TBMM Başkanı Mustafa ŞENTOP: “Gagauz Yeri (GY), Moldovaylan ilişkilerimizin ayrılmaz bir parçasıdır”
Büük ayın (yanvar) 26-da Türkiyedä ofițial vulunan Moldova delgațiyası başındakı Moldova Parlamentın spikerı İgor GROSU buluştu Türkiye Respublikası Prezidentı Recep Tayyip ERDOĞANnan hem Türkiye TBMM (Türkiye Büük Millet Meclisi) Başkanı Prof. Dr. Mustafa ŞENTOPlan.
Prezident Recep Tayyip ERDOĞANnan buluşmada Moldova Parlamentın Spikerı şükür etti Canabisinä o yardımnar hem arkalık için, ani Türkiye Moldovaya yapêr. Bundan kaarä İgor GROSU teklif etti Türkiye Respublikası Prezidentına buyursun da gelsin Moldovada 2023-cü yılın Kirez ayın (iyün) 1-dä olacek Evropa politika cümnesinin II-ci toplantısına. Türkiye Prezidentınnan buluşmada TBMM Başkanı Prof. Dr. Mustafa ŞENTOP da pay aldı.
TBMM (Türkiye Büük Millet Meclisi)ndä delgațiyaların görüşmesinin önündä TBMM Başkanı Mustafa ŞENTOP hem Moldova Parlamentın predsedateli İgor GROSU baş-başa konuştular, ardından da delgațiyaların arasında görüşmä oldu.
Görüşmedä TBMM Başkanı Mustafa ŞENTOP söleyeräk, ani bakmadaan ona ki Türkiyenin Moldovaylan ortak bir sınırı olmasa da, Moldovayı komşusu olarak kabul ettiini urgulayarak, Moldovaylan ilişkileri, Strategiyalı Ortaklık çerçevesindä güçlendirilmesin arzusunu urguladı, açıklayarak, ani 2018-ci yılda Türkiye Prezidentı Recep Tayyip ERDOĞANın Moldovaya vizitında iki devlet arasında kurulan Strategiya Ortaklıın Türkiye-Moldova Üüsek düzeyli stratecik işbirlii Konseyin ikinci toplantısı Prezidentı ERDOĞANın katılmasınnan plannanêr.
TBMM Başkanı, urgulayarak, ani Tükiye hem Moldova arasındakı alış-verişin 1 miliard dolarlık uuruna yaklaşmasınnan, artık başka, taa üüsek uurlar koyulması lääzım.
Geçeräk Ukrayna hem Rusiya arasındakı duruma, TBMM Başkanı ŞENTOP belertti, ani bu konflikt Ukraynanın toprak bütünnüü, suverenitetı hem baamsızlıı temelindä, diplomatiya yoluunan, çözülsün lääzım.
Görüşmedä TBMM Başkanı Prof. Dr. Mustafa ŞENTOP ayırıca Gagauziya (Gagauz Yeri) hem gagauz soydaşlarınnan ilişkin Türkiyenin yaklaşımını açıkladı: “Gagauz Yeri (GY), Moldovaylan ilişkilerimizin ayrılmaz bir parçasıdır. Gagauz soydaşlarımıza yaklaşımımız, Moldovanın toprak bütünnüü hem suverenitetı verdiimiz bir lafsız yardımızdan ayrı düşünülämäz. Gagauz soydaşlarımızın avtonomiyalarını koruması, Moldova içindä raat hem barış içindä yaşamalarını istiyoruz”.
Moldova Parlamentın predsedateli İgor GROSU da konuşmasında, Türkiyenin hem pandemiya dönemindä hem da Ukrayna-Rusiya cengi sebepinnän Moldovaya verdii yardımnarı dolayı şükürlerini bildirdi.
TBMM Başkanı ŞENTOP hem konak Moldova Parlamentın predsedateli, delgațiyalar arası görüşmenin ardından 15 Temmuzda bombalanan alana karanfil braktılar. Taa sora da Mustafa ŞENTOP, o günkü musaafirinä, 15 Temmuz Milli Birlik Günü sergisini hem TBMM Genel Kurul salonunu gezdirdi, bildiriler TBMM presa serviçin açıklamasında.
Источник anasozu.com
