Moldova Prezidentı Maya SANDUnun Ukraynaya iş vizitı

Moldova Prezidentı Maya SANDU Kirez ayın (iyün) 27-dä bir iş vizitınnan bulundu Ukraynada, neredä ilkin gitti gitti cenktän zarar görän Borodänka, Buça hem İrpen kasbalarına, sora da Canabisi buluştu Ukrayna Prezidentı Vladimir ZELENSKİYlän, bildirer presedinte.md saytı.

Borodänka, Buça hem İrpen kasabaları baktıktan sora, Moldova Prezidentı Maya SANDU açıkladı: “Bän kendi gözlerimnän gördüm Borodänka hem İrpen kasabalarında kül olunca yakılan yapıları, raketalarlan tuz-buz edilän evleri, rus arteleriyasının atılan toplarlan darmadaan edilän bolnițaları, tükännarı hem uşak başçalarını. Hep bän gördüm kimi ortak mezarları Buça kasabasında, neredä gömülü onnarlan insan, ani kurşuna urulmuşlar rusların bu kasabayı okupațiyasında. Bu tragediyayi laflan yok nicä annatmaa”.

Maya SANDU urguladı, ani Moldova taa ilk gündän beeri ayıpladı Rusiya Federațiyasının Ukraynaya karşı asker agresiyasını hem çaardı halklarası cümne hepsini yapsın, barışı enidän kurmaa hem bu konflikta yapılan temelsiz prestupleniyaları cezalamaa deyni.

Ukrayna Prezidentınna Vladimir ZELENSKİYlän buluşmada, Moldova Prezidentı Maya SANDU urguladı, ani Moldova ileri dooru da ukraynalı kaçaklarına yardım edecek hem Moldova-Ukrayna hem Ukrayna Moldova arasında transport-tranzit potențialalını kaavileştirecek.

Bundan kaarä, Ukrayna halkının rus agresiyasına karşı girginniinä şaşarak, Maya SANDU annaştı Vladimir ZELENSKİYlän, ani iki devlet ekonomika hem energetika sferasında hem Evropa Birlii yolunda işbirşiindä bulunaceklar.

Источник anasozu.com

Haberci

28.06.2022

334

Categories: Новости

İlgili statyalar

Moldova Prezidentı Maya SANDU Gagauziyaya gelmeer

Taa ileri annaşmaya görä, büün, Orak ayn (iyül) 11-dä, Gagauziyaya bir vizitlän geleceydi Moldov Prezidentı Maya SANDU, ama Prezidenturadan açıkladılar, ani, pek çok zaametli iş grafii olduu için, Canabisi Gagauziyaya gelmeyecek. Bu ortadan kaldırılan vizitın ön programasında vardı Moldova Prezidentı Maya SANDUnun Gagauziya öndercilerinnän buluşmaklar, Komrat rayon bolnițasına gezi, Komradın bir uşak başçasına uuramak. Neettä vardı, ani Prezident Maya SANDU büük bir intervyu verecek Gagauziyanın cümne tele-radio kompaniyasına da. Bundan kaarä Gagauziya Halk Topluşu deputatların umutları vardı sormaa Canabisinä “nicä insannar var nicä diri kalsınnar bu zarplatalarlan hem bu paalarlan?”, “neredä rus dilin korunması?”, “neçin tarafsız Moldova kableder 49 milion…

Haberci

428

11.07.2022

Maya SANDU Kongazda biznesmen karılarınnan buluştu

Moldova prezidentın pres-slujbası bildirdi, ani Ceviz ayın (sentäbri) 2-dä Moldova prezidentı Maya SANDU buluştu Kongaz küüyündä Gagaziyadan hem Taraklı rayonundan ellidän zeedä biznesmen karılarlan. Bildiriler, ani bu karılar kendi biznes çalışmalarınnan insannara iş eri vererlär, ufak biznesmennera yardım ederlär da bununnan memleketin kalkınmasına yardımcı olêrlar. Prezident Maya SANDU açıkladı, ani “Biznesmen karıları annattılar, nicä bizneslarını ilerlettilär, ne türlü malları yapêrlar hem nicä onnarı önä sürerlär. Onnar annattılar karşılanan problemaları. Biz inceledik memlekettä olan durumu, ekonomika ilerlemesinin potențialını hem devlet aracılıınan erindeki biznesa arka olma programaları, angısının arasında erindeki turizmanın ilerlemesi dä var”. Bundan kaarä Maya SANDU dedi: “Selemneerim benimnän lafedennerin…

Haberci

113

04.09.2023

Büükelçi Gürol SÖKMENSÜER Moldova Prezidentı Maya SANDUylan görüştü

Kendisinin Moldovada Türkiye Kişinev Büükelçisi olarak çalışma zamanı sona vardıı sebepinnän, Orak ayın (iyül) 21-dä Büükelçi Gürol SÖKMENSÜER Moldova Prezidentı Maya SANDUylan görüştü. Nicä bildirer prezidentın pres-slejbası, Moldovanın devlet başı şükür etti Türkiye Kişinev Büükelçisinä o yardımnat için, ani pandemiya zamanında Türkye Molvdovaya verdi, hem taa da ayırıca şükür etti Ankaranın Moldova Respublikasının suverenitetından hem toprak bütünnüündän arka olması için. Kendi tarafından Türkiye Kişinev Büükelçisi Gürol SÖKMENSÜER Moldova Prezidentı Maya SANDUya kısadan bilgilär verdi, bildirer Türkiye Kişinev Büükelçilii. Источник anasozu.com

Haberci

339

23.07.2022

Vitaliy MANJUL “Maestru în Artă” (“İncäzanaatta Maestro”) oldu

Moldova Prezidentı Maya SANDUnun emirinä Gagauziyanın kultura adamına Vitaliy MANJULa verildi şannı ad Moldova Respublikasında “Maestru în Artă” (“İncäzanaatta Maestro”) adı verildi. Moldovada milli Kultura Gününnän ilgili olarak, Moldova Prezidentı Maya SANDU verdi Moldova Respublikasında “Maestru în Artă” (“İncäzanaatta Maestro”) adını gagauz türkücüsünä, kompozitora, resimciyä hem resimcilik uurunda üürediciyä Vitaliy MANJULa. Kutluca olsun! Источник anasozu.com

Haberci

199

17.01.2023

Moldova Prezidentına Koladaylan

Koladaa karşı Gagauziyanın Çadır kasabasının “Saabinin duuması” Klisesindän gençlär kutladılar Moldova Prezidentını Maya SANDUyu Koladaylan hem Eni Yıl başı yortularınnan. Koladacıları kablederäk, Moldova Prezidentını Maya SANDU şükür etti onnara onun için, ani koruyêrlar moldovadakı etnika grupaların hem sayıdan aaz milletlerin kulturalarını hem kış adetlerın sıralarını. Gençlär dä, kendi taraflarından, dört dildä Kolada söledilär – romınca: gagauzça: ukrayinca hem rusça, bildirer presedinte.md saytı. Источник anasozu.com

Haberci

170

13.01.2023

Yorum yapabilmek için oturum açmalısınız.