Polşa devletin yardımınnan Komrat M. Çakir adına kollecindä gerçekleştirerlär bir sıra proekt
2000 yılda Poloniyanın büük elçiliin yardımınnan düzüldü kollecin konţȇrt zalı. Gagauziyaya iş vizitin sırasında Polşa elçisi uuradı koleca da buluştu kurumun kollektivinnän.
Düzmäk proektin giriştirilmesi için Polşanın büük elçilii yatırdı kolleca 20 bin dollardan zeedä.
«Kazandık proekti sport zalın tavanını hem erleri düzmää deyni. 2 afta geri dä üürendik, ani kazandık taa 15 bin evro. Yakında düzecez onnara zalın duvarlarını da”, — haberledi kollecin praktika uurunda direktorun yardımcısı Alönä Glavçeva.
Gagauziyanın Başkanı İrina Vlah şükür etti Poloniyanın büük elçilini investiţialar için geleceenä.
«Biz çalışȇrız geleceemiz için. Bizdä yok okadar kuvet, ki lääzımnı uurda ilerletmää dolayın herbir bölümünü. Şükür ederiz büük yardımınız için, siz yatırȇrsınız para bizim geleceemizä», — urguladı başkan.
Şindiki zamanda Komrattakı kolecindä üürenerlär 609 student.
Источник grt.md 03.06.2022