Tankistlerin günü Komratta nışannandı
Gagauziyada şansora birkaç yıl nışannȇȇrlar Tankistlerin gününü. Bu yıl da baktılar . Taa derindän İrina Karaman annadȇr.
Komrat dolayın Tank askerliin veterannarı şansora sekiz yıl T-30 tankın anmak taşında ,angısı bulunȇr Komrat kasabasının batı tarafında,toplanȇrlar.Onnar unutmȇȇrlar kim bu dünnedä şansora yok hem aklılarında tutȇrlar hepsini.
GRİGORİY MANASTIRLI tank askerliin veteranı : — «Bu toplantılar ansızdan çekettilär.Birkaç insan toplanardı sekiz yil geeri ,ama büün burada var hem Çadırdan hem Valkaneştän insannar».
MİHAİL KONSTANTİNOV tank askerliin veteranı : — «Biz dostlukta buluşacez taa çok yıl. Burayı gelecez okadar,nekadar lääzım».
İVAN KİHAYOGLO tank askerliin veteranı : — «Bän tank askerliin veteranı, üürendim Turkmenistanda,askerlii yaptım Afganistanda ».
Tank askerleri –bu kaavi bir küvet.Kendi kutlamaklan Komrat hem Valkaneş dolayların başları danıştılar.
PÖTR ÇEBAN Valkaneş dolay administraţiyasının başı : — «Bän sizi kutlȇȇrım ,ani sizin unukalarınız hem uşaklarınız bilmesinnär, ne bu cenk .Ko kimisi silähları ellerindä tutmasın».
İVAN TOPAL Komrat dolay administraţiyasının başı : — «Kutlȇȇrım sizi , ko kötü işlär bizdä olmasın,zerä sizi her zaman var nicä sayıya koymaa».
Başküüyün Tank askerliin veterannarı danıştılar evlad bolaylara.
HRİSTOFOR VİDOV tank askerliin veteranı : — «Lääzım fizik tarafından taa kaavi olmaa».
PÖTR SİRKELİ tank askerliin veteranı :- «Kutlȇȇrım, sizä saalık .Biz tankistlär pek kaaviyiz ».
NİKOLAY SAKALI tank askerliin veteranı : -«Ko olmasın cenk da hepsi olsun birliktä hem usluluk olsun. Ko bir dä insan duymasın tankın tütünü ».
Источник grt.md
