Romıniya Büükelçisi Gagauziyada bulundu
Baba Marta ayın 21-dä, kendisinin Moldova Respublikasında Büükelçi olarak çalışma zamanı bittii üzerä, Romıniya Büükelçisi Daniel İONİȚA bir günnük vizitınnan Gagauziyanın baş kasabasında Komratta bulundu hem orada Gagauziya Başkanınnan hem Komrat kasabasının primarınnan buluştu.
Gagauziya Başkanınnan buluşmak zamanı, Büükelçi Daniel İONİȚA urguladı, ani “Herliim Moldova Respublikası evropa yolunda ilerlemesini koruyarsaydı, belliki, memleketin baamsızlıına, suverenitetına hem tarafsızlıına saygı duyarak, Romıniya hem ilerlemektä başka partnörların tarafından türlü alannarda Moldova Respublikasının vatandaşlarını arkalamak için yapılan çok sayıda proektlar – ekonomika, üüredicilik, saalık, kultura hem başka, ileri dooru da ilerleyeceklär” (“A dat asigurări că multiplele proiecte de susținere a cetățenilor Republicii Moldova din diverse domenii – economic, educație, sănătate, cultură și altele, realizate atât de România cât și de ceilalți parteneri de dezvoltare vor continua dacă Republica Moldova își va menține parcursul de dezvoltare europeană, cu respectarea independenței, suveranității și statutului de neutralitate al țării”).
Bundan kaarä Romıniya Büükelçisi Daniel İONİȚA Gagauziyanın yoksul aylelerin uşaklarana, RoAid agenstvosunun aracılıınnan, Romıniyadan 25 planşet vermä sırasına katıldı hem Romıniya yardımınnan yapılan “Mihai Eminesku” romın teoretik lițeyinin binasını gezdi.
“Mihai Eminesku” romın teoretik lițeyinin binasının başarılmasının geç kalması için söleyeräk, Romıniya Büükelçisi bunun sebepini da açıkladı: proektın başlamasından beeri stroyka malların paalarının iki-üç katına kalkması, bildirer Moldova Respublikasında Romıniya Büükelçilii.
Источник anasozu.com
