İlgili statyalar
Televizion hem radio için kanon enilenecek. Nesoy diişilmeklär teklif ediler?
Gagauzia Halk Topluşun deputatları neetlenerlär eniletmää televizion hem radio için kanonun 38 bölümün 12- ci punktunu. Baş sebep oldu çok sıra tamannamadık yarışmaklar kompaniyanın öndercinin görevinä. O üzerä 38 bölümün 12 punktu lääzım diişilsin. Halk topluşun Mass — Media komisiyası barabar GRT öndercilerinnän hem işçilerinnän cümnä seslemeklerindä kendi bakışını açıkladılar. Источник grt.md
GRT tehnika uurunda enilenecek
«GRT» CK gözledici nasaatın oturuşunda kabledildi karar, ki canavar ayın 13 –dä hem 14 – dä televizionun studiyasında yapmaa tehnika uurunda enilikleri. Taa derindän annadȇr Polina Barbova. Canavar ayın 13 – 14 – dä «GRT» CK televizionun uzmannarı çalışmayaceklar. Bu günnär programalar ȇfira çıkmayaceklar o üzerä, ani televizionun studiyasında koyaceklar eni tehnikayı eni formatına geçmesi için. YAROSLAV BULGARU «GRT» CK baş injenerı: — «Halizdän canavar ayın 13 — dä hem 14 – dä «GRT» CK yayınnarı ȇfirä çıkmayaceklar o üzerä, ani biz çekederiz tehnika uurunda enilikleri yapmaa televizionun studiyasında. Çok vakıt beklenän enilikleri, neçinki çok yılların süresindä biz onnarı yapmadık.…
Video: Kazayak küün Kultura Evindä düzmäk işleri ilerleer
Gagaziyanın düzüntücülük bakannıı geçirip tênderi belli etti firmayı, angısı yapȇr düzmäk işlerini. Enilenecek yapının içi. Enilenecek giimneri diiştirmäk odası, grim odası, tualet, koyulacȇk isıtmak sisteması, onu yapmaa başladıydılar taa bıldır, haberledi Kazayak küüyün başın yardımcısı İvan Momot. “Sevda” ansamblisinin öndercisi Pelageya Çoban seviner, ani işlär başladılar da ilerleerlär. Bu pek önemli bir iş, neçinki uşaklara, artistlerä, angıları çalışacȇklar Kultura evindä, lääzım olsun sıçak hem kuytulu. Bu işlerdän sora plannarda var eniletmää sțenayı, neçinki başka kompaniya yaptı işleri diil kaliteli, da lääzım olacȇk sțenanın üstünü taa bir keret örtmää. Источник grt.md