Moldovada 2022 yılda 816 yol olayı razgeldi. Onnarda yarısından zedä yayan gezän insannar yaralandı

Moldovada geçän yıl 816 yol razgelmesi oldu, 78 kişi öldü, 773  yaralandı. Örüyennerin pay almasınnan 2022 yılda 681 yol razgelmesi oldu, angılarından 49 öldü, 656 zararlandı. Olayların sebepleri, nicä dä ilerdän, kalȇrlar: izlılık, dikatsızlık hem sarfoşkana arabayı kullanmak.

Başküü (Kirsovo) küüyündä geçän yıl yol razgelmeli sık oldular. Kimileri örüyennärlän. Küüyün yaşayannarı kahırlanȇrlar bunun için, ama bişey yapamȇȇrlar.

«Pek çirkin aydȇrlar. Pak uçȇrlar! Hem oraya, hem bu tarafa, kendi gözümnän gördüm. Hem da gündüz».

«Bizdä yol olayları hep bu köşedä razgelerlär. Pek çirkin. Birkaç kişiyi şansora urdular, uşak da var. Şükür kimsey ölmedi, ama tä şindi dä bir insan bolniţada bulunȇr».

«Bizdä sıkçana yol olayları razgelerlär».

Başküü küüyündä sık olan yol razgelemeleri çekiler ondan, ani bu yaşamak erindän çok trasport geçer. Yolda ürümäk çizileri var, ama şoförlar nışannara pek bakmȇȇrlar.

«Biz Hükümetä danıştık ki küüyümüzün girişlerindä koyulsun izlılıı ölçän kameralar. Bu günä kadar onnar taa koyulmadı. Taa bir keret danışȇrız Hükümetä, avtonomiyanın kuvetlerinä bu problemayı esaba alsınnar. İnsannarımızı hem uşaklarımızı lääzım koruyalım», — açıkladı Başküü küüyündä.

Yol poliţiyasının izmetin çalışannarı belli ederlär, ani devlettä yol kuralların uurunda kampaniyalar bütün yılın sırasında geçirilerlär, ama yol razgelemeleri bundan azalmȇȇrlar.

«Kanona görä araba kullanıcılarına bakılȇr ceza yayan gezän insannarı yolu aykırlasınnar brakmaması için. Cezanın sayısı 900 leydän 1500 leyadan var nicä kursun hem 4 puan. Yayan gezän insannarı da ceza bekleer – 300 – 450 ley en çok”, — haberledi yol poliţiyasının uzmanı Andrey Dimitroglo.

Gagauziyada 2022-ci yılda 520 yol razgelmesi oldu. 83 onnardan aar, 24-dü onnarda ürüyennärlän.




Источник grt.md

İlgili statyalar

Moldovada “Peşehod” kampaniyası geçer

Moldovada Büük  (yanvar) ayın 9-dan — 26-dan «Peşehod» (yayan gezän insan) operaţıyası geçer. Onun neeti yol razgelmelerini durgutmaa. Geçmiş  yıl respublikanın üülen tarafında 61  yol razgelmesi oldu, onnarda 12 kişi geçindi, 55 yaralandı. «Yug» yol poliţiyasının uzmannarı nışannȇȇrlar, ani yol razgelmelerini yok etmää deyni kuralları herbir insan esaba lääzım alsın. Araba kullanıcılarına nasaat ederlär  dikkatlı olmaa yolda, malez okulların hem yaslaların yannarında. «Bu  operaţıyanın daavası — yol razgelmelerini iisiltmää, neçinki devlettä olan yol razgelmesi taa çok yayan gezän insannarlan baalı», — açıkladı Çadır-Lunga  «Yug» patrulün ofiţerı İvan Jeçkov. Yayan gezän insannar lääzım aklında tutsunnar, ani yolu aykırlarkana kuralları esaba almarsaydılar,…

