Konstituțiya sudu STOYANOGLUnun iştän atılmasını zakonsuz tanıdı

Kirez ayın (iyün) 19-da Moldova Konstituțiya sudu aldı karar, ani Moldova “Şor” politika partiyasını Konstituțiya ayıkırı olan bir partiya açıklamaa. Moldova Konstituțiya sudun bu kararı kuvedä geçtiynän, Moldova parlamenttakı “Şor” partiyasının frakțiyası daadılacek, ama o partiyadan seçilän deputatlar, baamsız olarak, deputat kalaceklar. Hep ölä “Şor” politika partiyasından seçilän Gagauziyanın eni Başkankası Evgeniya GUȚİUL da baamsız olacek. “Şor” politika partiyasının öndercileri açıkladılar, ani Moldova Konstituțiya sudun bu kararı zakon dışında olak kablederlär dä, o üzerä, dooruluk için, Evropa insan hakları suduna baş uraceklar. Aylarca sürtän bu sudta: “Şor” politika partiyasının taraftarları hem hem protestlara çıktılar, ama o protestlar bişeyä getirmedilär.  …

Baba Marta ayın (mart) 7-dä Kişinev Çokana sudun magistratları karar aladılar Moldovanın gagauz olan Baş prokurorunu Aleksandr STOYANOGLUyu sud kontrolü altından almaa. Bu oldu ondan sora, açan Aleksandr STOYANOGLUnun ceza işini götürän prokurorlar danıştılar, ani Aleksandr STOYANOGLUyu taa 60 gün sud kontrolü altında brakmaa. Bu prokurorlar açıkladılar, ani Kişinev Çokana sudun magistratlarının kararınnan kayıl olmêêrlar da bu üzerä o kararın ortadan kaldırrılamsı için Kişinev Apeläțiya palatasına danışaceklar. Aklınıza getireriz, ani Moldovanın gagauz olan Baş prokurorunu Aleksandr STOYANOGLU 2021-ci yılın Canavar ayın (oktäbri) 5-dä bir kabaatsız tutuklandı da ozamandan beeri, türlü uydurma sebeplerä görä, onun işini hep tutsak ederlär. Moldova sudların başsızlıı için…

2021-ci yılın Harman ayın 24-dä Moldova Parlamentında “Moldova Respublikasının Prokuraturası için” zakonuna diiştirmeklerin ikinci okumakta kabledilmesinnän Gagauziyanın temeldän sökülmesi başladı. Bakmadaan ona, ani “Moldova Respublikasının Prokuraturası için” zakonuna diiştirmeklär için cümne insannar hem yuristlär, kendi bakışlarını açıklayarak, dedilär, ani bu diiştirmeklär politika işi hem prokuraturayı politika ökçesi altına almak, zakon ikinci okumakta kabledildi. Moldovada “zakonçuluu korumasında duran” halklararası kuruluşlar, dilsizlär gibi, sustular, bakmadaan ona, ani bu Zakon proektı, nicä düşer Evropaya bakannara, Venețiya komisiyasına yollanmalıydı hem Moldova Prokurorların Üüüsek Soveti tarafından incelänmeliydi. Zakonu kabledennär ne da deselär, bu zakon en aazdan bir gagauza, Moldovanın büünkü Baş prokuroruna Aleksandr STOYANOGLUya hem…

Moldova-Leaks saytı tarafından Telegram kanalında Moldova politikacıların yazışmasının ortalaa akıtmasından sora, bir zakonsuz işindän alınan Moldovanın gagauz olan Baş prokuroru Aleksandr STOYANOGLU, susmasını kesip, büük bir açıklama yaptı, neredä Moldova yustițiya ministrusununa Sergey LİTVİNENKOya karşı aar kabaatlar attı hem onun iştän alınmasını istedi. Aleksandr STOYANOGLU urguladı, ani “bir şüpesi dä yok ondan, ani Moldova-Leaks saytında yayınnanan yustițiya ministrusununa Sergey LİTVİNENKOnun yazışması aslıdır, çünkü kimär erdä Sergey LİTVİNENKO yazêr, ani kapanda benim için kamera hazır da ona hemen o kameranın patredini yollêêrlar”. Aleksandr STOYANOGLU deer: “kimisi hiç bilmeer dä nekadar “sonsuz kuvedä saabi” o ministr. O biler, nesoy notaları kayaceklar prokurorlar,…