Kuvetlerin «haksızlıına» karşı: Komratta yaşayannar lisapetlärlän protest yaptılar

Geçän Pazar Komratta insan devletin kuvetlerin haksızlıına karşı lisapet gezintisini geçirdi. Pay alannar-Komratlılar devletin önderciliinä gösterdilär, ani kabletmedilär rezolüţiyayı geçän dinnemäk günnerindä geçirilän mitinglardan, angıları Gagauziyanın üç kasabasında geçirildiydilär. Tema taa geniştän reportajda açıklanȇr.

Komradın yaşayannarı kasabanın baş meydanında toplandılar. Buradan da yollandı gezinti lisapetlerdä. Toplanmış insannarı birleştirdi bir fikir – şindiki kuvetlerär işinsinnär sıradan insannarın istediklerini.

«Еr hepsimiz toplanarsak çıkışlar olaceklar. Ne oturmaa evdä mi, açan bölä yaşamaya etiştik? Bu yıl soba suuk olacek. Yakmaa olmayacek neylän. Odun yok».

«İsteerim dual gazın paayın paasını indirsinnär, bunun için gezintiyä çıktım. Prezintimiz  çalışmȇȇr, yardımcıları da hep ölä».

«Gezintinin neeti-göstermää, ani uslu akţiyayı geçireriz. Devletimizin haksızlıına karşı gideriz. Geldik göstermää, ani var insan, gençlär.angısı inanȇr, ani devletimiz ilerleyecek».

Muniţipal nasaatçısı hem akţiyanın kurucusu Vadim Anastasov çizgiledi, ani oluş uslulaa doorudulu.

VADİM ANASTASOV, Komradın muniţipal nasaatçısı: «İyülün 17 geçirili mitinglardan sora rezolüţiyayı devletin Parlamentinä hem Prezidenturaya yolladık, cuvabı bekleeriz. Lisapet gezintisinnän bildireriz, ani cuvabı bekleeriz».

Akţiyanın pay alannarı kasabanın merkez erindän poyraz çevresinädän gittilär, angısı Kukuruznıy dolayanında bulunȇr. Akţiya 40 minutluk oldu.

«İsteeriz geleceemiz umutlu olsun hem Gagauziyamız alerlesin».

«Saalıklı yaşamayı lääzım götürmää, taa az da maşınalarda gezmää».

Gagauziyada geçirilän mitingların pay alannarın sorumnarı: Gazpromnan bildirimnerin kurması, SNG devletlerinnän dostluu kurmak h.b.




Источник grt.md
252

İlgili statyalar

Komratta mitingta istedilär Sandu braksın görevini hem danıştılar Rusiyaya ucuz gaz için

Gaza, şafka, imek mallarına üüsek paaların büümesinä karşı Komratta miting geçti. İki saatlık akţiya kasabanın baş sokakların birisindä karşı gitmäk örümesinnän başarıldı. Mitingın kurucuları hem yaşayannarın acı sesini haberdä siirediniz. Mitingın çeketmesindä kurucuların birisi Mihail Vlah, pay alannarına danışarkana çizgiledi, ani «Kurucuların arkasında durmȇȇr ne Rusiya, ne da politikacılar». Bu replika dooruduluydu Moldovanın prezidentin replikasına, angısı söledi, ani bıttebi Gagauziyada kimi bölüklär Rusiyaya işleerlär da bozmaa durumu regionda isteerlär. MİHAİL VLAH, vatandaş aktivisti: «Hepsi MAS medialara danışȇrım… bizim arkamızda durmȇȇr bir da politika partiyası. Kimsey da bizi kullanmȇȇr, biz aktivistlär. Duramȇȇrız bir tarafta büüyan paalarına imek mallarına hem koşullara». Komradın…

