Lidiya TODİEVAnın can inceliindän “Palkellelik fistannarı”

Orak ayın (iyül) 18-dä Moldovanın Dubasar rayonunun Galerkani küüyündä oldu sekizinci “İA MANİA – 2022” festivali, neredä, ev saabilerin dokuz küüyündän kaarä, pay aldılar Gagauziyanın Çadır kasabasının Uşak yaratmak Merkezin “L” adlı Modalar Teatrusunun modelleri dä. Çadır Uşak yaratmak Merkezin “L” adlı Modalar Teatrusunun öndercisi Lidiya İvanovna TODİEVAnın önderciliindä, teatrunun modelleri büük havezlän tanıttılar gagauzları bu festivalda. Başlayıp Lidiya İvanovna TODİEVAnın çalışmalarınnan dünneyi getirilän o milli gagauz rubalarının podiumda gostemesindän, çadırlıykalılar festivalä katılannara deyni gagauz milli oyunnarını da oynadılar. Fotolar: Andrey SOLONAR Источник anasozu.com

Çiçek ayın (aprel) 30-da tipardan çıktı “Ana Sözü” gazetasının 2022-ci Çiçek ayın (aprel)  nomerı. Nomerdä tiparlanan materiallar: “Bücet için Başkankanın vetosunu geçip, İspolkomun tamahlıını biraz aazalttılar”, “Lidiya TODİEVAnın can inceliindän “Palkellelik fistannarı””, “TÜRKSOYun Genel sekretari Sultan RAEV seçildi”, “Kiriyet küüyündä Dionis TANASOGLUyu saygıylan anmak sıraları”, “Başkanka uşaklardan 600 saat vakıt çaldı!”, “Hazır, “Georgievskaya” denilän şiridin üstünä Moldovada nestettilär”, “Gagauziyada “Georgievskaya” denilän şirit kuvettä kalêr, ama amasının aması var…”, “Bütün latin alfavitini zapa altına mı koyaceklar acaba?”, “TİKA Uzbekistanda Türkologiya Aaraştırma İnstitutunu kurdu”, “TİKAdan Moldovaya 2022-ci yılın Ramazanın yardımnarı”, “Caltayda yazıcıylan buluşmak hem “Altın ellär” sergisi”, “Taa ilktän iki Grand-Pri, birinci…

Çiçek ayın 6-da Kişinevun “Nikolay SULAK Milli Palatası”nda oldu “Gagauziyayı kulturadan tanı” (“Descoperӑ Gӑgӑuzia prin culturӑ”) adlı bir yortu, neredä gagauzların kulturasını kişinevlulara gösterdilär hem tanıttılar. Konțertin önündä siiredicilerä deyni gagauz milli kostümnarın gösterisi oldu, çeşitli master-klaslar yapıldı, resim hem kilim sergisi düzennendi. Ayrıca gelenneri karşladılar  gagauz folklor ansamblileri “Bucaktan kızlar” (Çadır kasabası), “Sevda” (Kazayak küüyü) hem “Çancaaz” (Aydar küüyü). “Gagauziyayı kulturadan tanı” (“Descoperӑ Gӑgӑuzia prin culturӑ”) adlı yortunun özü oldu “Nikolay SULAK Milli Palatası”nın sțensında büük bir konțert programası, angısında pay aldılar Gagauziyanın türkü hem oyun ansamblileri “Düz Ava” hem “Kadınca”, oyun ansamblileri “Аltın Çöşmä” hem “Yıldızlar”. Bundan kaarä…