T.C. Kişinev Büükelçiiliindä ATATÜRKün sonsuzlaa varmasının 84-cü yıldönümünü saygıylan andılar

Kasımın 10-da Türkiye Kişinev Büükelçiliindä Türkiye Respublikasının kurucusunun,  bütün Türk dünnäsının öndercisinin hem XX-ci üzyılın en anılmış liderın Mustafa Kemal ATATÜRKün raametli olduu günün 83-cü yılınnan ilgili bir anmak sırası oldu. Anmak sırasında, Türkiye Kişinev Büükelçisi Gürol SÖKMENSÜER başta olarak, Büükelçiliin diplomatları hem personalı, Türk İşbirlii hem Koordinaţiya Agenstvosu Başkannıın (TİKA) Kişinev TİKA programaların Koordinatoru Selda ÖZDENOĞLU hem TİKA personalı, saygıylan andılar Türkiye Respublikasının kurucusunu Mustafa Kemal ATATÜRKü. Anmak sırasından sora, sıraya katılannar, saygıylan çiçek koydular Kişinev Türkiye Büükelçiliin önündä olan Mustafa Kemal ATATÜRKün byustuna. Kişinev Türkiye Büükelçiliindä ATATÜRKÜ andılar Patretlär: https://www.facebook.com/kisinevbe Источник anasozu.com

Türkiye Respublikasının kurucusunun, Türk dünnääsının Atasının hem da XX-ci üzyılın en anılmış dünää lideri Mustafa Kemal ATATÜRKün aramızdan ayrılımasının 85-ci yıldönümü saygıylan anıldı. Kasımın 10-da Türkiye Kişinev Büükelçiilindä saygıylan anıldı Türkiye Respublikasının kurucusunun, Türk dünnääsının Atasının hem da XX-ci üzyılın en anılmış dünää lideri Mustafa Kemal ATATÜRKün aramızdan ayrılmasının 85-ci yıldönümü. Bu işlän ilgili yapıldı bir saygı sırası, neredä pay aldılar Türkiye Kişinev Büükelçiilin diplomatları hem personalı, TİKA Kişinev programaları ofisin zaametçileri, Moldovada türk iş adamnarı hem üüredicileri, gagauz yazıcısı hem başka insannar. Sırada Mustafa Kemal ATATÜRKä susmaklan hem Büükelçiiliin aulunda olan Türkiye Bayraan biraz indirililmesinnän saygı gösterildi, sora da…

Canavar ayın (oktäbri) 29-da tamamnandı 99 yıl, nicä 1923-cü yılın Canavar ayın (oktäbri) 29-da Türkiye Parlamentı (Türkiye Büük Millet Meclisi) kabletti türk halkının Büük öndercisinin Mustafa Kemal ATATÜRKün hazırladı Türkiye Konstituțiyasına diişiklii, angısına görä Türkiye Respublika oldu. Bu yıldönümünnän ilgili olarak, Canavar ayın (oktäbri) 31-dä Türkiye Kişinev Büükelçisi Uygar Mustafa SERTEL, eşinnän barabar, ofițial reçepţiya verdi. Reçepţiyada pay aldılar Moldova Parlamentın spikerını İgor GROSU, Gagauziya Başkankası İrina VLAH hem Gagauziya Halk Topluşu Başı Dimitriy KONSTANTİNOV, Moldova Parlamentın hem Gagauziya Halk Topluşun deputatları, Türkiye Gagauziya Komrat Başkonsulu Hasan AKDOĞAN, TİKA Kişinev programaların Koordinatoru Selda ÖZDENOĞLU, Moldovada yabancı devletlerin Büükelçileri, Moldovada diplomatiya…

Ceviz ayın (sentäbri) 14-dä Türkiye Kişinev eni Büükelçisi Uygar Mustafa SERTEL Moldova Prezidentına Maya SANDUya güvennik mektubunu verdi hem Prezidentura tarafından pek islää karşlandı. Ceviz ayın (sentäbri) 14-dä Moldova Prezidentı Maya SANDU, bir ofițial hem tantanalı sırada, kabletti Türkiye Kişinev eni Büükelçisindän Uygar Mustafa SERTELdän Canabisinin güvennik mektubunu. Büükelçi Uygar Mustafa SERTEL profesional diplomat. Universitetı başardıı zamanından Türkiyenin dışişleri ministerliindä çeşitli erlerdä izmat etti. Diplomat olarak, birkaç devlettä işledi. Romaniyanın Konstanța kasabasında Baş konsuluunu yaptı. Источник anasozu.com

Canavar ayın (oktäbri) 29-da Türkiye Respublikasının kurulmasının 98-ci yıldönümü tamamnandı. Türkiye Respublikasının kurulması dünneyä bildirildi 1923-cü yılın Canavar ayın (oktäbri) 29-da, ondan sora, nicä Türkiye Parlamentı (Türkiye Büük Millet Meclisi) kabletti hem temelä koydu türk halkının Büük öndercisinin Mustafa Kemal ATATÜRKün tarafından hazırlanan Türkiye Konstituțiyasına bu uurda diişiklii. Bu diişikliklän Türkiye Devletinin öndercilik sisteması Respublika olmasına döndü. Türkiye Kişinev Büükelçisi Gürol SÖKMENSÜER “29 Ekim Cumhuriyet Bayramı”nan ilgili olarak insannara bir video mesaj yolladı: https://www.facebook.com/kisinevbe/videos/304812924814281. Türkiye Respublikasının 98-ci yıldönümünü kutluca olsun hem Türkiye Respublikası yaşasın! Источник anasozu.com