Gagauziyada 2022 çeketmesindän beeri sayıya koyuldu 19 yolrazgelmesi

Gagauziya Poliţiya bakannıın bilgilerinä görä, avtonomiyada 2022 çeketmesindän beeri sayıya koyuldu 19 yolrazgelmesi. Hep okadar olay yolda razgeldi geçmiş yılda. Butakım, bu yılın çeketmesindän Komrat dolayinda sayiyä koyuldu 3 yolrazgelmesi (2021 — 6); Çadır dolayında — 12 (2021 – 8); Valkaneş dolayinda – 4 (2021 – 5). 2022 yılın başından bu yana kadar Komrat – Çadır bölgesindä yol durumunu kontrol edän polis izmeti nışannȇȇr, ani üç yolrazgelmesi baalı yayan gezän insannarın yaralanmasınnan. Yol razgelmelerin sönücünda geçindi bir insan, iki olayda insannar yaralandı. Hepsi yol razgelmelerindä kaabaatlı oldular nicä araba kullanıcıları, ölä da yayan gezennär. “Bir olayda araba kullanıcısı kolvermedi yayan…

Video: Gagauziyada “Peşehod” operaţiyası geçer

Canavar ayında millet  poliţiya inspektoratı geçirer Gagauziyada  «Peşehod» operaţıyasını. Bir ayın süresindä Yüg bakannıın  zaametçileri  gözlederlär   insanarı hem araba kullanıcılarını, nesoy onnar bakȇrlar yol kurallarını. Maasus operaţiyanın süresindä millet inspektoratın zaametçileri getirerlär  insannarın akıllarına, ani yol kurallarını lääzım bakmaa, atent olmaa svetoforlarda, geçmemää yolu neredä yok maasus  nışanar. Araba kullanıcılarına  gezmek rejımını hem kolvermää insannarı geçärkänä yolu. Neçin ki diil hepsi onnar bakȇrlar bu kuralları, söleyip, ani  yolu geçmäk nışannar bulunȇrlar pek uzakta. “Resimnäyın nışannarı, da bän kanona karşı gitmeyecäm”. “Bütün yaşamamı ölä geçerim. Hepsi bölä geçer, bän ölä geçerim. Bän diilim buralı”.   Bu operaçiyanın baş neeti — haberlemää insannarı, ki gidärkänä yol kurallarına karşı, onnar…

Dinnenmäk günnerindä Moldovada 3 bindän zeedä şoför cezalandı yol kurallarını esaba almamak için

Foto: politia.md Yolları gözledän polis uzmannarı bütün devlettä afta sonu işledilär kanona karşı gidän şoförları belli etmäk için. Sonuçta 3 380 araba kullanıcı cezalandı, haberleer moldpres. 1 274 şoför cezalandı yolda hızlı gitmäk için, bakmayarak ona, ani hererdä yamur yaadı. 700 – dän zeedä şoför esaba almadı yol kuralların nışannarını hem yayan gezän insannara yol vermedi. Taa 331 şoför durmak kurallarına karşı gitti, 270 — şin dä arabanın bakımın registraţiyası dokumentlerindä yannışlıklar var. Arabayı kullanmak yasaa kabletti 69 kişi yolda sarfoş halda tutulmaları için, 47 onnardan pek sarfoştu. Hep ölä afta sonu devletin yollarında oldu 9 yol razgelmeleri, onnarın beterinä…

(Video) Büün Komratta iki yolrazgelmesindä yaralandı uşak hem polis uzmanı

Komratta büün oldu iki yolrazgelmesi. Birindä yaralandı uşak 11 yaşında, öbüründä polis uzmanı. Bir yol razgelmesi oldu  Lenin sokaanda, angısında yaralandı  uşak 11 yaşında. Nicä haberledilär poliçiya izmetindä, Opel Vectra arabasını kullanardı 18 yaşını  tamannamamış Komradın yaşayanı, nagısının hakkı arabayı kullanmak için yok. O göremedi yolu geçän uşaa da urdu onu hızlı gidärkana.  Uşacıı  kötü halda götürdülär Komrat bolniţasına. Doktorların laflarına görä uşaan durumu aar, onu  götüreceklär Kişinöva. “Uşaa getirdilär yol razgelmesindän sora. Uşak buluner komada.  Çok yaraları vardı.  Çaardık san aviaţıyayı,yaptık hepsi lääzımnı kontrolleri. Bekleriz ki geçirmää onu Kişinöva, uşak 2009 yılda duumalı, 11 yaşında”, — açıkladı Komrat dolay…