“Operaţiyada insanın yaşaması benim elimdä”. Reanimatolog İvan Kıvırjık annattı kendi işi için
Anestiziolog-reanimatolog-bu zanat en önemli dünnedä. Kalp durgunması, yaralar yol razgelmelerindän, kan kaybelmesi, kovid – bu sıranın kısası, neylän karşı gelerlär işindä anestiziolog-reanimatologlar. Döndürmää yaşamaya insannarı operaţiya masasında — bu baş neet İvan Kıvırjıın Çadır – Lungadan işindä, angısı işler anestiziolog-reanimatolog Hızlı Medik Bolniţasında Kişnövda.
İVAN KIVIRJIK anestiziolog — reanimatolog: «Anestiziolog-reanimatolog — bu zanat en önemli dünnedä. Bän kurtarȇrim insannarın yaşamalarını. Herbir minuta bizä paalı».
Mediklär koyerlär bütün küvedini, ki insan olsun saalıklı. İvan Kıvırjık kendi zanaatıdan kaarä pay alȇr “Zebra” – komediya — şounda.
İVAN KIVIRJIK anestiziolog — reanimatolog: «Bän sayȇrım, ani lääzım yapmaa bişey zanaatından kaarä. Sevinmelik – bu da taa bir benim hobbi. Bän ölä dinnenerim».
Doktor anesteziolig — reanimatolog bir keret bilä pişman olmadı kendi yaşamasında, ani o ayırdı bu zanaatını.
İVAN KIVIRJIK anestiziolog-reanimatolog: «Zanaatımın seçilmesindä bana yardım etti lelüm. O iki üüsek kurumu bitirdi. Söledi bana, ani bu zanaat hem önemli, hem lääzımnı. Söledi, ani bän pişman olmayacam. Ölä dä oldu».
Edi yildan zeedä İvan Kıvırjık döndürer yaşamaya hastaları.
Источник grt.md 07.03.2022