkleri kultura hem yardımnaşma Fondun Başkanı Tuncer KALKAYın Türk İşbirlii hem Koordinaţiya Agenstvosunun (TİKA) Başkan Yardımcısı Dr. Mahmut ÇEVİKä bir vizitı zamanında. Dr. Mahmut ÇEVİKin hem Tuncer KALKAYın görüşmesindä lafedildi Rusiyanın Ukraynada ortaya koyduu saldırılarlan Rusiyanın ayak altına aldıı Krımdakı büünkü durum. Buluşmdan sora Tuncer KALKAY açıkladı ani görüşmedä “iki tarafın da çalışmaları için açıklamalar yapıldı hem gelecektä yapılabilecek işbirlii çerçevesindä dä görüş alış-verişindä konuları ortada bulunuldu”. Источник anasozu.com

TİKA Başkan yardımcısı gagauzların hem bütün Rumelinin dostu Mahmut ÇEVİK oldu

TİKA Balkannar hem Dou Evrupa Daire Başkanı Dr. Mahmut ÇEVİK, 2021-ci yılın Büük ayın (yanvar) 2-dä Türkiye Prezidentliin № 3 Kararınnın 2 hem 3 punktlarına görä Türk İşbirlii hem Koordinațiya Agenstvosu (TİKA) Başkan yardımcısı atandı. Dr. Mahmut ÇEVİK çok yıllar sıravaradı Gagauzlara, bütün Balkannara hem Rumeliyä çok büük çalışmalar koyudu hem yaptu. Onun zaametinnän buralarda milionnarca Evroya proektalar yapıldı. Gagauziyada hem Moldovada, Rumelidä hem bütün Balkannarda yaptıkları için Canabisinä saa olsun deeriz hem çok şükür ederiz. Gagauzların hem bütün Rumelinin paalı dostuna Dr. Mahmut ÇEVİKä kutluca olsun, eni işindä başarılar dileeriz. Allaa versin ona saalık, uzun ömür hem kuvetlän sabur ileri…