Moldova hem Türkiye prezidentleri regionda olan durumu için bakışlarınnan paylaştılar
Moldovanın devlet başkanı Maya Sandu pazertesi auşam telafondan görüştü Türkiyenin cümhurbaşkanınnan Recep Tayyip Erdogannan. Prezidentlär paylaştılar bilgilerinnän regionda var olan durumu için hem Moldovaya Ukrainadan gelän insannarlan.
Maya Sandu nışannadı, ani Moldovaya cenktän kaçan insannarın sayısı pek büük dä onnarı kabletmää deyni devletimizä halklararası yardımı läzım. Bununnan birerdä Sandu şükür etti Türkiyenin kuvetlerini Moldovada bulunan Ukraina vatandaşlarına verilimş gumanitar yardımı için poşetli imek mallarınnan, angısını respublikaya geldi Baba Marta ayın 1-dä.
Bundan başka iki devletin liderleri lafettilär Moldova – Türkiye arasında var olan ilişkileri için energetika, ekonomika hem ticaret uurlarında.
Источник grt.md 09.03.2022