M.Çakir adına bibliotekası düzüntücülük işlerini bekleer
Kişinövun B.P.Haşdeu bibliotekasının filiallarının birisindä düzüntücülük işleri 20 yıldan zeedä geçirilmedilär. A.Terzi taa derindän
Kişinövun B.P.Haşdeu adına bibliotekasının birkaç filialı var. Onnarın birisi M.Çakir adına gagauz literaturası bibliotekası, angısı 30 yıl geeri kendi kapularını ilk okuyculara açtı. Bu yılların süresindä bu er oldu gagauz kulturası merkezi.
NİKOLAY TERZİ Moldova gagauzları birliin öndercisi: — “Burada 90-cı yıllarda toplanardılar gagauzlar, angıları Kişinövda yaşaardılar. Burada çok toplantılar da geçirilärdilär”.
Biblioteka bulunȇr Kişinövun çokkatlı evin maaza katında. Bitki 20 yılda burada düzüntücülük işleri olmadılar. Bibliotekanın büünkü halı pek dalgalandırȇr orada çalışan uzmannarı.
ANJELA VİNTİLȆ M.Çakir adına biblioteka öndercisi: — “Bu bina 1968-ci yılda kullanılmaya verildi. 50 yıldan zeedä şansora geçti. Binanın infrastrukturası kötü halda bulunȇr. Kanalizaţiya hem elektrik sistemi pek kötü halda. Elektrik sistemi dayanamȇȇr şansora, onuştan düzüntücülük işleri bizä soluk gibi lääzımnı”.
Bibliotekada düzüntücülük işlerini geçirilmesi proekt hem sayı dokumentleri TİKA agenstvosununnan işledildilär. Proekt kabledildi hem kısa zamanda gerçeklenecek.
SELDA ÖZDENOGLU MD TİKA kurumun koordinatoru: — “Gittik, baktık hem gördük, ani gagauz aydınnadıcısı adını taşıyan bir eri taa gözäl yapmalıyız. Onuştan da bibliotekayı modernize etmäk çalışacez”.
TİKA kurumun koordinatoru nışannadı, ani düzüntücülük işlerindän kaarä binada zamandaş tehnika hem mobila da koyulacek.
SELDA ÖZDENOGLU MD TİKA kurumun koordinatoru: -“Sadece erini, camını, kapusunu diiştirmäk diil. Eni hem modern bir biblioteka isteeriz olsun”.
M.Çakir adına gagauz literaturası bibliotekasının kapularını her yıl 5000 yaşayandan zeedä açȇrlar. Onun fondları da dayma-dayma eni kiyatlarlan genişlener da büünkü gündä 30000 ekzemplerädän etişer.
Источник grt.md
