Moldovanın eski prezidentını İgor DODONu 72 saada tutukladılar

Moldovanın eski prezidentını İgor DODONu 72 saada tutukladılar

Hederlez ayın 24-dä, sabahtan beeri, Moldovanın eski prezidentın hem Soțialistlär partiyasının eski Başının İgor DODONun, onun anasının hem kumisinin evlerindä prokurorlar, korupțiyaya polițiyası hem SİS (eski KGB) ofițerları yoklama yapêrlar.

Yoklamalara görä Moldovanın eski prezidentını hem Soțialistlär partiyasının eski Başını İgor DODONu hem onun kumisini 72 saada tutukladılar. Tutuklama sebepi – maamilä surat ulikaları yok etmesinin riskı varmış.

İgor DODONu kabaatlı bulêrlar korupțiyada, zakonsuz zenginnemektä, politika partiyasına prestupniklär tayfasından para yardımında hem devlet hayınnıında.

Şindi Soțialistlär partiyası türlü açıklamalar hem protestlar yapêr.

Ortalık karışmasın deyni İgor DODONun evini karabinerlär sardılar.

Moldovanın eski prezidentını İgor DODONu 72 saada tutukladılar




Источник anasozu.com
241

İlgili statyalar

Başkannaa soțialistlär iki erdän urêrlar: hem Valkaneştän, hem Komrattan

Büünkü gündä, Gagauziya Başkanı olmaa deyni, edi kişi istediini açıkladılar: Nikolay DUDOGLU, Grigoriy UZUN, Sergey ÇİMPOEŞ, Sergey ÇERNEV, Mihail FORMUZAL, Dimitriy KROYTOR hem Viktor PETROV. Kendilerini baamsız gösterän pek meraklı hem tekir bir kumpaniya: Nikolay DUDOGLU (Komrat kasabasından Gagauziya Halk Topluşun şindiki deputatı, Moldova demokrat partiyasının eski azası), Grigoriy UZUN (Moldova soțialistlär partiyasının eski azası), Sergey ÇİMPOEŞ (Tomay küüyündän Gagauziya Halk Topluşun şindiki deputatı), Sergey ÇERNEV (Valkaneş kasabasından Gagauziya Halk Topluşun eski deputatı), Mihail FORMUZAL (iki dönem Gagauziya başkanı), Dimitriy KROYTOR (2002-ci yılda, gagauz halkına izmetini Şveyțariyada büükelçilik kreslosuna diiştirän Başkan), Viktor PETROV (Komrat kasabasından Gagauziya Halk Topluşun şindiki deputatı).…

Gagauziya Başkanı seçimnerinin II-ci turu şüpä altında

Pazara, Hederlez ayın 14-dä, Gagauziyada lääzım olsun Gagauziya Başkanı seçimnerin II-ci turu, ama Kişinev kuvetleri tarafından doorudan baskı beterinä, o tur şüpä altında bulunêr. Nicä bilersiniz, Gagauziya Başkanı seçimnerinin II-ci turuna çıktılar Evgeniya GUȚUL (Moldova “Şor” partiyasından kandidatı) hem Grigoriy UZUN (Moldova soțialistlär partiyasının kandidatı). Alınan haberlerä görä, dün, Hederlez ayın 12-dä üülendän sora, taman II-ci turun bülütennerini kabletmäk sırasında, Gagauziya Merkez Seçim Komisiyasına ansızdan geldilär Moldova Merkez Seçim Komisiyasının, Moldovanın korupțiyaylan düüş Merkezin hem Moldovanın informaţiya Slujbasının (SİS) (eski KGB) temsilcileri. Olaylan ilgili olarak, Gagauziya Halk Topluşu deputatın İlya UZUNun açıkladı; ani Moldova Prezidentı Maya SANDU hem Moldova soțialistlär…

Aleksandr STOYANOGLU tutuklandıynan: “Bu – memlektin prezidentı tarafından kinnik”

(Moldovanın Gagauz olan Baş prokuroru Aleksandr STOYANOGLU 72 saada tutuklandı) Dün avşamneyin, saat 18:00 için açıklanmış pres-konferențiyanın önündä, Moldovanın informaţiya Slujbasının SİSı (eski KGB) tarafından 72 saada tutuklandı Gagauz olan Moldovanın Baş prokuroru Aleksandr STOYANOGLU. Bu iş yapıldı bölä sțenariyaya görä: – Moldova justițiya ministrusu Serdjiu LİTVİNENKO zorlan toplandırdı Moldova Prokurorların Üüüsek Sovetini; – Bu sovetä gelän Baş prokuroru Aleksandr STOYANOGLUyu Serdjiu LİTVİNENKO kuudu oradan; – Sovetin gündelik işinä zorlan koyuldu soruş: “ Moldova Parlamentı PAS parstiyasından deputatın Lilian KARPın Moldovanın Baş prokuroru Aleksandr STOYANOGLUya karşı danışması için”; – Danışma koyulunca hem kabledilincä, Antikorupțiya prokuroru Viktor FURTUNA Moldovanın Baş prokuroru…

2023 yılın Çiçek ayın (aprel) 30-da Gagauziya Başkanı seçimneri olacek – kandidatlar 8 var

Çiçek ayın (aprel) 30-da, Gagauziyada olacek Gagauziya Başkanı seçimneri. Bu seçimnerä, kandidat olarak, 8 kişi etişti: 7-si – adam kulluundan, 1-si dä – karı kulluundan. Tiparlêêrız onnarın adlarını o sıraya görä, nicä Gagauziyanın Merkez seçim komisiyası onnara registrațiya yaptı: 1. Nikolay DUDOGLU (baamsız kandidat, Komrat kasabasından Gagauziya Halk Topluşun şindiki deputatı, Moldova demokrat partiyasının eski azası); 2. Grigoriy UZUN (Moldova soțialistlär partiyasının kandidatı, Valkaneş kasabasından Gagauziya Halk Topluşun eski deputatı); 3. Mihail FORMUZAL (baamsız kandidat, iki dönem Gagauziya başkanı oldu); 4. Viktor PETROV (Moldova soțialistlär partiyasının kandidatı, Komrat kasabasından Gagauziya Halk Topluşun şindiki deputatı); 5. Dimitriy KROYTOR (baamsız kandidat, 2002-ci…