Prezidenturada remont başlêêr

Prezidenturada remont başlêêr

2017-ci yılda Türkiye kararladı, hepsi harçları üstünä alıp, Moldova Prezidenturasına remont yapmaa. Bu bina 2009-cu yılın Çiçek ayın (aprel) 9-da olan sokak protestlarında büük zararlar üstünä uuradı.

Nicä bildirdi TİKA (Türk İşbirlii hem Koordinaţiya Agenstvosu) Kişinêu ofisin koordinatoru Selda ÖZDENOĞLU Kırım ayın (dekabri) 22-23 günnerindä bu ofistä oldu tender, angısında remont işlerindä firmaların teklifleri incelendi. Tenderı ensedi Ankaradan “Sonkay” firması.

Şindi Prezidenturada remont başlêêr da eniletmedän sora binanın açılışı yapılacek Türkiye Prezidentı Recep Tayyip ERDOĞAN Moldovaya ofiţial vizitı zamanında, ani beklener bu yılın Hederlez (may) ayında.

Источник anasozu.com

İlgili statyalar

Kişinev TİKA Koordinatoruna Selda ÖZDENOĞLUya Moldovanın “Şan ordenı” verildi

Moldova Prezidentı İgor DODONun Kararına görä Türk İşbirlii hem Koordinaţiya Agenstvosu Başkannıın (TİKA) Kişinev TİKA programaların Koordinatoruna Selda ÖZDENOĞLUya Moldovanın en üüsek ordennnarından birisi – “Şan ordenı” – verildi. Baba Marta ayın 20-dä, Moldova Prezidentın enilenmiş binasında devlet ordennarın verilmä sırası oldu. Sırada Prezident İgor DODON urguladı, ani “Şan ordenı” veriler TİKA Kişinev  programaların Koordinatoruna Selda ÖZDENOĞLUya onun Türkiye hem Moldova arasındakı “strategiyalı ortaklık” uurunda dostluk ilişkisinä çalışması hem TİKAnın Gagauziyada hem Moldovada gerçekleştirdii başarılı proektlarında rolü hem ii neetli katkıları için. Eridir urgulamaa, ani 2018-ci yılda Türkiye Prezidentın Recep Tayyip ERDOĞANın Moldovaya hem Gagauziyaya 20 yıl aradan sora ilk…

“Türkiye Prezidentın Recep Tayyip ERDOĞAN üüredicilik kompleksın” proektı ilerleer

Hederlez ayın (may) 4-dä Komratta “Türkiye Prezidentın Recep Tayyip ERDOĞAN üüredicilik kompleksı” proektınnan hem düzülmesinnän soruşları incelemää deyni burayı geldi Türkiyenin TİKA (Türk İşbirlii hem Koordinaţiya Agenstvosu) Agenstvosundan bu işlerä bakan iş grupası. İlk buluşma Komradın primariyasında oldu. Nicä açıkladı Kişinev TİKA koordinatoru Canan ALPASLAN “Komrat primariyasında incelendi soruş bu proekta deyni toprak eri verilmesi”. Bundan sora TİKA grupası buluştu Gagauziya İspolkomun Predsedatelin 1-ci yardımcısınnan Vadim ÇEBANnan. Toplantıda pay aldılar üüredicilik Upravleniyanın başı Sofya TORLAK hem stroykaylan infrastruktura Upravleniyanın başı Vladimir PANFİLOV. TİKA delgaţiyası bildirdi, ani “bıldır “Türkiye Prezidentın Recep Tayyip ERDOĞAN üüredicilik kompleksın” 3-D proektı Gagauziyanın öndercilerinä gösterildi”. Koordinator…

Proekt hazır, sırada tender

Komratta Başkannık binasının birinci katında erleştirildi hem insannarın önünä çıkarıldı Gagauziyada “Recep Tayyip ERDOĞAN üüredicilik kompleksı”n maketı. Bu kompleksın planı hem Gagauziyada kurulması TİKA yolunnan Türkiye tarafından yapılacek. Şindi işä girmek isteyän firmalara deyni tender açılacek. Beklener, ani Türkiye Prezidentı Recep Tayyip ERDOĞANın Moldovaya ofițial vizitında bu kompleksın başlamasının şiridi kesilecek. Источник anasozu.com

Prezident İgor DODON hem Dr. Mahmut ÇEVİK Prezidenturada işleri baktılar

2018-ci yılın Hederlez ayın (may) 10-da, Moldova Prezidenturasının binasının remondunnan ilgili olarak, TİKA Balkanlar hem Dou Evrupa Daire Başkanı Dr. Mahmut ÇEVİK buluştu Moldova Prezidentı İgor DODONnan. Buluşma zamanında konuşuldu remontlan ilgili soruşlar. Moldova Prezidentı İgor DODON hem Dr. Mahmut ÇEVİK, buluşmada pay alan TİKA Kişinev ofisin koordinatoru Selda ÖZDENOĞLUylan hem remontu yapan Türkiyenin “Sonkay” firmasının temsilcisinnän bilä, prezidenturanın katlarını gezdilär hem yapılan işleri baktılar. Her iki taraf ta urguladılar, ani işlär sırasınca gider hem vakıdında başarılacek. Источник anasozu.com

TİKA Kişinev ofisindä eni koordinator – Selda ÖZDENOĞLU

2017-ci yılın Canavar ayın (oktäbri) başından beeri TİKA (Türk İşbirlii hem Koordinaţiya Agenstvosu) Kişinev ofisindä işä başladı eni koordinator – Selda ÖZDENOĞLU. Selda ÖZDENOĞLU TİKA kurulduundan beeri bu kuruluşta işleer. Bu yıllarda TİKAnın çeşitli strukturalarında işledi. On yıla yakın TİKA Ekonomika Teknik hem Alış-veriş İşbirlii Departamentın başı oldu. Bu Departamentta çalışarkana Moldovada çeşitli proektlara yol verdi. O proektların arasında “Moldova Gıda ve Yaşam Güvenliği Destekleme Programı” protokolu da var. TİKA Moldova programaların Koordinatoru Selda ÖZDENOĞLU Canavar ayın (oktäbri) 9-da Gagauziyaylan tanışma vizitını yaptı. Vizit çerçevesindä Canabisi Gagauziya Başkanınnan hem onun yardımcılarınnan buluştu. Источник anasozu.com


116

İnsannarın cuvapları: