Peetçi Pötr Moyse 70 yaşını tamannayaceydı
İyülün 22-dä artistlär, Pötr Moysenin yaradıcılıını sevennär, senselesi toplandılar kutlamaa gagauz yazıcısının — liriin duuma gününü. Pötr İvanovicin avtorluu artistlerimizin türkücülüündä yaşȇȇr. Peetçiyi hayırlı laflarlan andılar.
Gagauziyanın peetçisi — lirii, anılmış okuyucu 70-ci yıldönümünü nışannayaceydı. Gagauz şairin talantlı, güçlü sesi GRT-ın yayınnarında slogannarda öter, literatura programalarını televizionda hem radioda götürdü.
Pötr Moysenin şiirlerinä gagauz artistleri türküleri çalȇrlar. Vitaliy Manjul Pötr İvanoviçin yaradıcılıını islää bilärdi, birerdä çalışmak türkücünün yaradıcılıına türküleri getirdi.
VİTALİY MANJUL, türkücü: «Serin su» grupasınnan yaradıcı baalantısı 90-cı yıllarda taa çeketti, söleer önderci Födor Radionov.
Genç türkücüyka İrina Melkan enidän türkücülää döndüynän Pötr İvanoviçlän çalışmaa başladı. Peetçinin şiirlerinä o iki türkü çıkardı.
İRİNA MELKAN, türkücü: «Bir aralıktan sora, nicä türkücülää döndüm, Pötr İvanoviçlän çekettim işlemää. Şükürüm ona, ani duydu istediimi da gözäl lafları yazdı türüyä «Şükür». İkinci kompoziţiya dünneyä çıktı Pötr İvanovicin geçinmesindän sora — «Sana Komrat»».
Tanılan türkücü hem peetçi Andrey Palik Pötr Moyselän tanışardı gençliindän.
Pötr Moyse peetçilik uurunnan zanaatlanmaa 1968-cı yıldan başladı. Onun debüt topluluuna gagauz peetçilerin şiirleri girdilär, «Ilkyaz türküsü» 1989-cu yılda çıktı. 2006-cı yılda «Canımın izleri» şiir toplumu gagauz hem rus dillerindä çıktılar. 2011-ci yılda dünneyä kompakt-disk peetçinin şiirlerinnän hem türkücülerin onun testlerinä türkülerinnän çıktı. Pötr Moysenin bitki topluluu «Özlä beni» 2016 yılda çıktı.
Pötr İvanoviçin şiirleri ayırılȇrlar kendili lirikasınnan, onnar adanılȇrlar sevgililerä, sevdaya anaya, karılara, duuma erinä. Pötr İvanovicin yaradıcılıı onun yaşaması da var. O sevärdi yaşamayı türlü renklerindä.
Источник grt.md