Video: KOMRATTA ALEKSANDR STOYANOGLOYU TUTTURMA AKŢİYASI GEÇTİ

Moldovanın genel prokurorunu Aleksandr Stoyanogloyu  informaţiya  hem korrupţiyaya karşı prokuraturanın uzmannarı 72 saada kapadılar. Ona açtılar ceza işini, angısını sayȇrlar  baalı  korupţiyaylan. Avtonomiyanın yaşayannarı ceviz ayın 6 – da  Gagauziya  Bakannık Komitetin hem Halk Topluşun binanın önündä geçirdilär akţiyayı tutturmaa  deyni  MD genel prokurorunu Aleksandr Stoyanogluyu. İnsan şaşȇr, ne olȇr bizim memlekettä. “Bendä hiç yok laf. Adam, angısı korulu bütündän MD Konstituţiyasınnan, prokuratura kanonnarınnan. Nasıl var nicä olsun bu iş? Bu bir adam, angısı korulu hepsi devlet bölümnerinnän, da onu bir günün içindä çıkarȇrlar iş erindän,  hep o gün açȇrlar ceza işini, hep o gün  kapȇrlar. Açan açılȇrlar ceza işleri, lääzım insanı seslesinnär marturlar, toplansınnar…

Komratlılar mitingta hükümetä bir sıra istek açıkladılar

Komrat kasabasının meydanında dinnenmäk günnerindä geçti sıradakı miting, angısı baalıydı yaşayannarın bakışlarınnan paaların kalkmasına. Yaşayannarın mitinglarda pay alması için tekliflärlän çıktılar cümnä aktivisti Mihail Vlah hem Komradın nasaatçısı Vadim Anastasov. Mitinglar Gagauziyanın 3 kasabasında Komratta, Çadırda hem Valkaneştä birdän geçtilär. “İhtiarlar aalȇrlar, çoyu yok neylän ne ekmek, ne dä bir süt satın alsın. Korkȇrlar, ani kışlayamayaceklar”. “Gaz peek paalılandı. Bän 2 bin pensiya kablederim. Ne var nicä onunnan alayım, bir ekmek mi, bir süt mü? Nekadar para sa harçlara gider!”. Mitingın pay alannarı kaldırdılar Prima kasa programasına görä alınmış kreditlerin proţent zeedelenmesini dä. “Büün Prima kasa programasının payalannarı lääzım 2-3…

Video: “Bän seçerim yaşamayı”. Komratta yaşayannar kalktılar evsiz hayvannarın korumasına

«Bän yaşamayı seçerim» evsiz hayvannarı korumak akţiyası Komratta geçti. Asoţiaţiyanın pay alannarı muniţipal nasaatına yalvarımnan hayvannarı enimää danıştılar. Onnarın bakışına görä, bu kolaylık yardım edecek evsiz hayvannın sayısını azaltmaa. Evsiz hayvannarın koruyucuları sayȇrlar, ani Komratta bitki vakıtlar köpekleri otalamak olayları sıklaştılar. Erideki kuvetlerin dikkatlıını problemanın çözülmesinä çekmää deyni, onnar hayvannarı korumak için akţiyasını geçirdilär. Komradın primariyasının önündä kasbanın sokaklarında kedilerin hem köpeklerin patretlerini astılar. «Bän yaşamayı seçerim» adında akţiya geçti. АLİNA MİHALKİNA, «Bän yaşamayı seçerim» iniţiativ bölüün pay alanı: «Hayvannar zeettä ölerlär. Onnar kasabamızda çok var. Çıkış, angısını biz kuvetlerä teklif edriz — enilemää hayvannarı. İslää olacȇydı evsiz hayvannara maasuz ev açsınnar,…

Video: Akţiya «Haşla fidanı-Gagauziyada daayı büüt» geçti Komratta  

Genç fidancıkları haşladılar Gagauziyanın baş kasabasında Birleşik Milletlär Kurumu (OON) günündä, canavar ayın 22-dä. Komradın parkında  Osvobojdeniye sokaanda 25 Japoniya Safora fidancık çeşidi haşlanıldı. «Haşla fidanı-Gagauziyada daalıı büüt» akţiyasında Birleşik Milletlär Kurumun temsilcileri, erideki hem avtonomiyanın kuvetleri pay aldılar. Gagauziyada en az daa büüyer. Bu büük bir problema, angısı ȇkologiyanın durumunda belli ediler. Avtonomiyanın kuvetleri dış partnörların ȇkologiya durumuna dikkatlıını çekerlär. Bu fikiri geçän yıl Başkan İrina Vlah teklif etti. Akţiyanın baş neeti nekadar taa çok fidan Gagauziyada haşlamaa. Signal buna oldu 2019-2020 yıllarda kuraklık, angısının beterinä büük bereket kayıp oldu. Birleşik Milletlär Kurumu genç fidancıkların haşlanmasında programalarını bütün dünnedä çalıştırȇr. Avtonomiyada bu oluş – taa…