900 bin leya yakın paraylan GIZ giriştirer proektı komrattakı 5-ci uşak başçasında

Komrattakı «Rodniçok» 5-ci  uşak başçasında remont  işleri  başladılar. 2022-ci  yılın bitkisinädän  12  grupada eni  kapular koyacȇk, tavannarı  diiştireceklär. Remont işleri GIZ Almaniya kurumun yardımınnan geçirilerlär.

Şindiki zaman GIZ  kurumun  yardımınnan Komrattakı üürenmäk  kurumunda  «Rodniçok»  eni  proekt  giriştiriler. 900 bin  leyä  yakın doorudulu  remont  yapmasına yaslanın üülen tarafında.

«Proekt  güz — kışzamanında başladı. Durgutmamaa  üüretim proţesini  deyni uşakları  bu  taraftan  öbür  korpusa  geçirdik.  Bölä zorluk çıkarmayacez ana — bobalara», — açıkladı başçasının başı Elena Patraman.

Bu korpusta hayatlarda kapuları diiştireceklär, asma tavannarı koyacȇklar hem  duvarları  dekoratif  şpaklövkaylan geçeceklär.

«Eşiklär hem korkuluklar diişilecek. Çatlak  plitkalar diiştirilecek. Nicä  burada  hepsi  işleri  başaracȇklar, geçeceklär  öbür  tarafa. Orada hep  bölä  remont  yapılacȇk. Bölä  üüretim proţesi kesilmeyecek, uşaklar da evdä oturmayacȇklar», — haberledi Elena Patraman.

Taa ilerdän GIZ kurumun yardımınnan uşak başçası 12 bulaşık makinasını kabletti, buhar fırınını, ki saalııklı hem faydalı  imekleri  hazırlamaa, hem büük ütüyä uran baraban.

Tekst: M. Topal, çekim: G. Stavilov, kurgu: A.Gerçu




Источник grt.md

Похожие статьи

Ungariya elçisi Komratta tanıştı bilingval sistemasına görä uşakların dil üürenmesi başarlarınnan

Komrattakı  5-ci  uşak  başçasının hazırlanmak grupası  kasım ayın 29-da  saygılı  musaafirleri  karşıladılar. Ungariyanın  büük elçisi  Moldovada barabar  avtonomiyanın başkanınnan  dolaştılar  üüretim kurumunu. 4  yıldan  zeedä Komrattakı  5-ci  yaslasında bilingval üüretim sisteması başarılı  çalışȇr. Gagauz hem  devlet  dillerini  üüredicilär  oyun formatında  götürerlär. «Uşaklarlan  pek  çok vakıt  bilä  geçireriz. Günün sırasında sade gagauz hem devlet dillerindä  lafederiz. Uşaklar kendileri tekstleri severlär hem becererlär kurmaa. Onnar  düşünmedän tekstleri serbest temaya görä  yaradȇrlar. Shemaların yardımınnan lafederlär  hem annȇrlar iki dili», — annadȇr Komrattakı  5-ci  uşak başçasının  devlet  dili  üüredicisi Alla Uzun. Uşaklar hayvannarı, ev tertiplerini üürenerlär. Sora resimnerlär hem oyun hamurundan yapȇrlar onnarı. Çizgi …

Komrattakı 9-cu uşak başçası kabledecek 9 mln ley “Evropalı küü” programasından

Duvarları yısıtmak materiallarınnan sarması, örtünün kimi erlerdä diiştirmesi. Bölä işlär lääzım yapılsın “Evropalı küü” milli programasına görä  Komrat kasabasının 9-cu yaslasında. Taa derindän annadȇr Natalya Andrieş. Proektin yapılmasını  9 – cu uşak başçasında baktılar erineki kuvetlär buluşmakta Moldova parlamentin  üüretim, aaraştırmak hem sport işlerindä herzamankı komisiyasının temsilcilerinnän. Onun başı Liliana Nikolaesku – Onofrey nışannadı, ani onnara pek önemliydi görmää eri, neredä “Evropalı küü” proekt giriştirilecek. LİLİANA NİKOLAESKU – ONOFREY, Parlamenttä üüretim, aaraştırmak hem sport işlerindä komisiyasının başı: «Bizä pek önemliydi kollegalarlan parlamenttän tanışmaa primariyanın temsilcilerinnän, görmüü obyektı neredä yapılacek düzmäk işleri. Bu dokuzuncu  uşak başçası. Da biz sevinecez erlem bu…

