Taa ilktän iki Grand-Pri, birinci erlär hem premiyalar

2022-ci yılın Çiçek ayın (aprel) 9-10 günnerindä Moldova seftä geçti Halklararası “Crystal Pearl – 2022” (Kristal Sedef) türkü hem oyun konkursu. Kurulma günündän beeri bu konkurs üçüncälää ypılêr.

Gagauziyadan “Crystal Pearl – 2022” (Kristal Sedef) türkü hem oyun konkursunda pay aldılar Komrattan “Voice Show Studio” örnekli vokal studiyası hem “Vdohnoveniye” estrada hem sport tanțları örnekli kolektivı.

Olesä BARLADÄNın “Güneş çancaazı” vokal şkolasının hem hem “Voice Show Studio” örnekli vokal studiyasının solistkaları Marina TOPALlan Aleksandra TERZİ hem studiyanın önderciykası Olesä BARLADÄN birkaç nominațiyada pay aldılar da ustalıklarınnan halklararası jürinin azalarını büüledilär. Sonuçta Marina TOPAL 1-ci eri aldı, Aleksandra TERZİ iki 1-ci premiya kazandı. Olesä BARLADÄN sä, iki gagauzça türkü “Uyku Türküsü” (muzıka – İlya FİLEV) hem “İnansın”(muzıka – Födor RADİONOV) çalıp, 1-ci eri hem “Crystal Pearl 2022” (Kristal Sedef) türkü hem oyun konkursu Grand-Pri ödülünü aldı. Bundan kaarä, Olesä BARLADÄNna WAPA (World Association Performing Arts) (Dünnää gösteri incäzanaatları Birlii) kuruluşun ödülü da verildi.

“Vdohnoveniye” estrada hem sport tanțları örnekli kolektivı da (önderci – Svetlana SARI) kendi beceriklliinnän, kreativlıınnan hem ustalıınnan jüriyi şaş-beş braktı da oyunnan “Indigo” konkursun tanțlarda Grand-Pri ödülünü kazandı.

Olesä BARLADÄNın “Güneş çancaazı” vokal şkolasının hem hem “Voice Show Studio” örnekli vokal studiyasının öndercisinin adından şükür ederiz konkursu hazırlayannara hem yapannara: “Crystal Pearl – 2022” konkursun direktoruna Natalya KRASNÄNÇUKa, Halklararası jürinin predsedatelinä hem Moldova ÜNESCO başı Evgeniya URSUya hem WAPA (World Association Performing Arts) prezidentına Armando GUKASÄNa.

Fotolar: “Crystal Pearl – 2022”.

Источник anasozu.com

Haberci

18.04.2022

163

Categories: Новости

İlgili statyalar

Emiliya Mavrodi, sana deyni. Konţert yardım etmää deyni küçük uşacaa.

Komratta canavar ayın 8-dä «Твори добро» yardımcı konţerdi geçti.Onun baş neeti- toplamaa para küçücük uşaa Emiliya Mavrodiya deyni . Yardımcı koţerdi geçirmää teklif etti «Kolay seslär» vokal okulun başı Tatyana Mitioglo. Komrat muniţıpiyasının Kultura evin önündä geçti yardımcı konçerdi. O adalıydı iki yaşında uşaa Emiliya Mavrodiya. Uşak yıldan zeedä Retta sindromunnan güreşer. Aylesi onu aşırıda ilaçlȇȇr, onnar lääzım çok para. DENİS BABURİN komrat kultura evin başı :- » bizim artistlär işittiynän taa kayıl oldular pay almaa koţerttä». Gagauziyanın artistleri islä bilerlär Emiliyayı Mavrodi hem onun anasını, bobasını. Uşak yok taa 3 yaşında ,ama ecel hazırladı ona büük zeetleri. ANNA-MARİYA «Voice…

BOT işçi

105

10.10.2022

Kongazın “Altın çöşmä” örnekli uşak oyun ansablisi 10 yaşında

Hederlez ayın (may) 29-da Kongazda kutladılar “Altın çöşmä” örnekli uşak oyun ansablisinin kurulmasının 10-u yıldönümünü. “Altın çöşmä” örnekli ansablisinin diişilmäz öndercicinin Viktor GRADİNARın zaametinnän hem ansamblidä pay alannarın becerikliinnän, 2011-ci yılda kurulmasından büünkü günädän “Altın çöşmä” oldu anılmış hem temelinä oturulmuş bir kolektiv. Taa çoyu Todur ZANET lițeyin üürencilerindän oluşan bu ansamblidä 5-18 yaş arasında olan üzdän zeedä uşak gagauz oyunculuun kulturasında ustalıklarını incelettilär hem o ustalıklarını türlü memleketlerdä dä gösterdilär, ölä nicä Moldova, Türkiye, Ukrayina, Belarusiya, Grețiya. “Altın çöşmä” örnekli ansamblisinin kalfalıını geçän uşakların en isleeleri büünkü gündä Gagauziyanın en anlmış “Düz Ava” ansamblisinin oyunculuk payının temeli durêrlar hem…

Haberci

176

06.06.2022

“Anna German hem onun eceli“ türkü konkursu

Komrat kasabasının M. Çakir adına kolecında geçti türkü yaradıcılık konkursu, angısında öttülär Poloniya türkücüsünün German Annanın yaratmaları. Olayda pay aldı 11 genç insan. Источник grt.md

BOT işçi

23.11.2022

Sergey BARGAN Halklararası turnirın çempionu

2022-ci yılın Kirez ayın (iyün) 5-15 günneri arasında Bulgariyanın Primorsko kasabasında geçti şahmatalarda Halklararası turnirı, angısında pay aldılar 15 devlettän 150-dän zeedä şahmatacı. Moldova komandasınnan orayı katıldılar Gagauziyadan da anılmış hem genç sportsmenarı. Gagauziyadan halklararası uurunda sportta master Sergey BARGAN bu turnirın çempionu oldu hem turnirın Kuboonu hem da para ödülünü kazandı. Bu Halklararası turnirdä kendi ustalıının incelettilär Gagauziyanın genç şahmatacıları da, bakmayıp ona, ani priz verilän erleri kazanmaa becerämedilär. Lääzım urgulamaa, ani Gagauziyadan şahmatıcılar Bulgariyadakı bu Halklararası turnirinä gitsinnär deyni zaamet ettilär Gagauziyanın şahmata federațiyası hem Moldova Respublikasının şahmata-şaşki klubu. Ayırıca para tarafından saadıç oldu Gagauziya gençlik hem sport…

Haberci

179

23.06.2022

“Düz Ava” ansamblisi “Kıymetli incäzanaat kolektivı” oldu

Moldova Prezidentı Maya SANDU ofițial țeromoniyada kutladı memleketin kultura insannarını hem yaratmak kolektivlarını, devlet tarafından verilän şannı adlarlan. Bu sırada Gagauziyanın Semön POMETKO adına “Düz Ava” türkü hem oyun halk ansamblisi da vardı. Kutlama țeromoniyasında, gagauz adetlerini hem kulturasını korumak hem ilerletmäk için, Moldova Prezident verdi “Kıymetli incäzanaat kolektivı” adını Gagauziyanın Semön POMETKO adına “Düz Ava” türkü hem oyun halk ansamblisinä. Источник anasozu.com

Haberci

160

22.06.2022

Yorum yapabilmek için giriş yapmalısınız.