Moldovada işleer laboratoriya, angısında zeedelederlär kuvannarı
Moldovada açıldı laboratoriya angısında kuvannarı zeedeletmäk için ana kuvannarına tohum konuler. Laboratoriyada var lääzımnı tehnologiyalar ki kuvan genetika fondunu taa ii yapmaa.
Genetika malların kalitesi belli eder kuvan aylelerin saalıını. Kuvancı Çimişliya dolayın Sagaydakul Nou küüyündän barabar kendi kolegalarınnan işlettirerlär bir ţikl, anısı verecek kolaylık kuvannarın ayleleri taa islää büüyüsünnär hem taa ii olsunnar. Bu uurda hepsi denemeklär geçerlär üüsek tehnologiyalı laboratoriyalarda. İki yıl geeri USAİD proektin yardımınnan Moldovada açıldı ilk laboratoriya, neredä ana kuvannarına duudurtmak için tohum konuler. Ozaman 400 bin ley verildi lääzımnı tertiplerin satın almasına.
“Tehnika paalı, ama üürenmää işlemää onunnan taa da paalı çıker, neçin ki ana kuvannarına duudurtmak için tohum konulması için ne okullarda, ne da universitetlarda annatmêêrlar. Ama o insannara, angıları ii çıkışları bu uurda kazandılar , zor yaklaşmaa”, — açıklȇȇr Pötr Sakara.
Kuvancı kaybetmeer umudu, o sayer, ani en önemli o raatlık, ama kendi düş gütmesini o hep okadar aslıya çıkaracek. Büün laboratoriyada başarılı gider duudurtmak için tohumnarın koyması ana kuvannarına. Bu verer kolaylık büütmmää kaavi hem saalıklı kuvannarı, angıları türlü hastalıklara dayanıklı hem onnardan kaliteli bal olȇr. Pötr Sakara sayer, ani erideki genetika materiallar var nasıl diiştirsinnär yabancı ana kuvannarını.
“Paalı hem import ana kuvannarın sade beş proţenti var nasıl ilerlesin hem taa kuvancık yapsın. Ama diil herzaman ana kuvannar yapȇrlar ne bizä lääzım”, — nışannȇȇr kuvancı.
Pötr Sakara hep ölä haberledi, ani bu ara o kollegalarınnan sade satȇrlar ana kuvannarını bal yapması için. Ama ne baalı kuvannarın zeedelenmesinnän, onnar isteerlär birkaç tamızlık ana kuvanını çıkarmaa. Da edecek onnar 250 leydän taa çok, açıklȇȇr kuvancı. Ama aşırıdan ana kuvanının paası üz evrodan binädän var nicä kursun. Hepsi çekiler klastan hem havezdän işlemää, urgulȇȇr Pötr Sakara.
“Kuvancılık dünnedä başladı diil zengin insannardan, ama monastırlerdän hem kliselerdän. Bu işi çekedärdi yaşlı insannar. En baştan bu zanaat özel sayılardı, da başladardılar onu özel insannar”, — açıklȇȇr Pötr Sakara.
Kuvancılar halizdän dä özel insannar. Başka fermerlardan onnar ayırılȇrlar kendi filosofiyasınnan hem bakışlan yaşamaya.
Bu haber hazırlandı amerikalı halkının yardımınnan, angısı verildi ABD Halklararası ilerletlmäk Agentstvosunundan (USAID).
Источник grt.md
