Moldovada inovaţiya proektlerini destekleyeceklär
Moldova İnovates- bölä programanın adı, angısı doorudulu biznes uurunda inovaţiya proektlerin desteklemesinä.
Biznes uurunda inovaţiya proektlerin desteklemesi programası verecek kolaylık küçük hem orda kurumnara ilerletmää kendi proektlerini, angıları baalı informaţiya hem ekologiya tehnologiyalarınnan hem industriya proektlerininnän. Proeklerin gerçeklenmesi için 500-är bin leyä kadar kabletmää yakışacek.
SERCİU GAYBU MD ekonomika ministrusu: — “Bu programayı biz seftä MD başlȇȇrız. İsteeriz, ani talantlarımız, angılarının var islää hem gözäl ideyaları, onnara biznes uurunda yardım versinnär. Bu iştä hükümet ta yardımcı olsun lääzım”.
Serciu Gaybu nışannadı, ani bölä proektlär pek başarılı geliştirilerlär başka devletlerdä hem Moldovaya da fayda getirsinnär yakışȇrlar.
SERCİU GAYBU MD ekonomika ministrusu: “Bu işi biz Estoniyada hem Ukrainada gördük, isteeriz, ani o başarılı olsun MD-dä dä. Önemli er bu iştä veriler hükümedä”.
Proektin gerçeklenmesi için yardım istenecek MD üüsek üüretim kurumnarından da, nışannadı ministru.
SERJİU GAYBU MD ekonomika ministrusu: “Bu proekti biz ileeri dooru genişletmää isteeriz. İlerledecez aaraştırıcılık uurunu da. İsteeriz çekmää bu işä üüsek üüretim kurumnarını da. Bu yardım edecek bizä diiştirmää Moldovayı”.
Programa 3 yılın süresindä gerçeklenecek. Bu uura devlet bücetindän 60 mln ley veriler.
Reportör: Alöna Terzi, video: Grigoriy Stavilov, kurgu: Mariya Kazaku
prewiew: gov.kz
Источник grt.md 18.10.2022