“Milletlerin zenginnii birliktä” geçti Tarakliyada
«Milletlerin zenginnii birliktä» 21-ci festivali devlet uurunda 21 keret geçti ceviz ayın 17-dä Tarakliya kasabasında. Festivaldä gösterildi o halkların imekleri, adetleri hem kulturaları , angıları yaşêrlar Moldova devletindä. Temayı ilerleder, bizim korrespondentımız.
Festivalin çeketmesindä gösterildi her bir halkın milli giimneri,halk kollektivlerin oyunnarı, koyuldu çiçek Ştefan cel Mareanmak taşına Tarakliya kasabasının meydanında. Festivaldä var niceydı görmää her bir milletin adetlerini , kulturasını angıları yaşêêr Moldova devletindä. Parkta geçti spektaklilär , halk ansamblilerin oyunnarı hem sergilär. Festivalin pay alannarı nışannadılar, ani bölä festivallär neredä herkezi var nicä taa yakın tanışsın başka halkların adetlerinnän, yardım eder birliktä olmaa , bakmadaan ani çok halklar var.
İRİNA BALKANI Gaydar küüyün yaşayanı : — «Çevirdilär burayı , geldik burayı buluşmaa, göstermää kendimizi üürenmää onnarın kulturasını. Biz artık büük, uşaklarımız görecek da lääzım bilsinnär, rus, gagauz, moldovan, bulgar hepsicii bir, hep halk, hepsi isteer yaşamaa».
ANNA STATOVA Kongaz küüyün yaşayanı : — «Bütün Moldovanın her bir halkın insannarı toplandı burada da gösterer kendi kulturasını, kendi tradiţiyasını , kendi istoriyasını. Ne var nicä olsun taa büük, taa paalı bizim içimizdä , nekadar göstermää bizim adetlerimizi ne kaldı bizä bizim analardan, bobalardan, dädulardan. Bu bizim borcumuz, Allahın hem da onnarın önündä, göstermää, karışmaa, da ilerletmää bu gözäl tradiţiyaları. Bundan paalı, bizdä bişey yok Moldovada hem Gagauziyada».
GALİNA TERZİ Budêy küüyün primarı : — «Bu meydanda insannar türlü halklardan, moldvannar, bulgarlar, ukrainlar, gagauzlar hepsi nicä bir aylä. Lääzım korumaa, ilerletmää bu adetleri, sade birliktä biz kaaviyiz, sade birliktä biz gecirecez her bir zorlukları».
Moldovada yaşêêr türlü halklar, kendi adetlerinnän .Bu Moldovanın zenginnii. Kuvetlär, angıları pay aldılar festivaldä nışannadılar, ani sade birliktä var nicä korumaa onu. Bölä festivallär , neredä toplanêrMoldovanın halklardan, o taa bir adım insannarın arasında birlii kaavilettirmää
NATALYA GAVRİLİŢA Moldovanın premyer-ministrusu : — «En paalı ne var bizim halkta , o birlik. Birliktä biz kaaviyiz, açan halk birliktä o geçirecek her bir zorluu, nekadar biz olacez birliktä, okadar biz olacez kaavi. Bizim topraamızda yok necin baarışsın insannar, angıları komuşu gibi yaşêêrlar bilä, bakmadaan ona , angı dildä onnar lafederlär».
İRİNA VLAH Gagauziyanın Başkanı : — «Biz isteeriz, hepsi insan kim yaşêêr bu devlettä, görsün nesoy o Gagaziya, kim bu insannar kim yaşêêlar Gagaziyada. Biz severiz Moldovayı , bizim adetlerimizi, bizim kulturamızı, bizim dilimiz çok gözäl. Onuştan biz isteeriz hepsinä, bütün dünneyä göstermää, nesoy biz gözäl dildä konuşêrız , nesoy gözäl bizim kulturamız. Isteeriz hepsini saymaa, bizi da saysınnar. Pek umutlanêrız , ani bizim gençlär konuşaceklar gözäl gagauz dilindä, moldovan dilindä , rus dilindä hem isteyeceklär yaşamaa burada Moldovada».
VÄCESLAV LUPOV Tarakliya kasabasının primarı : — « Pek önemli bu yortuda o, ani o birleştirer, biz büün gördük onu, ne lääzım halizdän olsun. Büün bizdä vardı türlü musaafirlär , devletin kuvetleri, Gagauziyabaşkanı, delegaţiyalar Bulgariyadan, Rumıniyadan, Rusiyadan, Ukrainadan , bişey bir baarışmak bizim aramızda yoktu. Biz hepsimiz biri-birimizi beeneriz – hem sayêız».
«Milletlerin zenginnii birliktä» festivali her yıl geçer ki dostlaştırmaa, birleştirmää halkları, angıları yaşêêr Moldovada.
Источник grt.md
