Okullara sıcak nezaman verilecek? Üüretim bakannıın cuvabı
Gagauziyanın okullarında yısıtmak zamanı taa başlamadı. Genel üüretim bakannıında açıkladılar üüretmäk kurumnarında finanslamak durumunu. Bizim çekim grupamız bulundu okulların birisindä da üürendi temperatura durumunu hem hazır mı kurum yısıtmaya geçmää.
Üüretmäk kurumnarın menedjerları kendibaşına kablederlär kararı yısıtmayaya nezaman geçmää, söledi Gagauziyanın üüretim bakanı Natalya Kristeva.
«Var normalar hem sanitar kuralları, ne baalı temperatura rejimınnan. O lääzım 18-20 gradus klaslarda olsun. Sport salonnarında, hayatlarda, orada 15-17 gradusadan var nicä brakılsın. Temperaturayı önderci lääzım kontrol etsin. Soluun temperaturası düşärsä, herbir üüretmäk kurumu kendibaşına kararı kabledäbilir, koşmaa mı sıcaa», — açıkladı Natalya Kristeva.
Üüretim bakanı belli etti, ani üüretmäk proţesini yısıtmak durumu için taa yok. Dual gazına paa bu uurda durarsa, okullara para etecek ilk-iki aya ȇlektroȇnergiyaylan yısınmaa.
«Bän düşünerim, ani okullarda üüretmäk proţesini lääzım koruyalım hem yapalım hepsini, ki yapılarda sıcak olsun», — söledi Natalya Kristeva.
Avtonomiyada sade 2 okul var nicä yısınsın çetin yakacaklan. Оnnardan biri Коmrat kasabasının M.Eminesku adına liţeyi hem Gaydarı küüyün gimnaziyası.
«Yısıtmak sistemasına profilaktika işleri yapıldılar. Bekleeriz, açan Moldovada yısıtmak sezonunu ofiţial bildireceklär. Şindi sä taa yok o olmadı, ani 3 gün sıravardı 8-10 gradustan taa küçük olsun. Okulda islää temperatura 19-20 gradus», — açıkladı D.Mavrodi adına liţeyin menedjeri Макsim Bolgar.
Öndercinin laflarına görä, üüretmäk kurumun var finansları bu yılın bitkisinädän yısınmaa. Nesoy durum olacek 2023 yılda, administraţiyaya zor sölemää.
«Geçän yıl bütün yısıtmak zamanına 600 bin ley harcandı, bu yılın çeketmesinä sä,dekabrinin 31-dän 800 bin ley lääzım», — Макsim Bolgar.
Yısıtmak zamanında harçların büümesi baalı dual gazına paaların kalkmasınnan. Büünkü günä gazın 29 ley 26 ban kurȇr.
Regionun hepsi üüretmäk kurumnarı hazır yısıtmak zamanına.
Reportör: Mariya Statova
Video: Grigoriy Stavilov
kurgu: Mariya Kazaku
Источник grt.md 20.10.2022