Stepan Topalın adına futbol turnirı: kim kazandı kuboo
Komratta geçti Gagauz Respublikasının İlk Prezidentı Stepan Topalı anmak ikinci futbol turnirı. Onda pay aldılar 6 komanda avtonomiyadan, angıları hep ölä pay aldılar Moldovanın futbol millet ligasında. Yarışmayı genä taradı “Olimp” futbol klubu sayılan 4:3.
Stepan Topalı anmak turnirında pay aldılar futbol oyuncuları Komrattan, Başküüyündän hem Kıpçaktan. Yarıştılar “A” hem “B” diviziyalarına girän komandalar. Hepsi futbolcular neetliydilär taramaa.
ANDREY KERNEŢ “Olimp” futbol klubun oyuncusu: “Futbol oynȇrım çoktan. Ama bu uurda başladım oynamaa diil çoktan. Futbol oynamaa diil geç, sade havez olsun. Hepsi umutlanêr taramaa. Sade lääzım oynamaa islää”.
VİTALİY GARİZAN “Sokol” futbol klubun başı: “Bizim neetimizdi çıkmaa da taramaa. Oynêêrız çoktan. İkinci yıl sıravardı “B” diviziyasında. O üzerä sanêrım oyun olacȇk gözäl, tarayacȇk kaavilär”.
Gagauziyanın gençlik hem sport bakannıın başı Sergey Stoyanoglo nışannadı, ani 2 yıl sıravardı geçirilmedi turnirlär pandemiya beterinä.
Finala çıktı 4 komanda. 3-cü hem 4-cü eri payettilär futbol klubları Kıpçak küüyündän. İkinci eri aldılar futbolcular “Oguz sport” klubundan. Turnirı genä taradı “Olimp” komandası – kubok kaldı onnarda.
Источник grt.md 28.02.2022