Valkaneşin iki uşak başçasında neetlenerlär diiştirmää isıtmak sistemalarını

Valkaneş kasabasının  3-cü  hem  7-ci  uşak başçalarında  lääzım  isıtmak  sistemalarını  diiştirmää. Kotöllar odaları enilenmedilär 2003-cü  yıldan. Primariya koydu plana bu yaz onnarı düzmää hem isıtmak  sistemalarını  diiştirmää. Bu işlerä  1 million 200  bin ley harcanacȇk. Valkaneş kasabasının » Emişçik» uşak başçasında yısıtmak sistemasını  bütünnä  diiştirmää lääzım. Kotöllar odası burada tertiplendiydi 2003-cü  yılda. Ama kotöllar  hem bütün sistema eskidi. Yısıtmak  sistemasını  diiştirmää deyni lääzım olacȇk yakın bir million ley.»Emişçik» uşak başçasının başının Lüdmila Lämzinanın laflarına görä, trubalar gübürlän doldular. Kotöllar da hepbir sünerlär. «İslä, ani bu  kış  diildi  okadar suuk. Kışı atlattık kolay. Ama bekleeriz, nezaman  bizä  eski isıtmak  sistemasını  eniyä …

Komrattakı 8-ci uşak başçası 50-ci yıldönümünü kutladı

Kendi yarım asirlik yübileyini nışannadı Komrat  kasabasının 8-ci uşak başçası.  Yortunun musaafirleri oldular Gagauziyanın başkanı İrina Vlah, Türkiya  devletin konsulu Komratta Hasan Akdoan, primariyanın temsilcileri hem üüretim bakannıın uzmannarı. Musaafirlerä deyni hazırladılar yortulu programmayı uşak başçasının  terbiedicileri terbiedilennerinnän. 8-ci uşak başçasının 50 yıldönümünä üürenmäk kurumun  terbiedilenneri  hazırladılar  yortulu programmayı üç dildä, musaafirlerä deyni çaldılar türkü, oynadılar halk oyunnarını, çaldılar evelki kauş instrumentlerindä. Bu yılların içindä uşak başçası kolverdi 200 uşaktan zeedä.  Kollektiv savaşȇr gitmää eni informaţiya tehnologiyalarınnan hem üürenmäk  programmalarınnan bir adımda, nışannadı  kurumun başı Mariya Kıssa. Üürenmäk kurumunda  giriştiriler üç dildä üürenmäk.  Kollektiv genç hem profesional, urguladı  kurumun başı…

Uşak başçaları nezaman bütün kuvettän işlemää başlayaceklar?

Başlayarak kirez ayından Komradın uşak başçaları birär-birär kapandılar yaz zamanı düzüntücülük işleri için. İş sırasına görä ceviz ayın birindä hepsi uşak başçaları lääzımdılar açılsınnar, ama büün 4-cü hem 8-ci uşak başçaları ta işlämeerlär. Neylän bu baalı, annadı bizim televizion grupamız. Komradın 4-cü uşak başçasında düzüntücülük işleri taa başarılmadılar. Bu oldu sebep ona, ani onun açılması taa bir aftaya oyalandı, açıkladı kurumun başı Otiliya Albertän. OTİLİYA ALBERTÄN Komradın 4-cü uşak başçasının öndercisi: — “Düzüntücülük işlerini başladıynan biz karşı geldik kimi problemalarlan, angıları koydular köstek işimizä hem uzattılar onnarı taa bir aftaya. Ama bu aftanın sonunadan bizä gelecek ANSA hem Saalık Merkezi.…