Literatura kafesindän “GagauzLogika” intelektual oyununa kadar

Çiçek ayın (aprel) 14-dä Komrat Stepan KUROGLU adına gimnaziyasının, “Ana dili – tatlı bal” adlı sıraları çerçevesindä, oldu “Jurnalistika özellikleri okulda hem gagauz dilin faydası, kullanması bu zanaatta” adlı bir master-klas sırası, ani adandı Gagauz dili yazısına hem gagauz yazıcısının hem bilim adamın Dionis TANASOGLUnun duumasının 100-cü yıldönümünä. Master klasta, angısı hazırlandı gimnaziyanın gagauz dili hem literaturasında üürediciyka Vera Afanasyevna ARAKELÄN, uşaklara jurnalistikaylan ilgili türlü denemeklär yapıldı hem annadıldı gagauz yazıcısı hem bilim adamı Dionis TANASOGLU için, onun biografiyası hem gagauz yazıları hem gagauz halkı için yaptıkları. Gösterildi bir dokumental film parçası, neredä Dionis Nikolaeviç TANASOGLU okuyer kendisinin en anılmış…

Kasım ayın 30-da  Kongaz “Todur Zanet” adına teoretik lițeyindä oldu bir buluşma, neredä romın dilindä laf gitti romın dili hem literaturası için. Buluşmada pay aldılar Moldova yazıcılar Birlii başı Teo KİRİAK (Teo CHİRİAC) hem yazıcı Todur ZANET. Yazıcı, poet hem publițist Teo KİRİAK buluşmada annattı memlekettä romın dilin hem literaturasının önemni olduu için, söledi nicä çalışêr Moldova yazıcılar Birlii, ne uurlarda örüyer literatura hem baaşladı “Todur Zanet” adına teoretik lițeyin bibliotekasına moldoban klasika yazıcıların hem poetların kiyatların hem da Moldova yazıcılar Birlii jurnalını. Todur ZANET tä, romın dilindä lafederäk, annattı Mihay EMİNESKUnun “Luçafar” hem “Çezara” yaratmaklarının gagauz dilinä çevirmesindä çalışmaları…

  Gagauziya (Gagauz Yeri) avtonomiyasının kuruluşun 29-cu yılına adanmış olarak, Komrat kasabasının D.A. MAVRODİ teoretik lițeyindä geçti pek gözäl bir peet yarışması – “Okuyêrız gagauz avtorların şiirlerini”, angısında pay aldılar bu lițeyin 5-12 klaslardan üürencileri. “Okuyêrız gagauz avtorların şiirlerini” yarışmasını hazırladı hem geçirdi Komrat kasabasının D.A. MAVRODİ teoretik lițeyin gagauz dilindä hem literaturasında üürediciykası Stepanidä Stepanovna VARBAN. Belliki, nicä düşer büük yarışmalarda, uşakların vergilerini kantarlamaa deyni jüri da kurulmuştu. İlersini alarak lääzım söleyelim, ani yarışmada hepsi peet okuyannar kendilerini pek talantlı gösterdilär hem jüri erlär tarafından türlü nominațiyalarda enseyenneri üzä çıkardı. Yarışmasında o günü gagauz poetların peetlerini okudular üürencilär: Elizaveta…

Canavar ayın (oktäbri) 31-dä Kongaz küüyün Todur ZANET adına teoretik lițeyindä oldu bir yaratma sırası, ani ilgiliydi bu yul Kirez ayın (iyün) 14-dä tamamnanan akademik hem yazıcı Todur ZANETin dumaa yaşın 65 yıldönümünnän. Yaratmak sırası hazırlanmıştı Todur ZANET adına teoretik lițeyin direktoru hem gagauz dilindä hem literaturasında üürediciykası Mariya Dimitrievna ÇEBANOVAnın, lițeyin üüredicilerin hem büük klaslarda üürencileri tarafından. Yubilärdan kaarä bu yortuya buyur edilmiştilär Kongaz küüyün gimnaziyaların direktorları hem gagauz dilindä üüredicileri, uşak başçaların başları hem terbiedicileri, Kultura evin direktoru hem zaametçileri, anımış gagauz türkücüleri hem türkücüykaları, Todur ZANETin odnoklasnikleri, dostları hem okuycuları. Pek meraklı hem düşünülmüş kutlama sırasında, lițeyin…

Çiçek ayın 19-21 günnerindä Kişinevun “Nikolay Gogol” liţeyindä geçti XXXIII-cü Gagauz dilindä hem literaturasında Respublika olimpiadası, neredä pay aldılar altmıştan zeedä 9, 10, 11 hem 12-ci klaslarından üürencilär. Nicä dä Olimpadanın açılışına, ölä kapanışına da Gagauziya öndercilerindän hiç birisi gelmedi: ne Gagauziya Başkankası, ne onun yardımcıları, ne Gagauziya Halk Topluşun başı, ne GHT deputatları, ne Gagauziya üüredicilik Upravleniyasının başı. Kimsey, sansın gagauz dili hem literaturası bişeycikmiş hem bu uşaklar kimseycikmiş. Olimpiadanın kapanışında uşaklara kutlamak sözlerinnän danıştılar hem enseyennerä diplomnarı hem para baaşışlarını verdilär Moldova üürdicilik hem aaraştırma ministerliin Kurriulum hem Kantarlamak için Milli Adenstvosunun direkroru Liliya İVANOV hem XXXIII-cü Gagauz…